Rɔmukaw 10:3 - ALA KA KUMA

³ Tilenninya min be sɔrɔ Ala fɛ, u m'o koo faamu, o la, o tun be tilenninya nin ɲini u yɛrɛ ka fanga la. O le y'a to tilenninya min be sɔrɔ Ala fɛ, u ma se k'u yɛrɛ majigi Ala ye ka mɛnni kɛ o koo la.

Jula NT of Côte d’Ivoire

³ Ala bɛ mɔgɔ jate mɔgɔ terennin ye cogo min na, o ma o faamu. O b’a fɛ ka kɛ mɔgɔ terenninw ye o yɛrɛ ta kɛwalew le sababu ra. O ra, Ala bɛ mɔgɔ jate mɔgɔ terennin ye sira min fɛ, o ma sɔn o ma.

LAYIDUKURA

³ Tilenninya min bɛ sɔrɔ Ala fɛ u m'o koo faamu, o la, o tun bɛ tilenninya nin nyini u yɛrɛ ka fanga la. O cogo la, tilenninya min bɛ sɔrɔ Ala fɛ, u ma se k'u yɛrɛ majigi Ala ye ka mɛnni kɛ o koo la.

Rɔmukaw 10:3 Iomraidhean Croise

Nehemi 9:33

E ye fɛɛn o fɛɛn kɛ an na, o tilennin lo, bari ele ye kantigi ye nga an ye kojugu kɛ.

Ayuba 33:27

A bena dɔnkili la mɔgɔw ɲana ko: ‹Ne tun ye kojugu kɛ, n tun ma Ala ka fɔta bato, nga Ala ma ne sara ka kɛɲɛ n'o ye.

Zaburu 71:19

Ala, e ka tilenninya be fɛɛn bɛɛ sanfɛ, e ye kobabaw kɛ. Ala, jɔn le be i ko ele?

Ezayi 51:1

Masaba ko: «Aw minw b'a fɛ ka kisi, aw minw be ne Masaba ɲinina, aw ka mɛnni kɛ ne fɛ. Aw bɔra fara min na, aw k'o jati. Aw bɔra yɔrɔ min na, aw k'o jati.

Ezayi 51:6

Aw k'aw kuun kɔrɔta ka filɛli kɛ sankolo la, ka tila k'aw kuun biri ka filɛli kɛ duguma. Sankolo bena tunu i ko sisi, dugukolo bena kɔrɔ i ko fani. Mɔgɔ minw b'a kan, olu bena sa i ko limɔgɔw. Nga ne ka kisili bena kɛ tuma bɛɛ koo le ye. Daan te ne ka tilenninya la.

Ezayi 51:8

Bari, bagabaga bena u dumu i ko fani, tumu bena don u la i ko sagasifani. Ne ka kisili ye tuma bɛɛ koo le ye. A bena se waati bɛɛ mɔgɔw ma.»

Ezayi 56:1

Masaba ko: «Koo min bɛnnin lo, aw k'o kɛ, koo min tilennin lo, aw k'o kɛ. Bari, ne bena aw kisi waati min na, o surunyana. Ne ka kantigiya bena lɔn.

Ezayi 57:12

Ayiwa, ne bena aw ka tilenninya, n'aw ka kɛwaliw koo fɔ, nga u tena foyi ɲa aw ye.

Ezayi 64:6

Mɔgɔ si t'i daali tugu, mɔgɔ si te jijara ka nɔrɔ i la yɛrɛ. Bari, e y'i yɛrɛ dogo an na, i y'an to an be halakira an ka kojuguw kosɔn.

Kasikan 3:22

Masaba ka ɲumanya ma ban, a ka makari ma ban.

Daniyɛli 9:24

«Saan bi wolonwula sigiyɔrɔman wolonwula latigɛra i ka siya, ni dugu senuman kosɔn, a be min kɔnɔ, janko juguya ka ban, hakɛ ka dabila. Fili minw kɛra, olu ka lalaga, tilenninya ka kɛ tuma bɛɛ koo ye, janko koo min yera yelifɛnw na, o ka kɛ, ani min fɔra kirayakuma na, ani Alabatoso ka sɔrɔ ka kalifa Ala ma tugu.

