Rɔmukaw 1:5 - ALA KA KUMA

⁵ Ne ye nɛɛma sɔrɔ ale lo barika la ka kɛ ciden ye, waasa ka siya wɛrɛw dɛmɛ u k'u jigi la Krista kan ka mɛnni kɛ a fɛ, janko a tɔgɔ ka boɲa.

Jula NT of Côte d’Ivoire

⁵ Ale Yesu Kirisita, an Matigi baraka ra, Ala nɛɛmara an ye ka an kɛ ciradenw ye, janko ale Yesu tɔgɔ kosɔn siya wɛrɛ mɔgɔw* bɛɛ ye sɔn Kibaro Diman ma ka Ala kan mina.

LAYIDUKURA

⁵ An ye nɛɛma sɔrɔ ale le barika la ka kɛ cidenw ye, waasa ka siya wɛrɛw bɛɛ dɛmɛ u k'u jigi la Krista kan ka mɛnni kɛ a fɛ, janko Ala tɔgɔ ka bonya.

Rɔmukaw 1:5 Iomraidhean Croise

Malaki 1:11

Bari, k'a ta kɔrɔn fɛ, ka ta'a bila tileben fɛ, ne tɔgɔ ka bon siyaw cɛma. Yɔrɔ bɛɛ la, wusulan be jɛni ne ye ani sarakafɛn saniyanin, bari ne tɔgɔ ka bon siyaw cɛma. Ne Masaba, Setigi le ko ten.

Malaki 1:14

Ni begɛndafanin cɛman be namaramɔgɔ min ka wɛɛrɛ kɔnɔ, n'a y'o to yen ka begɛn wɛrɛ kɛ a ka dadili saraka ye, fiɲɛ be min na, o tigi ka danga. Bari ne ye Masaba le ye. Ne Masaba, Setigi le ko ten. Siyaw bɛɛ ka kan ka siran n ɲa.

Yuhana 1:16

Anw bɛɛ ye duba caaman sɔrɔ a ka nɛɛma barika la.

Kɛwalew 1:25

Zuda tagar'a yɛrɛ kunfɛ ka cidenya baara min to, o tigi ka se k'o kɛ.»

Kɛwalew 15:14

Kabini a daminɛ, Ala y'a janto siya wɛrɛw la cogo min na, Simɔn y'o ɲafɔ sisan. Ala ye siya dɔ woloma u cɛma k'o kɛ a tɔgɔla ta ye.

Kɛwalew 6:7

Ala ka kuma tora ka jɛnsɛn, kalandenw tora ka caya kosɔbɛ Zeruzalɛmu kɔnɔ. Sarakalasebaga caaman sɔnna ka la Yezu la.

Kɛwalew 9:15

Nga Matigi ko Ananiyasi ma: «Taga, bari ne ye cɛɛ nin woloma waasa a ka ne tɔgɔ fɔ siya wɛrɛw n'u ka masaw, ani Isirayɛlidenw ye, u ka ne lɔn.

Rɔmukaw 12:3

Ala ye nɛɛma min kɛ ne ye, o kosɔn, ne b'a fɔ aw bɛɛ ye ko aw kana aw yɛrɛ boɲa k'a dama tɛmɛ, aw k'aw yɛrɛ majigi ka kɛɲɛ ni jigi ye, Ala ye min di aw ma.

Rɔmukaw 16:26

Nga sisan a yirala kɛnɛ kan, siya wɛrɛw bɛɛ be se k'a lɔn kiraw ka sɛbɛ barika la, ka kɛɲɛ ni waati bɛɛ Ala ka cii ye, janko u ka se ka la Ala la ka mɛnni kɛ a fɛ.

Rɔmukaw 3:29

Walima Ala ye zuwifuw dama ka Ala ye wa? Siya wɛrɛw ka Ala tɛ fana wa? Ɔnhɔn, siya wɛrɛw ta lo fana.

Kor fɔlɔ 15:10

Nga ne be yɔrɔ min na sisan, o ye Ala ka nɛɛma nɔɔ ye. O nɛɛma nin te gwansan ye ne faan fɛ. Ne ye baara kɛ ka tɛmɛ olu bɛɛ kan. O te ne yɛrɛ seko ye, o ye Ala ka nɛɛma nɔɔ ye.

Kor fɔlɔ 9:2

Hali ni mɔgɔ dɔw te ne lɔn ko n ye ciden ye, aw ka kan ka ne lɔn bari aw kɛra ne ka cidenya baara nɔɔ ye Matigi barika la.

Ɛfɛsikaw 1:12

an minw kɔnna k'an jigi la Krista kan, waasa an k'a tanu.

Ɛfɛsikaw 1:6

An ka Ala tanu a ka nɛɛma kosɔn a ye min kɛ an ye, a Deen kanunin barika la.

Heburuw 5:9

O le y'a to a ka koo bɛɛ dafara ten tuma min na, mɔgɔ minw bɛɛ be mɛnni kɛ a fɛ, a kɛra olu bɛɛ kisibaga ye tuma bɛɛ.