Rɔmukaw 12:3 - ALA KA KUMA

³ Ala ye nɛɛma min kɛ ne ye, o kosɔn, ne b'a fɔ aw bɛɛ ye ko aw kana aw yɛrɛ boɲa k'a dama tɛmɛ, aw k'aw yɛrɛ majigi ka kɛɲɛ ni jigi ye, Ala ye min di aw ma.

Jula NT of Côte d’Ivoire

³ Ala ka nɛɛma min kɛ ne ye, o nɛɛma baraka ra ne b’a fɔ aw bɛɛ kelen kelen ye ko Ala ka aw kɛ min ye, aw kana aw yɛrɛ jate ka tɛmɛ o kan; aw ye yɛrɛmajigiya don aw yɛrɛ ra. Ala ka se min di aw ma aw ta lanaya kosɔn, aw ye aw ta kow kɛ ka kaɲa ni o le ye.

LAYIDUKURA

³ Ala ye nɛɛma min kɛ ne ye, o kɔsɔn, ne b'a fɔ aw bɛɛ ye ko aw kana aw yɛrɛ bonya k'a dama tɛmɛ, aw k'aw yɛrɛ majigi ka kɛnyɛ ni jigi ye, Ala y'o min di aw ma ye.

Rɔmukaw 12:3 Iomraidhean Croise

Zanaw 25:27

Lii dumukojugu ma ɲi. Boɲa ɲinikojugu fana ma ɲi.

Zanaw 26:12

Mɔgɔ min b'a yɛrɛ jati hakilitigi ye, ale ka nalomanya ka jugu ni naloman ta ye.

Waajurikɛbaga 7:16

Kana i yɛrɛ jati mɔgɔtilennin ye ka tɛmɛ. Kana i yɛrɛ kɛ lɔnnikɛlaba fana ye. Mun na i b'i yɛrɛ halakira?

Mise 6:8

Adamaden, fɛɛn min ka ɲi, o fɔra i ye. Masaba be min ɲin'i fɛ, o ye tilenninya ye, ɲumanya ka diya i ye, i ka tugu i ka Ala kɔ ni yɛrɛmajigi ye.

Luka 18:11

«Fariziɲɛ nin lɔra ka Ala daali a yɛrɛ kɔnɔ ko: ‹Ala, ne be barika la i ye, bari ne te i n'a fɔ mɔgɔ tɔw, olu minw be benkanni kɛ, u be tilenbaliyakow kɛ, ka kakalaya kɛ, ani n te i n'a fɔ nin lɛnpominɛla nin.

Yuhana 3:34

Ala ye mɔgɔ min ci, o tigi be Ala ka kuma yɛrɛ le fɔ bari Ala be Nii Senuman d'a ma, daan te min dili la.

Rɔmukaw 1:5

Ne ye nɛɛma sɔrɔ ale lo barika la ka kɛ ciden ye, waasa ka siya wɛrɛw dɛmɛ u k'u jigi la Krista kan ka mɛnni kɛ a fɛ, janko a tɔgɔ ka boɲa.

Rɔmukaw 11:20

O ye tiɲɛ ye, olu tigɛra u ka lanabaliya le kama, aw nɔrɔla lanaya le barika la. O la, aw kana aw yɛrɛ boɲa, aw ka siran le.

Rɔmukaw 11:25

N balimaw, ne t'a fɛ aw ka to kodogonin nin faamubaliya la, janko aw kana aw yɛrɛ jati kolɔnbagaw ye. Isirayɛliden dɔw bena to u ka dusugwɛlɛya la fɔɔ siya tɔw ka donyɔrɔ sɔrɔ Ala fɛ.

Rɔmukaw 12:16

Bɛɛn ka sɔrɔ aw ni ɲɔgɔn cɛ. Aw kana aw yɛrɛ boɲa, k'aw yɛrɛ jati kolɔnbagaw ye, aw k'aw yɛrɛ majigi.

Kor fɔlɔ 15:10

Nga ne be yɔrɔ min na sisan, o ye Ala ka nɛɛma nɔɔ ye. O nɛɛma nin te gwansan ye ne faan fɛ. Ne ye baara kɛ ka tɛmɛ olu bɛɛ kan. O te ne yɛrɛ seko ye, o ye Ala ka nɛɛma nɔɔ ye.

Kor fɔlɔ 3:10

Ala ka nɛɛma barika la a ye min kɛ ne ye, ne kɛra solɔlaɲuman ye, ne ye soo juu sigi, mɔgɔ dɔ wɛrɛ be lɔli kɛ a kan, nga mɔgɔ kelen kelen bɛɛ ka kan k'a ka lɔcogo kɔlɔsi,

Kor fɔlɔ 7:17

Matigi ye see min di mɔgɔ kelen kelen bɛɛ ma, bɛɛ jogo ka kan ka bɛn n'o le ye. Sanni Ala k'i wele, i tun be cogo min na, i ka to ten. Ne b'o le ɲinina Ala ka jamakuluw bɛɛ fɛ.

Kor 2nan 10:13

An kɔni, an t'an yɛrɛ boɲa ka tɛmɛ an lɔyɔrɔ kan, nga Ala ye lɔyɔrɔ min d'an ma, min kɛra sababu ye, an sera aw fɛ, an b'an yɛrɛ boɲa ka kɛɲɛ n'o ye.

