Rɔmukaw 13:9 - ALA KA KUMA

⁹ Sariya kuma minw b'a yira ko: «I kana kakalaya kɛ, i kana mɔgɔ faga, i kana soɲali kɛ, i ɲaa kana bɔ i tɔɲɔgɔn ka fɛɛn na,» ani o tɔɔ nunu bɛɛ be taga kɛ kuma kelen nin ye ko: «I k'i tɔɲɔgɔn kanu i n'a fɔ i yɛrɛ.»

Jula NT of Côte d’Ivoire

⁹ Sabu ci minw fɔra ko: «I kana jɛnɛya kɛ, i kana mɔgɔ faga, i kana sonyari kɛ, i kana ɲabɔ mɔgɔ borofɛn fɛ,» ani a tɔw bɛɛ, o kumaw bɛɛ bɛ nin kuma kelen le kɔnɔ ko: «I ka kan ka i mɔgɔɲɔgɔn kanu i ko i yɛrɛ.»

LAYIDUKURA

⁹ Sariya kuma minw b'a yira ko: “I kana kakalaya kɛ, i kana mɔgɔ faga, i kana sonyali kɛ, i nyaa kana bɔ i tɔnyɔgɔn ka fɛɛn na,” ani o tɔ nunu bɛɛ bɛ taa kɛ kuma kelen nin ye ko: “I k'i mɔgɔnyɔgɔn kanu i n'a fɔ i yɛrɛ.”

Rɔmukaw 13:9 Iomraidhean Croise

Sarakalasebagaw 19:18

Aw kana kojugu juru sara ɲɔgɔn na. Aw kana aw ka siyaden ka koo mara aw kɔnɔ. Aw k'aw mɔgɔɲɔgɔn kanu i n'a fɔ aw yɛrɛ. Ne le ye Masaba ye.

Sarakalasebagaw 19:34

Aw ka lonan minɛ i n'a fɔ dugulen. Aw k'a kanu i n'a fɔ aw yɛrɛ, bari aw fana tun siginin be Ezipiti jamana na lonanya la. Ne le ye Masaba aw ka Ala ye.

Matiyu 22:39

A filanan be yen min koo ka gwɛlɛ i n'a fɔ fɔlɔ. O ye ko: ‹I k'i mɔgɔɲɔgɔn kanu i n'a fɔ i yɛrɛ.›

Marika 10:19

I be Ala ka sariyaw lɔn: ‹I kana mɔgɔ faga, i kana kakalaya kɛ, i kana soɲali kɛ, i kana galon seereya kɛ, i kana mɔgɔ si tɔɲɔ, i faa n'i baa boɲa.› »

Marika 12:31

Min be tugu o la, o filɛ nin ye: ‹I k'i mɔgɔɲɔgɔn kanu i n'a fɔ i yɛrɛ.› Sariya wɛrɛ si koo man gwɛlɛ Ala ma k'olu fila bɔ.»

Luka 10:27

A y'a jaabi ko: «I ka Matigi i ka Ala kanu n'i dusu bɛɛ ye, an'i kɔnɔ bɛɛ ye, n'i fanga bɛɛ ye, an'i hakili bɛɛ ye. I k'i mɔgɔɲɔgɔn kanu i n'a fɔ i yɛrɛ.»

Luka 18:20

I be Ala ka sariyaw lɔn: ‹I kana kakalaya kɛ, i kana mɔgɔ faga, i kana soɲali kɛ, i kana galon seereya kɛ, i faa n'i baa boɲa.› »

Galasikaw 5:13

N balimaw, aw welela hɔrɔnyali le kama. O hɔrɔnyali nin kana kɛ sababu ye aw b'aw farikolo sago kɛ. Nga aw ka ɲɔgɔn kanu ka ɲɔgɔn dɛmɛ.