Rɔmukaw 2:3 - ALA KA KUMA

³ E min b'o koow kɛbaga nunu jalaki, k'a sɔrɔ ele fana b'o koow ɲɔgɔn kɛ, e be miiri ko i bena kisi Ala ka kiti ma wa?

Jula NT of Côte d’Ivoire

³ Ayiwa, ni ele bɛ tɔw jaraki, k’a sɔrɔ ele yɛrɛ bɛ o kow kɛ o, i ta miiriya ra i bɛna bɔsi Ala ta kiti ma wa?

LAYIDUKURA

³ E min b'o koow kɛbaga nunu jalaki, k'a sɔrɔ ele fana b'o koow nyɔgɔn kɛ, e bɛ miiri ko i bɛna kisi Ala ka kiti ma wa?

Rɔmukaw 2:3 Iomraidhean Croise

Sam 2nan 10:3

amoniw ka ɲamɔgɔw y'a fɔ u kuntigi Anun ye ko a kan'a miiri ko Dawuda ye mɔgɔ nunu bila janko u ka na a jigi tugu ka boɲa la a facɛ kan dɛ. Ko a y'u ci a fɛ janko u ka na dugu nin yaala k'a kɔlɔsi, o kɔ, u ben'a minɛ.

Ayuba 35:2

«E be miiri ko tiɲɛ b'i fɛ kɛ? N'i b'a fɔ ko i gwɛnin lo Ala ɲakɔrɔ?

Zaburu 50:21

E b'o koo le kɛra. Ne jera k'i to. E be miiri ko ne ni ele ye kelen ye. Nga ne bena i jalaki k'i ka kojugu bɛɛ yira i la.

Zaburu 56:7

U be janfa siri ne la, ka ne dɛndɛ. U be tugu n sennɔ kɔ, janko ka n faga.

Zanaw 11:21

Sɔbɛ la, mɔgɔjugu ɲagwanbali tena to. Nga mɔgɔtilenninw bena kisi.

Zanaw 16:5

Yɛrɛboɲala koo ka go Masaba ye. Siga t'a la, a ɲagwanbali tena to.

Ezekiyɛli 17:15

Nga masacɛ dɔ nin nana muruti a ma ka mɔgɔw ci ka taga Ezipiti janko Ezipitikaw ka soow ni kɛlɛden caaman ci a ma. Mɔgɔ min be nin ɲɔgɔn kɛ, yala o tigi ka koo be se ka ɲa wa? A be se ka kisi wa? A ye bɛɛn cɛn, a bena bɔyɔrɔ sɔrɔ cogo di?

Ezekiyɛli 17:18

A ye bɛɛn cɛn minkɛ, a y'a yira ko a ye kali nin mafiɲɛya. A tun y'a daa di minkɛ, k'a sɔrɔ a ye koo nunu bɛɛ kɛ, o le kosɔn a tena kisi.

Daniyɛli 10:19

A y'a fɔ ko: «Kana siran, e min koo ka di Ala ye! Ala ka hɛrɛ kɛ i ye. I jaa gwɛlɛya, i jaa gwɛlɛya!» K'a to kuma na ni ne ye, ne ye fanga sɔrɔ. Ne y'a fɔ ko: «Ne matigi, kuma, sabu i ye barika don ne la.»

Matiyu 23:33

Aw be i n'a fɔ saaw, fɔnfɔnniden nunu, aw ben'a kɛ cogo jumɛn na ka tila jahanama tasuma ma?

Matiyu 26:53

E m'a lɔn ko ne be se k'a fɔ n Faa ye ko a ka n dɛmɛ wa? O yɔrɔnin bɛɛ fana, a be se ka mɛlɛkɛ waa caaman ci ka na n dɛmɛ.

Luka 12:14

Yezu y'a jaabi ko: «Cɛɛ, jɔn ye ne sigi ka kɛ aw ka koow kititigɛla ye? Walima ka kɛ aw ka cɛɛn tilanbaga ye?»

Luka 22:58

Waati dɔɔni o kɔ, cɛɛ dɔ fana y'a ye k'a fɔ a ye ko: «Ele fana ye u dɔ ye.» Nga Piyɛri ye cɛɛ jaabi ko: «Ne te u dɔ ye.»

Luka 22:60

Nga Piyɛri y'a jaabi ko: «E be min fɔra, ne t'o faamu.» K'a to o kuma na, o yɔrɔnin bɛɛ dondo kasira.

Rɔmukaw 1:32

U be Ala ka koo latigɛnin lɔn, ko ni mɔgɔ min b'o koo ɲɔgɔn kɛ, o tigi ka kan ni saya ye. O bɛɛ n'a ta, u be to k'o kɛ, ka sɔn o kɛbagaw ta ma fana.

Rɔmukaw 2:1

E kɛra mɔgɔ o mɔgɔ ye, tiɲɛ t'i fɛ k'i tɔɲɔgɔn jalaki, bari e b'i tɔɲɔgɔn jalaki koo minw na, e yɛrɛ b'o ɲɔgɔn kɛ. O la, e b'e yɛrɛ jalakila.

Rɔmukaw 2:2

Minw b'o ɲɔgɔn kɛ, an y'a lɔn ko Ala b'o tigi kiti ka kɛɲɛ ni tiɲɛ ye.

Rɔmukaw 9:20

E adamaden, e ye mun ye n'i be sɔsɔli kɛ ni Ala ye? Daga be se k'a fɔ a dilanbaga ye ko: «Mun na e ye n dilan ten wa?»

Tes fɔlɔ 5:3

Tuma min na mɔgɔw ben'a fɔ ko hɛrɛ ni jigisigi be yen, o tuma na, tɔɔrɔ bena ben u kan fɔɔ u te se ka bɔyɔrɔ sɔrɔ, i n'a fɔ muso ka tiin be cun a kan cogo min na.

Heburuw 12:25

Min be kumana aw fɛ, aw ye jija, aw kana ban a ka kuma na. Bari fɔlɔ mɔgɔw banna Ala ka kuma fɔbaga ma, min tun b'u cɛma dugukolo kan. O la, u ma kisi ɲagwan ma. Min be to arijana na ka kuma an fɛ, n'an banna ale la, an ka ɲagwan tena tɛmɛ fɔlɔ mɔgɔw ta kan wa?

Heburuw 2:3

Matigi kɔnna ka kisili min koo fɔ, n'o mɛnbagaw nana o gwɛya an ye, min ye koba ye, n'an m'o jati, an bena se ka kisi cogo di?