Rɔmukaw 2:9 - ALA KA KUMA

⁹ Mɔgɔ minw be kojugu kɛ, k'a ta zuwifu ma fɔlɔ, o kɔ siya tɔw, tɔɔrɔ ni dusukasi bena kɛ olu bɛɛ ta ye.

Jula NT of Côte d’Ivoire

⁹ Tɔɔrɔ ni ɲagban, o le bɛna ben kojugukɛbaga bɛɛ kelen kelen kan; Yahudiyaw le bɛ kɛ fɔlɔ ye, o kɔ, siya wɛrɛ mɔgɔw*.

LAYIDUKURA

⁹ Mɔgɔ minw bɛ kojugu kɛ, k'a ta Zuwifu ma fɔlɔ, o kɔ siya tɔw, tɔɔrɔ ni dusukasi bɛna kɛ olu bɛɛ ta ye.

Rɔmukaw 2:9 Iomraidhean Croise

Lok 2nan 6:23

k'i to sankolo la, i ka mɛnni kɛ. I ka kiti tigɛ i ka baarakɛlaw ni ɲɔgɔn cɛ, koo cɛnna min fɛ, i k'ale sara, k'a kunko la a yɛrɛ kunna. I ka mɔgɔɲuman ka tiɲɛ d'a ma.

Zaburu 32:10

Sigɛn caaman ye mɔgɔjugu ta ye, nga mɔgɔ min y'a yɛrɛ kalifa Masaba ma, a b'a ka ɲumanya kɛ o tigi ye.

Zanaw 11:23

Mɔgɔtilennin ka miiriya be hɛrɛ le kan. Mɔgɔjugu ta te foyi kɔnɔna, ni Ala ka dimi tɛ.

Ezekiyɛli 18:4

Nii bɛɛ ye ne ta ye, faa far'a deen kan, u fila bɛɛ ye ne ta ye. Ni mɔgɔ min ye kojugu kɛ, o tigi le bena sa.

Ezekiyɛli 22:31

O la, ne Matigi, Masaba ko: ‹Ne bena n dimi bɔ u la kosɔbɛ, ne dusu gwannin bena u halaki. Ne bena u sara u ka kɛwaliw kosɔn.› »

Amɔsi 3:2

«Ne be jantora aw le la siyaw bɛɛ cɛma. O kama, aw ye tilenbaliyako minw bɛɛ kɛ, ne bena o juru sara aw la.»

Matiyu 16:26

A be mun ɲa mɔgɔ ye ka diɲɛ fɛɛn bɛɛ sɔrɔ n'a bɔnɔna a nii na? Walima mɔgɔ be se ka mun di Ala ma min b'a nii sɔngɔ bɔ?

Luka 24:47

A ka kibaru ka kan ka fɔ siyaw bɛɛ ye waasa u ka nimisa ka faran u ka kojuguw la, u ka hakɛw ka yafa. O ka kan ka daminɛ Zeruzalɛmu.

Kɛwalew 11:18

Kuma nunu y'u dusu suma. U y'a daminɛ ka Ala tanu ka to k'a fɔ ko: «Tiɲɛ na, Ala ye sira di siya wɛrɛw fana ma u ka nimisa ka faran u ka kojuguw la ka kisi.»

Kɛwalew 13:26

«Ayiwa n balimaw, aw minw buruju bɔra Ibrayima na, ani aw siya wɛrɛ minw bɛɛ be siran Ala ɲa, Ala ka hɛrɛ sɔrɔ kuma nin ye an le ta ye.

Kɛwalew 20:21

N y'a fɔ zuwifuw, ni siya wɛrɛw ye, k'u ka nimisa ka faran u ka kojuguw la k'u ɲasin Ala ma, ka la an Matigi Yezu la.

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Kɛwalew 28:17

Pɔli senin tile saba, a ye Ɔrɔmu zuwifu ɲamɔgɔw bɛɛ wele. U nana lajɛn tuma min na, a y'a fɔ u ye ko: «N balimaw, n ma koo kɛ an ka siya la, n ma koo kɛ min n'an ka sariya te bɛn. Nga u ye ne minɛ Zeruzalɛmu ka n don Ɔrɔmu faamaw bolo.

Kɛwalew 28:28

«Ayiwa, ne Pɔli b'a fɔ aw ye ko Ala ka kuma bena fɔ siya wɛrɛw le ye sisan. Olu ben'a lamɛn, ka kisi.» [

Kɛwalew 3:26

Ala y'a ka baarakɛla ci aw le ma fɔlɔ, janko a ka hɛrɛ kɛ aw kelen kelen bɛɛ ye k'aw faran ka bɔ aw ka kɛwalijuguw la.»

Rɔmukaw 1:16

Ne te maloya ka kibaru diman fɔ, bari Ala ka sebagaya koo lo, mɔgɔ minw be l'a la, kisili ye olu ta ye, k'a daminɛ zuwifu ma fɔlɔ, o kɔ siya wɛrɛw.

Rɔmukaw 10:12

O la, danfara te zuwifuw ni siya wɛrɛw cɛ, u bɛɛ ka Matigi ye kelen ye, min man'a daali, a be o tigi ta ɲa kosɔbɛ.

Rɔmukaw 2:10

Minw be koɲuman kɛ, k'a ta zuwifu ma fɔlɔ, o kɔ siya tɔw, olu bɛɛ bena boɲa ni kunkɔrɔta ani hɛrɛ sɔrɔ.

Rɔmukaw 8:35

Mun le be se k'an faran ka bɔ Krista ka kanuya la? Sigɛn, walima hakiliɲagami? Tɔɔrɔ, walima kɔngɔ? Dɛsɛ, walima farati? Walima n'u b'an faga wa?

Rɔmukaw 9:24

O kɔrɔ ko a ye an minw wele, a ma weleli kɛ ka bɔ zuwifuw dama cɛma, nga a ye dɔw fana wele ka bɔ siya wɛrɛw cɛma.

Galasikaw 3:28

Danfara te zuwifu ni siya wɛrɛ cɛ tugu, jɔɔn ni hɔrɔn cɛ, cɛɛ ni muso cɛ. Bari aw bɛɛ kɛra kelen ye Yezu Krista barika la.

Kɔlɔsikaw 3:11

O la, danfara te siya wɛrɛ ni zuwifu cɛ, kɛnɛkɛnɛninw ni kɛnɛkɛnɛbaliw cɛ, lonanw ni siyajuguw cɛ, jɔɔnw ni hɔrɔnw cɛ. Krista ye fɛɛn bɛɛ ye, a be bɛɛ la.

Tes 2nan 1:6

A bɛnnin lo Ala k'aw tɔɔrɔbagaw tɔɔrɔ fana.

Piy fɔlɔ 4:17

Kiti tigɛtuma sera. A do bena daminɛ Ala ka mɔgɔw ma. Ni kiti be daminɛ anw le ma, minw be ban ka la Ala ka kibaru diman na, olu ta bena kɛ cogo di sa?