Rɔmukaw 2:4 - ALA KA KUMA

⁴ Walima e te Ala ka ɲumanya dafanin n'a ka muɲuli, n'a ka timinadiyali jati foyi ye wa? K'a sɔrɔ a b'i dɛmɛ a ka ɲumanya barika la ka nimisa ka faran i ka kojugu la.

Jula NT of Côte d’Ivoire

⁴ Walama Ala ta ɲumanyaba ni a ta sabari, ani a ta muɲuri, ele tɛ o jate fɛn ye wa? I m’a lɔn ko a bɛ o ɲumanya bɛɛ kɛra i ye le ka sira bla i kɔrɔ janko i ye nimisa ka jurumun dabla wa?

LAYIDUKURA

⁴ Walima e tɛ Ala ka nyumanya dafanin n'a ka munyuli, an'a ka timinadiyali jati foyi ye wa? K'a sɔrɔ a b'i dɛmɛ a ka nyumanya barika la ka nimisa ka faran i ka kojugu la.

Rɔmukaw 2:4 Iomraidhean Croise

Zaburu 10:11

Mɔgɔjuguw b'a fɔ ko: «Ala mako te an ka koo la, a y'a ɲaa tugu, a tena foyi ye.»

Zaburu 104:24

Masaba, e ka kɛtaw ka ca kosɔbɛ. E y'u bɛɛ kɛ ni hakilitigiya ye. Dugukolo fanin be i ka danfɛnw na.

Zaburu 31:19

Galontigɛla nunu kɛ bobow ye, olu minw be dabayakuma fɔ mɔgɔtilennin ma. U b'u yɛrɛ boɲa n'a ye, u b'a dɔgɔya fana.

Zaburu 78:38

Nga ale ye makaritigi ye. Ale tun be to ka yafa u ma u ka filiw la. A tun te to k'u halaki. A tun be to k'a dusu suma u kɔrɔ, a tun te to k'a ka dimi yira u la.

Zaburu 86:15

Nga Matigi, e kɔni ye Ala ye, i be makari, i be hinɛ. E te dimi joona, e ka ɲumanya ka bon, e ye kantigi ye fana.

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Bɔri 34:6

A tɛmɛtɔ Musa ɲafɛ, a pɛrɛnna k'a fɔ ko: «Masaba, Masaba, makaritigi, hinɛbaga Ala. A te dimi joona, a ka ɲumanya n'a ka kantigiya ka bon.

Waajurikɛbaga 8:11

Ɲagwan min ka kan ka kojugu juru sara, o t'a tigi sɔrɔ a kɛtuma na, o la, kojugukɛ nigɛ be to adamaden dusu la tuma bɛɛ.

Ezayi 30:18

O bɛɛ n'a ta, Masaba be waati dɔ le kɔnɔna k'aw dɛmɛ, a bena wili ka makari aw la. Bari, Masaba Ala tilennin lo. Mɔgɔ minw bɛɛ b'u jigi la a kan, olu dagamuna!

Yeremi 7:10

O bɛɛ kɔ, aw be sɔrɔ ka na lɔ ne ɲakɔrɔ soo nin kɔnɔ, ne tɔgɔ lara min kan, ka to k'a fɔ ko: An kisira, ka tila ka kojugu nunu bɛɛ ɲɔgɔn kɛ tugu.

Ezekiyɛli 11:19

«Tulogwɛlɛya min b'aw la, ne bena o ban ka nikura don aw la, ka hakiliɲuman d'aw ma

Ezekiyɛli 16:63

O tuma na, i hakili bena jigi i taamacogokɔrɔ la ka maloya, ni ne ye i ka kɛwaliw bɛɛ yafa tuma min na, i tena se ka foyi fɔ tugu maloya kosɔn. Ne Matigi, Masaba le ko ten.»

Oze ta kitabu 3:5

O kɔ, Isirayɛlidenw bena segi ka Masaba u ka Ala yɔrɔ yaala, n'u ka masacɛ Dawuda. U yɛrɛyɛrɛtɔ bena kɔsegi Masaba ma, ka hɛrɛ ɲini a fɛ labanlon na.

Yunusu 4:2

A ye Masaba daali ko: «Unhun! Masaba, ne tun t'o le fɔra ka n to n ka jamana na wa? O le y'a to ne tun be banbana ka boli ka taga Tarisisi. Bari ne y'a lɔn ko e Ala ye makaritigi ye, ni hinɛbaga ye. I te dimi joona, e ka ɲi kosɔbɛ, i be sɔn k'i ka ŋaniya tanin to yen.

Jateri 14:18

‹Masaba te dimi joona, a ka makari ka bon. A be mɔgɔw ka tilenbaliya n'u ka murutili yafa, nga a te kojugukɛla to yen. A be faaw ka tilenbaliya juru sara u deenw na fɔɔ ka se u mamadenw n'u tulomasamaw ma.›

Rɔmukaw 10:12

O la, danfara te zuwifuw ni siya wɛrɛw cɛ, u bɛɛ ka Matigi ye kelen ye, min man'a daali, a be o tigi ta ɲa kosɔbɛ.

Rɔmukaw 11:22

Aw ka Ala ka ɲumanya n'a ka fariyako filɛ, a fariyara Isirayɛlidenw ma olu minw benna, ani a ɲana aw ma. Fɔɔ aw nɔrɔnin ka to a la, n'o tɛ aw bena tigɛ i n'a fɔ dɔ nunu.

