Rɔmukaw 10:9 - ALA KA KUMA

⁹ N'i sɔnna k'a fɔ ko Yezu ye Matigi ye ani ka l'a la ko Ala y'a kunun a sanin kɔ, e bena kisi.

Jula NT of Côte d’Ivoire

⁹ Ni i k’a fɔ i da ra ko Yesu le ye Matigi ye, ani ka la a ra i jusukun na ko Ala k’a lakunu ka bɔ saya ra, i bɛ kisi.

LAYIDUKURA

⁹ N'i sɔnna k'a fɔ ko Yezu ye Matigi ye ani ka l'a la ko Ala y'a kunun a sanin kɔ, e bɛna kisi.

Rɔmukaw 10:9 Iomraidhean Croise

Luka 12:8

«Ne b'a fɔ aw ye ko ni mɔgɔ min y'a fɔ mɔgɔw ɲana ko ale ye ne ka mɔgɔ ye, Mɔgɔ Dencɛ fana ben'a fɔ Ala ka mɛlɛkɛw ɲana k'o tigi ye a ka mɔgɔ ye.

Yuhana 9:22

A wolobagaw y'o fɔ bari u tun be siran u ka siya ɲamɔgɔw ɲa. U bɛnnin tun b'a la ko ni mɔgɔ o mɔgɔ y'a fɔ ko Yezu ye Ala ka Mɔgɔ wolomanin nin ye, k'o tigi seen tena don kalanso kɔnɔ tugu.

Kɛwalew 16:31

U y'a jaabi ko: «E ka la Matigi Yezu la, e n'i ka somɔgɔw bɛɛ bena kisi.»

Kɛwalew 2:24

Nga Ala y'a kunun a faganin kɔ ka bɔ saya tɔɔrɔ la, bari a tun man kan ka to saya bolo.

Kɛwalew 2:32

Ala ye Yezu kunun a sanin kɔ, anw kɔni y'a ye.

Kɛwalew 8:36

K'u to sira kan, u sera jii dɔ yɔrɔ la. Cɛɛ ko: «Jii filɛ nin ye, mun be se k'i bali ka ne batize?» [

Rɔmukaw 10:10

Tiɲɛ na, n'i lar'a la i dusu la, Ala b'i jati mɔgɔtilennin ye, n'a bɔra i daa la, i be kisi.

Rɔmukaw 14:11

Bari a fɔra Ala ka kuma na ko: «Ne Matigi ɲanaman lo, mɔgɔ bɛɛ ben'a kunbiri gwan ne ɲakɔrɔ, ani mɔgɔ bɛɛ bena Ala tanu.»

Rɔmukaw 14:9

Krista sara ka kunun janko a ka kɛ mɔgɔ ɲanamanw ni suuw ka Matigi ye.

Rɔmukaw 4:24

Nga an fana niin b'o la, Ala bena an minw jati mɔgɔtilenninw ye bari an lara Ala la ale min y'an Matigi Yezu kunun a sanin kɔ.

Rɔmukaw 8:34

Jɔn bena u jalaki? Bari Yezu Krista sara, o dama tɛ fana, a kununna, a siginin be Ala kinibolo fɛ, ka to ka Ala daali an ye.

Kor fɔlɔ 12:3

O le y'a to ne b'a fɔ aw ye ko mɔgɔ si te se k'a fɔ Ala ka Nii barika la ko: «Yezu danganin lo,» ani mɔgɔ si te se k'a fɔ fana ko: «Yezu ye Matigi ye» n'o ma kɛ Nii Senuman barika la.

Filipikaw 2:11

ani bɛɛ k'a fɔ ko Yezu Krista ye Matigi ye, ka boɲa la an Faa Ala tɔgɔ kan.

Piy fɔlɔ 1:21

Ala min ye Krista kunun a sanin kɔ, ka nɔɔrɔ d'a ma, aw lara ale la Krista yɛrɛ sababu la. Aw be la Krista la cogo min na, aw jigi be Ala kan ten.

Zan fɔlɔ 4:15

Ni mɔgɔ o mɔgɔ y'a fɔ ko Yezu ye Ala deen ye, o tigi ye Ala ta ye, ani Ala b'o tigi fɛ.

Zan 2nan 1:7

Bari galontigɛla caaman be diɲɛ na sisan. U b'a fɔ ko Yezu Krista tun te mɔgɔ yɛrɛ yɛrɛ ye. Min be ban ten, o le ye galontigɛla ni Krista jugu ye.