Rɔmukaw 1:21 - ALA KA KUMA

²¹ Bari u ye Ala lɔn, nga u ma sɔn k'a bato i n'a fɔ Ala, ani u ma sɔn ka barika la a ye a cogo la. U filila u ka miiriyaw la ka kɛ nalomanw ye ka tunu dibi la.

Jula NT of Côte d’Ivoire

²¹ Jo tɛna kɛ o fɛ Ala ɲa kɔrɔ, sabu o ka Ala lɔn, nka o ma sɔn k’a bonya i n’a fɔ Ala, o tɛ baraka la a ye fana. O ta miiriyaw ye fu le ye; o kosɔn o jusukun hakirintanw blara dibi ra.

LAYIDUKURA

²¹ Bari u ye Ala lɔn, nga u ma sɔn k'a bato i n'a fɔ Ala, ani u ma sɔn ka barika la a ye a cogo la, u filila u ka miiriya la ani ka kɛ nalomanw ye ka tunu dibi la.

Rɔmukaw 1:21 Iomraidhean Croise

Damina 6:5

Masaba y'a ye ko mɔgɔw be juguyara ka taga dugukolo kan, k'a ye ko u ka miiriya bɛɛ tun ka jugu tuma bɛɛ,

Damina 8:21

Masaba y'o kasa diman mɛn, a y'a fɔ a yɛrɛ kɔnɔ ko: «Adamaden ka miiriyaw si ma ɲi kabini a daminɛ na. O bɛɛ n'a ta, ne tena dugukolo danga mɔgɔw kosɔn tugu abada. Ne tena nimanfɛnw bɛɛ faga tugu fewu i n'a fɔ ne y'a kɛ cogo min na.

Mas fɔlɔ 20:23

Siri masacɛ ka dakɔrɔsigiw y'a fɔ a ye ko: «U ka Ala ye kulu kan Ala ye, o le y'a to an ma se u kɔrɔ. A to an be taga u kɛlɛ kɛnɛba la. Siga t'a la, an barika bena tɛmɛ u ta kan.

Mas 2nan 17:15

U bann'a ka fɔtaw la, a tun bɛnna n'u faaw ye cogo min na, u banna o la, ani a tun y'u lasɔmi koo minw na. U tugura fɛɛn fufafuw kɔ k'u yɛrɛ kɛ mɔgɔkolonw ye. U tun be to k'u laminisiyaw ka kɛwaliw ɲɔgɔn kɛ, k'a sɔrɔ Masaba tun ko u kana o kɛ.

Zaburu 50:23

Mɔgɔ min ka saraka ye foli ta ye, o tigi le be ne boɲana. Mɔgɔ min be taama ka ɲa, ne Ala bena o tigi le kisi.»

Zaburu 81:12

Nga ne ka jama ma mɛnni kɛ ne fɛ, Isirayɛlidenw banna ne la.

Zaburu 86:9

I ye siya minw dan, olu bena na u kunbiriw gwan ele Matigi ɲakɔrɔ k'i tɔgɔ boɲa.

Waajurikɛbaga 7:29

Ne ye min ye, o filɛ nin ye: ko Ala ye adamaden dan k'a kɛ mɔgɔtilennin ye. Nga ale yɛrɛ tora k'a ka koow ɲagami.»

Ezayi 60:2

K'a sɔrɔ, dibi ye dugukolo minɛ, dibi ye siyaw datugu. Nga Masaba bena to ele kunna, a ka nɔɔrɔ b'i kan.

Yeremi 16:19

Masaba, e min be fanga di ne ma, ani ka ne tanga, e min ye ne dogoyɔrɔ ye waatigwɛlɛn na, siyaw bena bɔ diɲɛ daan na ka na ele fɛ k'a fɔ ko: «Foyi tun te an faaw fɛ fɔɔ batofɛnkolon dɔrɔn, joo kuntan minw tun te foyi ɲa.

Yeremi 17:9

Foyi man jugu ni mɔgɔ kɔnɔ ye, fura t'a la. Jɔn le be mɔgɔ kɔnɔ sɛgɛsɛgɛ?

