Rɔmukaw 12:1 - ALA KA KUMA

¹ N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Jula NT of Côte d’Ivoire

¹ Ayiwa, ne balemaw, i n’a fɔ Ala ka o ɲumanyaba kɛ an ye, o kosɔn ne bɛ aw daari ko aw ye aw yɛrɛ farikolo di Ala ma, i ko saraka ɲanaman, ani saraka saninman, saraka min ka di Ala ye; o le fana ye batorisɔbɛ ye.

LAYIDUKURA

¹ N balimaw, ne b'aw dali Ala ka makari kɔsɔn ko aw k'aw yɛrɛ kɛ saraka nyanaman ye, min saniyanin lo, n'a ka di Ala ye: o le bɛna kɛ aw ka batoli nyanaman ye.

Rɔmukaw 12:1 Iomraidhean Croise

Zaburu 116:12

Masaba ye koɲuman minw bɛɛ kɛ ne ye, ne bena se ka mun le kɛ a ye o kosɔn?

Zaburu 19:14

Ne tanga ŋaniyajugu ma, a kana se ne kɔrɔ. O la, ne jalakibali bena to, n fana bena kisi kojugu ma.

Ezayi 56:7

ne bena na ni olu ye n ka kulu senuman kan, ne bena u nisɔn diya ne daaliso kɔnɔ. N bena sɔn u ka saraka jɛnitaw ni saraka tɔw ma, bari, ne ka soo bena kɛ siyaw bɛɛ ka daalilikɛyɔrɔ ye.»

Yeremi 6:20

Ne bena mun kɛ n'o ka wusulanw ye? Minw bɔra Saba jamana la, ani yiri kasadiman min be bɔ jamanajan la. Aw ka saraka jɛnitaw man di ne ye fewu, aw ka sarakaw te n dusu diya.»

Oze ta kitabu 14:2

Isirayɛlidenw, aw ka kɔsegi Masaba aw ka Ala ma. Aw ka fili le y'a to aw benna.

Luka 7:47

O kama, kanuyasɔbɛ min b'a dusu la, ne b'a fɔ i ye k'o kosɔn, a ka hakɛw bɛɛ yafara a ma. U ma mɔgɔ min ka hakɛw bɛɛ yafa, kanuyasɔbɛ tena kɛ o dusu la.»

Rɔmukaw 12:2

Aw kana aw yɛrɛ kɛɲɛ ni bii diɲɛ ye, nga aw ye hakilikura min sɔrɔ, aw jogo ka yɛlɛma ka kɛɲɛ n'o ye, janko aw ka se ka Ala sago lɔn, o min ye koɲuman ye, min ka di Ala ye, n'a dafanin be.

Rɔmukaw 15:16

a ye min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne be Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin be Nii Senuman barika la.

Rɔmukaw 15:30

Ne b'aw daali n balimaw, an Matigi Yezu Krista kosɔn ni Nii Senuman ka kanuya kosɔn, ko aw ka ne dɛmɛ kɛlɛ nin na, n'aw ka Aladali ye aw be minw kɛ ne ye,

Rɔmukaw 2:4

Walima e te Ala ka ɲumanya dafanin n'a ka muɲuli, n'a ka timinadiyali jati foyi ye wa? K'a sɔrɔ a b'i dɛmɛ a ka ɲumanya barika la ka nimisa ka faran i ka kojugu la.

Rɔmukaw 6:13

Aw kana aw farikolo yɔrɔ si kɛ kojugukɛfɛn ye ka to hakɛ la. Nga aw k'aw yɛrɛ di Ala ma. Aw ka kɛ i n'a fɔ mɔgɔ min sara ka kunun, k'aw farikolo yɔrɔ bɛɛ kɛ koɲumankɛ ta ye.

Rɔmukaw 6:16

Yala aw m'a lɔn ko n'aw y'aw yɛrɛ di fɛɛn min ma ka kɛ i n'a fɔ a ka jɔɔn, ka to ka mɛnni kɛ a fɛ, aw be kɛ o fɛɛn nin ka jɔɔn ye wa? N'a kɛra hakɛko ye, o laban ye halakili ye. Nga Ala sago kɛli be na ni tilenninya ye.

Rɔmukaw 6:19

Ne be kuma adamaden ka kuma cogo la, bari aw barika ka dɔgɔ. Aw tun y'aw yɛrɛ kɛ konɔgɔninw ni koferekeninw ka jɔɔnw ye, ka muruti Ala ma. Sisan aw ka kɛ tilenninya ka jɔɔnw ye, ka kɛ Ala ta ye pepewu.

Rɔmukaw 9:23

A y'o kɛ janko k'a ka ɲumanya dafanin yira dagaw la, a makarila minw na. A tun kɔnna ka olu minw labɛn boɲa kama.

Kor fɔlɔ 1:10

Ne b'aw daali n balimaw, an Matigi Yezu Krista tɔgɔ kosɔn ko aw k'aw daa kɛ kelen ye, farali kana sɔrɔ aw cɛma. Aw ka miiri ka kɛ kelen ye aw ka kolatigɛnin bɛɛ la.

