Rɔmukaw 2:16 - ALA KA KUMA

¹⁶ Ka kɛɲɛ ni ne ka kibaru diman ye, o le bena ye loon min na Ala bena mɔgɔw kiti u ka koo dogoninw kama, Yezu Krista barika la.

Jula NT of Côte d’Ivoire

¹⁶ Ayiwa, ne ka ko minw fɔ, o bɛɛ bɛna yira lon dɔ, lon min na Ala bɛna a fɔ Yesu Kirisita ye ko a ye mɔgɔw ta ko dogoninw kiti tigɛ; ne ka Kibaro Diman* min waajuri kɛ, a bɛna kɛ ka kaɲa ni o le ye.

LAYIDUKURA

¹⁶ Ka kɛnyɛ ni ne ka kibaru diman ye, o le bɛna ye loon min na Ala bɛna mɔgɔw kiti u ka koo dogoninw kama, Yezu Krista barika la.

Rɔmukaw 2:16 Iomraidhean Croise

Damina 18:25

Ka sɔn ka mɔgɔtilenninw ni mɔgɔjuguw faga ɲɔgɔn fɛ, e kɔni te sɔn o la! Ka mɔgɔtilennin ni mɔgɔjugu kɛɲɛ, e te sɔn o la! E min be adamadenw bɛɛ kiti, i tena kiti tigɛ ni tilenninya ye wa?»

Zaburu 50:6

Sankolo y'a ka tilenninya fɔ ko: «Kititigɛbaga ye Ala le ye.»

Zaburu 96:13

O ka kɛ Masaba ɲafɛ, bari a be nana. A be nana dugukolo kan mɔgɔw kiti. A bena diɲɛ kiti ni tilenninya ye, a bena siyaw kiti ka kɛɲɛ n'a ka kantigiya ye.

Zaburu 98:9

U k'o kɛ Masaba ɲakɔrɔ, bari a be na diɲɛ kiti. A bena diɲɛ kiti ni tilenninya ye, a bena jamanadenw kiti ni tiɲɛ ye.

Waajurikɛbaga 11:9

Kanbelen, i nisɔn diya i denmisɛn tile la. I dusu ka diya i kanbelenya waati la. Fɛɛn o fɛɛn diyara i ye, o kɛ. I ɲaa be bɔ fɛɛn o fɛɛn fɛ, o kɛ. Nga i k'a lɔn ko Ala bena e ɲininga o bɛɛ la.

Waajurikɛbaga 12:14

Bari, Ala bena mɔgɔw ɲininga u ka kɛwaliw kelen kelen bɛɛ la, hali minw kɛra dogo la, a ɲuman fara jugumanw kan.

Waajurikɛbaga 3:17

Ne y'a fɔ n yɛrɛ kɔnɔ ko Ala bena mɔgɔɲuman ni mɔgɔjugu bɛɛ kiti, bari koo bɛɛ ni kɛwaliw bɛɛ n'u kitituma lo.

Matiyu 16:27

Ayiwa, Mɔgɔ Dencɛ bena na n'a ka mɛlɛkɛw ye a Faa ka sebagaya la, o la a bena mɔgɔ kelen kelen bɛɛ sara ka kɛɲɛ n'u ka kɛwaliw ye.

Luka 8:17

«Fɛɛn o fɛɛn dogonin be, o bɛɛ bena ye. Gundo si te yen min tena bɔ kɛnɛ kan.

Yuhana 12:48

Mɔgɔ min banna ne la ani a ma sɔn n ka kuma ma, o tigi kitibaga be yen, n ye kuma min fɔ, o le ben'a tigi kiti diɲɛ labanlon na.

Kɛwalew 10:42

O kɔ, a ye cii don an bolo ko an k'a fɔ jama ye ani k'a yira u la ko Ala ye ale lo sigi ka kɛ ɲanamanw ni suuw kitibaga ye.

Kɛwalew 17:31

O kama, a ye loon dɔ sigi. O loon nin sera, a ye mɔgɔ dɔ woloma ka ban, a bena o tigi bila ka diɲɛ mɔgɔw kiti ni tilenninya ye. A y'o tigi kunun a sanin kɔ janko k'a yira bɛɛ la, ko ale lo bena mɔgɔ bɛɛ kiti.»

Rɔmukaw 16:25

An ka Ala fo, ale min be se ka barika don aw la Yezu Krista ka kibaru diman kosɔn, ne be min fɔ ka kɛɲɛ ni tiɲɛ ye an y'o min lɔn, o min tun kɛra gundo ye kabini fɔlɔfɔlɔ.

Rɔmukaw 2:5

E ka dusugwɛlɛya n'i ka murutili kosɔn, e be dɔ fara Ala ka dimi kan, sanni o dimi nin kiti tilennin loon ka se.

Rɔmukaw 3:6

Ayi dɛ! N'a kɛra ten, Ala ben'a kɛ cogo di ka diɲɛ kiti?

Kor fɔlɔ 15:1

N balimaw, sisan ne b'a fɛ k'aw hakili jigi kibaru diman la, ne ye min fɔ aw ye, aw sɔnna min ma k'aw jigi bɛɛ la a kan.

Kor fɔlɔ 4:5

O le kosɔn aw kana kɔn ka mɔgɔ jalaki waati latigɛnin ɲa, aw k'a to, Matigi ben'a ka koo dogonin bɛɛ bɔ kɛnɛma, ani ka mɔgɔw bɛɛ kɔnɔnakow yira. O waati la, mɔgɔ kelen kelen bɛɛ ka kan ni boɲa min ye, a bena o sɔrɔ Ala fɛ.

Kor 2nan 5:10

bari an bɛɛ ka kan ka lɔ Krista ɲakɔrɔ a k'an kiti, waasa mɔgɔ kelen kelen bɛɛ ye baara min kɛ k'u to diɲɛ na, a kɛra baaraɲuman ye wo, baarajugu lo wo, u k'o sara sɔrɔ.

Galasikaw 1:11

N balimaw, ne b'a fɛ aw k'a lɔn ko ne ye kibaru diman min fɔ aw ye, o ma bɔ adamaden na.

Tim fɔlɔ 1:11

O kalan nin be sɔrɔ nɔɔrɔtigi Ala ka kibaru diman kɔnɔ, a y'o min fɔko kalifa ne ma.

Tim 2nan 2:8

I hakili jigi Yezu Krista la, min sara ka kunun, ale min kɛra Dawuda deen ye, ne b'ale kibaru le fɔ.

Tim 2nan 4:1

Krista ka nali n'a ka masaya kosɔn, ne b'a ɲini e fɛ Ala ni Yezu Krista ɲakɔrɔ, min bena na ɲanamanw ni suuw kiti, ko

Tim 2nan 4:8

Sisan yɛrɛ, ne ka see sɔrɔli sara be ne makɔnɔna, o ye tilenninya sara ye, Matigi min kɛra kititigɛla tilennin ye, a bena o di ne ma laban loon na. A tena o di ne kelen dama ma dɛ, nga mɔgɔ minw b'a ka nali makɔnɔna ni nisɔndiya ye, a ben'a di olu bɛɛ ma fana.

Heburuw 9:27

Adamadenw be sa siɲɛ kelenpe cogo min na, Ala be sɔrɔ k'u kiti,

Piy fɔlɔ 4:5

U bena na o bɛɛ ɲafɔ Ala ye, ale min labɛnnin lo ka suuw ni ɲanamanw bɛɛ kiti.

Piy 2nan 2:9

O cogo kelen na, Matigi be se ka mɔgɔtilenninw kisi tɔɔrɔ ma ka mɔgɔjuguw mara kitilon kama.