Kor 2nan 12:13

Ne ma se k'aw minɛ ka ɲa koo jumɛn le la, ni ne y'o ɲɔgɔn kɛ Krista ka jama tɔw ye? Ne ma sɔn aw ka lɔ ni ne ka kunko ye minkɛ, n'o dɔrɔn tɛ. Aw ye yafa ne ma o fili nin la.

Kor 2nan 12:7

Balabu dɔ ye ne sɔrɔ, a nana i n'a fɔ Sutana ka ciden waasa ne ye kabako minw ye, ne kana se ka ne yɛrɛ boɲa olu kosɔn.

Galasikaw 6:3

Bari ni mɔgɔ dɔ be miiri ko ale ka fisa, k'a sɔrɔ a te foyi ɲa, a b'a yɛrɛ nigɛra le.

Ɛfɛsikaw 3:2

Ala ye nɛɛma kɛ ne ye ka baara min kalifa ne ma aw ka hɛrɛ kama, aw y'o koo mɛn.

Ɛfɛsikaw 3:4

N'aw b'o kalan tuma min na, aw ben'a ye ko ne be Krista ka koo dogonin nin lɔn.

Ɛfɛsikaw 4:16

Ale barika la, farikolo yɔrɔ bɛɛ be ɲɔgɔn minɛ ka ɲa, ka kɛ kelen ye. Bɛɛ n'a ka baara, o la a farisogo bɛɛ lajɛnnin be boɲa ka barika sɔrɔ kanuya la.

Filipikaw 2:13

Bari Ala ye koɲuman min latigɛ, a be aw dɛmɛna tuma bɛɛ k'o kɛli nigɛ don aw la k'a kɛ see di aw ma.

Kɔlɔsikaw 1:29

O le kosɔn ne be baara kɛ, ani ne be bondori kɛ n'a ka fanga ye, min be baara kɛra ne kɔnɔ kosɔbɛ.

Kɔlɔsikaw 2:13

Aw minw tun ye suuw ye aw ka kojugu kosɔn, ani aw ka kɛnɛkɛnɛbaliya kosɔn, Ala y'aw kunun n'a ye. A y'an ka kojugu bɛɛ yafa.

Tim fɔlɔ 1:14

An Matigi ye nɛɛma kɛ ne ye kosɔbɛ, ka lanaya ni kanuya di ne ma min be sɔrɔ Yezu Krista ka jɛnɲɔgɔnya fɛ.

Tim fɔlɔ 2:15

O bɛɛ n'a ta, muso bena kisi a ka denwolo kosɔn, n'a jigi tora Ala kan, ka to kanuya la, ani k'a taamacogo bɛn Ala sago ma.

Tim fɔlɔ 2:9

O cogo kelen na fana, ne b'a ɲini musow fɛ ko u k'u yɛrɛ masiri cogo bɛnnin na, ka fani don minw b'u sutura. O ɲaji kana caya u ka masirifɛnw la, i n'a fɔ u kunsigi labɛncogo, walima ka sanu don, ani kɔnɔkisɛ ani fani sɔngɔgwɛlɛnw.

Tite 2:12

Ale min b'a yira an na ko an ka siran Ala ɲa ani ka ban nin diɲɛ nigɛjuguw la, waasa k'an to bii diɲɛ na, an ka se k'an yɛrɛ minɛ ka taama tilenninya la Ala ɲakɔrɔ.

Tite 2:2

A fɔ cɛkɔrɔbaw ye k'u ka kɛ mɔgɔsɔbɛw ye, u be minw jati minw ka miiriya ka ɲi, jigi be minw fɛ kosɔbɛ, ni kanuya ni muɲuli.

Tite 2:4

O la, muso minw ma kɔrɔ fɔlɔ, u b'u dɛmɛ u k'u cɛɛ n'u deenw kanu.

Tite 2:6

O cogo kelen na fana, i ka kanbelenw ladi k'olu ka kɛ mɔgɔsɔbɛw ye

Yakuba 4:6

A be koo bɛɛ kɛ k'a ka nɛɛma yira. O la, a fɔra Ala ka kuma na ko: «A be nɛɛma kɛ mɔgɔmajigininw ye, ka fariya yɛrɛboɲalaw ma.»

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Piy fɔlɔ 4:11

Ni mɔgɔ min be waajuli kɛ, o tigi ka kuma ka kɛ Ala ka kuma ye. Min be baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la, boɲa ka la Ala kan koo bɛɛ la. Boɲa ni sebagaya ye ale min ta ye tuma bɛɛ. Amiina!

Piy fɔlɔ 4:7

Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Piy fɔlɔ 5:5

Ayiwa, denmisɛnw, aw k'aw yɛrɛ majigi mɔgɔkɔrɔbaw ye. Aw bɛɛ k'aw yɛrɛ majigi ɲɔgɔn ye. Bari a fɔra Ala ka kuma na ko: «Yɛrɛboɲala ka koo man di Ala ye. Nga a be nɛɛma kɛ mɔgɔmajigininw ye.»

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Zan 3nan 1:9

N ye dakuruɲa damani sɛbɛn ka ci Krista ka jama ma aw fɛ, nga Diyotɛrɛfu min ko ale ye koo bɛɛ ɲamɔgɔ ye, ale te sɔn o kɔnɔna kuma ma.