Kor 2nan 10:1

U b'a fɔ ko ne Pɔli kɛra mɔgɔmajiginin ye ni ne be aw cɛma, nga ni n te aw cɛma, n ka fari. Ne yɛrɛ le b'aw daali Krista ka makari n'a ka ɲumanya kosɔn,

Kor 2nan 4:1

Ala ka ɲumanya kosɔn a ye baara nin kalifa an ma, o la, an jigi te tigɛ fewu.

Kor 2nan 4:16

O le y'a to an jigi te tigɛ fewu, hali n'an yɛrɛ farisogo be cɛn ka taga, an nii be lakuraya loon o loon.

Kor 2nan 5:20

An kɛra Krista ka lasigidenw ye aw cɛma, a kɛra i n'a fɔ Ala yɛrɛ le b'aw wele an barika la. An b'aw daali Krista tɔgɔ kosɔn, ko aw ka sɔn ka bɛn ni Ala ye.

Kor 2nan 6:1

An be baara kɛra ni Ala ye, o le kosɔn an b'aw daali ko Ala ye nɛɛma min kɛ aw ye, aw kan'a to o be kɛ gwansan ye,

Ɛfɛsikaw 4:1

Ne b'aw daali, ne min be kaso la Matigi kosɔn, ko aw taamacogo ka bɛn n'aw welekun ye,

Ɛfɛsikaw 5:10

Fɛɛn min ka di Matigi ye, aw ka banba k'o lɔn.

Sariya 14:2

bari aw ye siya ye min ye Masaba aw ka Ala ta ye. A y'aw woloma siya tɔw bɛɛ cɛma dugukolo kan, janko aw ka kɛ a yɛrɛ tɔgɔla jama ye.

Filipikaw 1:20

Ne jigi be min kan kosɔbɛ, ni n b'a makɔnɔna sɔbɛ sɔbɛ la, ale kama ne tena maloya fɔɔ ne be jagwɛlɛya sɔrɔ le. K'a ta sisan ma ani tuma bɛɛ, ne be nii na wo, ne sara wo, ne b'a fɛ ka boɲa la Krista tɔgɔ kan,

Filipikaw 2:17

Hali ni ne joli ka kan ka bɔn ka kɛ saraka ye ka fara aw jigi ta kan, o be diya ne ye, ani o be ne nisɔndiya n'aw bɛɛ ye.

Filipikaw 4:18

Sisan ne makoyafɛn bɛɛ be ne fɛ yɛrɛ, fɔɔ a tɛmɛn'a daan kan. Tuma min na Epaforaditi nana aw ka dɛmɛ di ne ma, o tuma na o cayara ka tɛmɛ yɛrɛ, min kɛra sarakaɲuman ye Ala sɔnna min na, a diyar'a ye fana.

Tes fɔlɔ 4:1

Ayiwa n balimaw, aw ka kan ka taama cogo min na aw koo ka sɔrɔ ka diya Ala ye, an y'o yira aw la ka ban. Aw yɛrɛ b'o kɛra ka ban, nga an b'aw daali kosɔbɛ tugu an Matigi Yezu tɔgɔ la ko aw ka taga ɲa ka dɔ fara o kan.

Tes fɔlɔ 4:10

Aw b'o la aw balimaw faan fɛ, minw be Maseduwani mara bɛɛ la. Nga an b'a ɲini aw fɛ ko aw ka dɔ fara a kan tugu.

Tes fɔlɔ 5:12

N balimaw, mɔgɔ minw b'aw ɲafɛ Matigi ka sira la, n'u be jija k'aw ladi, an b'aw daali ko aw ka olu jati kosɔbɛ.

Tim fɔlɔ 2:3

O le ka ɲi, an'a ka di an Kisibaga Ala ye,

Tim fɔlɔ 5:4

Nga ni deenw, walima mamadenw be firiyamuso min fɛ, o deen nunu le ka kan k'a dɛmɛ u ka Alaɲasiran kosɔn. O la, u ben'a yira u wolobagaw la k'olu le ka kan ka lɔ n'u ka koo ye, bari o le ka di Ala ye.

Filemɔn 1:10

Ne b'i daali ne ka deen Onezimu ka koo la, ne ye min sɔrɔ Krista ye ka ne to kaso la.

Filemɔn 1:9

Nga kanuya kosɔn, ne Pɔli b'i daali, ne min kɛra cɛkɔrɔba ye, ni kasoden ye, Yezu Krista ka baara kosɔn.

Heburuw 13:22

N badenw, ne b'aw dali, aw ka ladilikuma nunu lamɛn kosɔbɛ, bari a man ca.

Piy fɔlɔ 2:20

N'u b'i bugɔra bari i ye hakɛ kɛ, kunkɔrɔta jumɛn le b'o tɔɔrɔ muɲuli la? Nga n'u b'i tɔɔrɔla k'a sɔrɔ i ye koɲuman kɛ, i do be o muɲuna Ala kosɔn, o ka ɲi kosɔbɛ.

Piy fɔlɔ 2:5

O la, aw be kɛ a bɔɲɔgɔnko kabakuru ɲanamanw ye, minw bena kɛ ka Nii Senuman ka soo lɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.