Rɔmukaw 15:2 - ALA KA KUMA

² An kelen kelen bɛɛ k'an tɔɲɔgɔn diyanakow kɛ a ka ɲa kama, janko ka se k'a dɛmɛ a ka taga ɲa.

Jula NT of Côte d’Ivoire

² An ye an mɔgɔɲɔgɔn diyanyakow le kɛ, a ta ɲa kama, janko a baraka ye bonya lanaya ra.

LAYIDUKURA

² An kelen kelen bɛɛ k'an tɔnyɔgɔn diyanakow kɛ a ka nya kama, janko ka se k'a dɛmɛ a ka taa nya.

Rɔmukaw 15:2 Iomraidhean Croise

Rɔmukaw 14:19

O la sa, an ka banba ka to hɛrɛ la ɲɔgɔn fɛ ani ka ɲɔgɔn dɛmɛ ka barika sɔrɔ Krista ka sira la.

Kor fɔlɔ 10:23

Dɔw ko mɔgɔ be se ka koo bɛɛ kɛ. Nga o bɛɛ ma ɲi. Tiɲɛ lo, fɛɛn bɛɛ be se ka kɛ. Nga o bɛɛ te se ka mɔgɔ dɛmɛ.

Kor fɔlɔ 10:24

Mɔgɔ si kan'a yɛrɛ nafa ɲini, nga mɔgɔ kelen kelen bɛɛ k'a tɔɲɔgɔn ta le ɲini.

Kor fɔlɔ 10:33

O la fana, ne be jija koo bɛɛ la waasa ne ka se ka mɔgɔ bɛɛ ladiya. Ne te n yɛrɛ nafa ɲini, nga mɔgɔ caaman ta, waasa olu ka se ka kisi.

Kor fɔlɔ 13:5

A te malobaliyako kɛ, a t'a yɛrɛ dama nafa ɲini, a dusu te bɔ, a te dimi mara.

Kor fɔlɔ 14:26

Ne ka mun le fɔ sa n balimaw? N'aw be lajɛnni na, ni mɔgɔ dɔ b'a fɛ ka dɔnkili la, o k'o la. Ni kalan be dɔ wɛrɛ fɛ, ale ka mɔgɔw kalan. Ni koo yirata be dɔ wɛrɛ fɛ ka bɔ Ala fɛ, o k'o fɔ. Dɔ b'a fɛ ka kuma kaan wɛrɛ la wa? O tigi k'o kɛ. Ni mɔgɔ dɔ be se k'o kɔrɔ fɔ, o tigi k'o fɔ. O koo bɛɛ ka kan ka kɛ waasa mɔgɔ bɛɛ ka taga ɲa.

Kor fɔlɔ 14:3

Nga mɔgɔ min be kiraya kɛ, o tigi be kumana mɔgɔw fɛ, a be olu dɛmɛ k'u ladi ani k'u jaa gwɛlɛya.

Kor 2nan 12:19

Aw be miiri kabini tumajan, ko an be tiɲɛ le ɲinina, o tɛ wa? Ayi dɛ, ne terisɔbɛw, an b'a fɛ aw ka se ka taga ɲa le. O le y'a to Krista barika la, an b'an ka kuma fɔ Ala ɲakɔrɔ.

Kor 2nan 13:9

Ni an be dɛsɛ, aw be fanga sɔrɔ, o tuma na an be nisɔndiya. An be Ala daali ko aw ka se ka taga ɲa ka kɛ mɔgɔdafaninw ye.

Ɛfɛsikaw 4:12

A y'o kɛ waasa k'a ka mɔgɔw labɛn u ka se ka baara kɛ, janko Krista farisogo ka barika sɔrɔ.

Ɛfɛsikaw 4:29

Kumajugu kana bɔ aw si daa la, fɔɔ kumaɲuman, min be se k'a mɛnbagaw dɛmɛ ani k'u mako ɲa cogo dɔ la.