Rɔmukaw 11:33

Ala dafanin lo, hakilitigiya ni lɔnniya la! Mɔgɔ te se k'a ka kolatigɛninw faamu, a ka koo fana te se ka faamu.

Rɔmukaw 3:25

Mɔgɔ minw lar'a la ko a sara olu kosɔn, Ala y'a kɛ hakɛ yafa saraka ye, waasa k'ale Ala yɛrɛ ka tilenninya yira, bari mɔgɔ minw tun ye hakɛ kɛ fɔlɔfɔlɔ, a ma olu jalaki

Rɔmukaw 6:1

An ka mun le fɔ sa? An ka kan ka to hakɛ la janko Ala ka nɛɛma be boɲa wa?

Rɔmukaw 6:15

O tuma na, an ka to ka hakɛ kɛ bari an te sariya kɔrɔ tugu fɔɔ nɛɛma wa? Ayi dɛ!

Kor 2nan 8:2

K'u to tɔɔrɔba la, u n'u ka fantanyajugu bɛɛ, u nisɔndiyaninba y'u tigɛ yɛlɛ kosɔbɛ.

Ɛfɛsikaw 1:18

ani k'aw hakili yɛlɛ, aw welela fɛɛn min kama, aw ka se k'o faamu. A ye fɛnɲuman min labɛn a ka mɔgɔw ye, aw k'o nafa lɔn,

Ɛfɛsikaw 1:7

Ale Krista ka saya barika la an kunmabɔra, an ka filiw yafara ka kɛɲɛ ni Ala ka nɛɛma dafanin ye.

Ɛfɛsikaw 2:4

Nga Ala ka makari te ban, an koo diyar'a ye kosɔbɛ.

Ɛfɛsikaw 2:7

O le y'a to, a tun y'a latigɛ k'a ka nɛɛma dafanin kɛ waati nataw la an faan fɛ, min ɲɔgɔn tɛ, a ka ɲumanya kosɔn Yezu Krista barika la.

Ɛfɛsikaw 3:16

A ka ɲumanya ka bon. O la, ne b'a daali a ka fanga di aw ma k'aw jaa gwɛlɛya a ka Nii Senuman barika la,

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka ɲumanya fɔ siya wɛrɛw ye, daan te ɲumanya min na.

Filipikaw 4:19

Ne ka Ala bena aw mako ɲa, ka kɛɲɛ n'a ka fɛntigiya dafanin ye Yezu Krista barika la.

Kɔlɔsikaw 1:27

A b'a fɛ ka o koo dogonin ɲumanya yira siyaw cɛma, min ye nin ye: Krista be aw cɛma, ale kɛra aw jigi ye ko aw bena nɔɔrɔ sɔrɔ sini.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun be Ala fɛ, ka hakili ɲanaman sɔrɔ ka se k'o lɔn, o min ye Krista ye.

Tim fɔlɔ 1:16

Ne min tun ka jugu u bɛɛ cɛma, ni Ala hinɛna ne la, a b'a fɛ Yezu Krista k'a ka ɲumanya le yira k'o kɛ taamasiɲɛ ye mɔgɔw fɛ, olu minw bena la ale la ka nii banbali sɔrɔ.

Tim fɔlɔ 6:17

A fɔ bii fɛntigiw ye k'u kana u yɛrɛ boɲa, ani u kana u jigi la o fɛɛn tɛmɛta nunu kan, nga u k'u jigi la Ala kan, ale min be fɛɛnw bɛɛ di an ma caaman, waasa an ka nisɔndiya.

Piy fɔlɔ 3:20

Olu minw tun murutira Ala ma, a muɲuna, Nuhun ye kurunba lalaga, mɔgɔ damani le kisira o kɔnɔ, mɔgɔ seegi dɔrɔn.

Piy 2nan 1:11

O la, aw bena se ka kunbɛn koɲuman sɔrɔ an Matigi n'an Kisibaga Yezu Krista ka masaya la min te cɛn ka ye.

Piy 2nan 3:15

N'aw y'a ye ko Matigi te kɔsegira ka na joona, o kɛra aw ka kisili kosɔn le. An balimacɛ n'an tericɛ Pɔli ye sɛbɛ ci aw ma o la. Ala ye lɔnniya min d'a ma, a y'o kɛ k'aw ladi.

Piy 2nan 3:3

Aw k'a lɔn ko diɲɛ labanwaati la, dɔw bena wili ka to k'u diyanakow kɛ k'u ɲaa don aw la,

Piy 2nan 3:9

Matigi y'a daa di koo min na, dɔw ko a ka suma o kɛko la. K'a sɔrɔ a man suma. Nga a be muɲu aw le kɔrɔ, a t'a fɛ mɔgɔ si ka halaki, a b'a fɛ bɛɛ ka se ka nimisa ka faran a ka kojuguw la.

Yirari 2:21

N y'a to fɔlɔ waasa a k'a sɔɔn yɛlɛma. Nga a do t'a fɛ k'a ka kakalaya dabila.

Yirari 3:20

Ne lɔnin be aw ka daaw la ka daa kɔkɔ. Ni min ye n kaan mɛn ka daa yɛlɛ, ne be don o tigi fɛ, an be dumuni kɛ ɲɔgɔn fɛ.