Rɔmukaw 3:11 - ALA KA KUMA

¹¹ Hakili te o si fɛ, o si te Ala yɔrɔ ɲini fana.

Jula NT of Côte d’Ivoire

¹¹ O si tɛ hakiritigi ye, o si tɛ Ala ta jɛnɲɔgɔnya ɲini.

LAYIDUKURA

¹¹ O si tɛ koo lɔn, o si tɛ Ala nyini fana.

Rɔmukaw 3:11 Iomraidhean Croise

Zaburu 53:2

Nalomanw le b'a fɔ ko Ala te yen. Mɔgɔtilenbaliw lo, u ka kɛwaliw bɛɛ ye tilenbaliyakow ye, u si te koɲuman kɛ.

Zaburu 53:4

U bɛɛ murutira, u bɛɛ ye tilenbaliw ye. Mɔgɔ si te yen min be koɲuman kɛ, hali mɔgɔ kelen yɛrɛ te yen.

Zaburu 94:8

Nalomanw, aw k'aw yɛrɛ kɔlɔsi. Hakilitanw, aw bena faamuli kɛ waati jumɛn?

Zanaw 1:22

«Kolɔnbaliya bena diya aw kolɔnbaliw ye tuma jumɛn? Mɔgɔjagabɔbagaw bena to o la fɔɔ tuma jumɛn? Nalomanw bena ban lɔnniya ma tuma jumɛn?

Zanaw 1:7

Masaba ɲasiran ye lɔnniya daminɛyɔrɔ ye. Nalomanw dama le be ban lɔnniya ni ladili ma.

Ezayi 27:11

Ni yiribolo jara, u b'o kari, musow be na tasuma don u la. Tiɲɛ na, siya nin te foyi lɔn. O kama, u Danbaga te makarila u la, u Danbaga t'u dɛmɛna tugu.

Ezayi 31:1

Mɔgɔ minw be taga dɛmɛ ɲini Ezipiti jamana fɛ, bɔnɛ ye olu ta ye! U b'u jigi la soow kan, k'u jigi la kɛlɛwotorow caya kan, u b'u jigi la sotigiw kan, bari u ka ca. Nga, u te filɛli kɛ Isirayɛli ka Ala senuman faan fɛ, u te Masaba ɲini.

Ezayi 55:6

Aw ka Masaba yɔrɔ ɲini a sɔrɔtuma na. Aw k'a wele k'a to a yɔrɔ man jan.

Ezayi 65:1

Masaba ko: «Mɔgɔ minw tun te foyi ɲinina ne fɛ, ne ye n yɛrɛ yira olu la. Mɔgɔ minw tun te ne yɔrɔ ɲinina, ne y'a to olu ye ne ye. Siya min tun te ne daali, n tun y'a fɔ u ye ko: ‹Ne filɛ, ne be nana.›

Ezayi 9:13

O la, Masaba ye Isirayɛli kuun tigɛ, k'a kuu tigɛ. A ye tamarosunw ani burukuw tigɛ loon kelen!

Yeremi 4:22

«Ne ka mɔgɔw ye nalomanw ye, u te ne lɔn. Hakilitanw lo, u te foyi faamu. U be se kojugukɛ dama le la, u te koɲumankɛ lɔn.»

Oze ta kitabu 4:6

Ne ka mɔgɔw ta cɛnna ne lɔnbaliya kosɔn. Aw banna ka ne lɔn minkɛ, ne fana bena ban aw la, aw tena kɛ ne ka sarakalasebagaw ye tugu. Aw ɲinɛna ne, aw ka Ala ka sariya kɔ minkɛ, ne fana bena ɲinɛ aw deenw kɔ.

Oze ta kitabu 7:10

Isirayɛlidenw ka yɛrɛboɲa b'u cogo yira. Nga, u do te segira ne Masaba u ka Ala ma. O bɛɛ la, u te ne yɔrɔ ɲini.

Matiyu 13:19

Minw be Ala ka kuma mɛn n'u t'a faamu, olu bɔnin be sirada fɛ, kisɛ benna yɔrɔ min na. U man'a mɛn dɔrɔn, Sutana be na o bɔ u kɔnɔ.

Rɔmukaw 1:22

U b'u yɛrɛ jati kolɔnbagaw ye nga u ye nalomanw ye.

Rɔmukaw 1:28

U ma sɔn ka Ala lɔn minkɛ, Ala fana y'u to u ka miiriyajugu la. A kɛra ten, u man kan ka min kɛ, u b'o le kɛ.

Rɔmukaw 3:10

I ko a fɔra Ala ka kuma na cogo min na ko: «Mɔgɔtilennin si te yen, hali mɔgɔ kelen.

Rɔmukaw 3:12

U bɛɛ filinin lo, u bɛɛ kɛra mɔgɔjuguw ye. U si te koɲuman kɛ, hali mɔgɔ kelen.

Rɔmukaw 8:7

Adamadenw ka nigɛjuguw sera mɔgɔ minw kɔrɔ, u ye Ala juguw ye. U te sɔn Ala ka sariya ma, u fana te se k'o kɛ.

Tite 3:3

Bari fɔlɔfɔlɔ, an fana tun ye hakilitanw ye, mɔgɔmurutininw, an tun filila, nigɛjugu sifa bɛɛ, tun y'an kɛ jɔɔn ye, an tun be juguya, ni sɔnjuguya la. An koo fana tun man di ɲɔgɔn ye.

Zan fɔlɔ 5:20

Anw y'a lɔn fana ko Ala Dencɛ nana diɲɛ na ka hakili d'an ma waasa an ka Tiɲɛtigi lɔn, ale min ye Ala ye. Anw ni Ala yɛrɛ be ɲɔgɔn fɛ a Dencɛ Yezu Krista barika la, ale lo ye Ala ye tigitigi min be nii banbali di.