Sarakalasebagaw 26:41

Min y'a to ne fana banna u la k'a kɛ u tagara u juguw ka jamana na. O tuma na, o mɔgɔ tulogwɛlɛn nunu bena u yɛrɛ majigi ka lɔ n'u ka tilenbaliya kunko ye.

Luka 10:29

Nga sariya karamɔgɔ nin tun b'a fɛ ka joo di a yɛrɛ ma. O la, a ye Yezu ɲininga ko: «Jɔn le ye ne mɔgɔɲɔgɔn ye?»

Luka 16:15

A y'a fɔ u ye ko: «Mɔgɔw ɲana, aw kɔni b'aw yɛrɛw kɛ mɔgɔtilenninw ye, nga min b'aw dusu la, Ala b'o lɔn, bari adamadenw be fɛɛn min jati fɛnba ye, o ye fɛɛn nafatan ye Ala ɲana.

Rɔmukaw 1:17

Kibaru diman le b'a yira ko Ala be mɔgɔ jati mɔgɔtilennin ye a jigi kosɔn, a be to o tilenninya la jigi barika la, i ko a fɔra cogo min na Ala ka kuma na ko: «Mɔgɔtilennin bena kisi lanaya barika la.»

Rɔmukaw 10:2

Bari ne be se k'a fɔ k'u jijanin be kosɔbɛ Ala koo la, u jijanin be kɔni, nga lɔnniyasɔbɛ t'u fɛ.

Rɔmukaw 10:20

Ezayi tagara ɲa k'a fɔ yɛrɛ ko Ala y'a fɔ ko: «Mɔgɔ minw tun te ne yɔrɔ ɲinina, olu ye ne ye. Mɔgɔ minw tun te foyi ɲinina ne fɛ, ne ye n yɛrɛ yira olu la.»

Rɔmukaw 11:7

An bena mun le fɔ? Isirayɛlidenw tun be fɛɛn min ɲinina, u m'a sɔrɔ, nga minw wolomana, olu y'a sɔrɔ, tɔɔ nunu dusu gwɛlɛyara

Rɔmukaw 3:22

Mɔgɔ o mɔgɔ lara Yezu Krista la, Ala be olu bɛɛ jati mɔgɔtilenninw ye, wolomani t'o la.

Rɔmukaw 3:26

a ka muɲuli waati la. O la, Ala y'a ka tilenninya yira sisan. Mɔgɔ minw lara Yezu la, a ye olu kɛ mɔgɔtilenninw ye, janko a ka tilenninya ka ye.

Rɔmukaw 5:19

Mɔgɔ caaman kɛra hakɛkɛlaw ye, mɔgɔ kelen ka murutili kosɔn, o cogo la fana mɔgɔ kelen ye Ala sago kɛ minkɛ, mɔgɔ caaman bena jati mɔgɔtilenninw ye.

Kor 2nan 5:21

Krista min ma kojugu kɛ, Ala y'a kɛ a sigɛnna an ka hakɛ kosɔn waasa an ka kɛ mɔgɔtilenninw ye ale ɲakɔrɔ Krista barika la.

Sariya 6:25

N'an be banba k'o cii nunu bɛɛ bato Masaba an ka Ala ɲakɔrɔ, i n'a fɔ a y'a ɲini an fɛ cogo min na, an bena kɛ mɔgɔtilenninw ye.›

Filipikaw 3:9

ka jɛn n'a ye. A ma kɛ ko ne tilennin be Ala ɲakɔrɔ sariya batoli kosɔn. Nga ne tilennin be a ɲakɔrɔ bari ne ye n jigi la Krista kan. O tilenninya nin be sɔrɔ jigi barika la Ala fɛ.

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne be bataki nin ci aw ma, aw minw ye an ka jigi ɲanaman ɲɔgɔn sɔrɔ anw ka Ala n'an kisibaga Yezu Krista ka tilenninya kosɔn.