Yeremi 2:5

Masaba ko: «Aw faaw ye jalakiyɔrɔ jumɛn ye ne la fɔɔ ka ban ne la, ka tugu fɛɛn fufafuw kɔ, fɔɔ olu yɛrɛ nana kɛ fɛɛn fufafuw ye?

Yeremi 9:14

O kama, ne Masaba, Setigi, Isirayɛli ka Ala ko: Ne bena u balo ni kunakuna ye, ka bagaji di u ma minji ye.

Ezekiyɛli 14:5

A kɛra ten, Isirayɛlidenw, minw bɛɛ faranna ne la u ka joow kosɔn, ne b'a fɛ k'a kɛ u be kɔsegi ne ma.

Ezekiyɛli 20:25

Kolatigɛnin minw ma ɲi, ani mɔgɔw te se ka hɛrɛ sɔrɔ fɔta minw barika la, ne yɛrɛ ye olu d'u ma.

Oze ta kitabu 2:8

O kama, ne ben'a ka sira datugu ni ŋɔni ye, ne bena kogo kɛ k'a lamini, a tena sira sɔrɔ ka bɔ.

Yuhana 3:19

U jalakira ka ban bari yeelen bɔra diɲɛ mɔgɔw ye. O bɛɛ n'a ta, dibi koo diyara u ye ka tɛmɛ yeelen kan. Bari u ka kɛwaliw ma ɲi.

Kɛwalew 26:18

k'u ɲaa yɛlɛ u ka dibidibikow dabila, k'u sama ka bɔ Sutana bolo k'u ɲasin Ala ma. N'u lara ne la, u ka hakɛw bena yafa, u bena sigiyɔrɔ sɔrɔ Ala ka mɔgɔw cɛma.›

Rɔmukaw 1:19

Bari adamaden be se ka Ala ka koo minw faamu, olu yirala u la ka gwɛ: Ala yɛrɛ le y'o yira u la.

Rɔmukaw 1:28

U ma sɔn ka Ala lɔn minkɛ, Ala fana y'u to u ka miiriyajugu la. A kɛra ten, u man kan ka min kɛ, u b'o le kɛ.

Rɔmukaw 11:10

Ko: «U ɲaaw ka dibi, u kana yeli kɛ. A kɛ u birinin be to tuma bɛɛ.»

Rɔmukaw 15:9

A nakun fana ye nin ye: janko siya wɛrɛw ka Ala boɲa a ka makari kosɔn, ka kɛɲɛ ni Ala ka kuma ye min fɔra ko: «O le y'a to ne bena i tanu siya wɛrɛw cɛma. Ne bena dɔnkili la k'i tɔgɔ boɲa.»

Sariya 28:29

Tilegwanfɛ, aw taamatɔ bena to ka mɔmɔni kɛ i n'a fɔ fiɲɛntɔ, dibi kɔnɔ. Aw ka koo si tena ɲa. Mɔgɔw bena to k'aw tɔɲɔ le, k'aw soɲa, mɔgɔ si tena na aw dɛmɛ.

Tim 2nan 3:2

Mɔgɔw bena kɛ sɔnjuguw ye, wari koo bena diya u ye kosɔbɛ, u bena kɛ yɛrɛboɲalaw ye. U bena Ala tɔgɔ cɛn, u tena mɛnni kɛ u wolobagaw fɛ, u bena kɛ ɲumanlɔnbaliw ye, u tena Ala ka koow jati.

Piy fɔlɔ 1:18

Aw b'a lɔn ko aw kuun ma bɔ aw faaw ka koo fufafuw la ni wari ye, walima ni sanu ye min ye banta ye.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.

Yirari 14:7

Mɛlɛkɛ nin tun be pɛrɛnna ka to k'a fɔ ko: «Aw ye siran Ala ɲa, aw y'a boɲa, bari a ka kiti waati sera. Ale min ye sankolo ni dugukolo dan, ka kɔgɔji ni kɔɔw dan, aw k'ale bato.»

Yirari 15:4

Jɔn le tena siran i ɲa, Matigi? Jɔn le tena i tɔgɔ boɲa? I kelen le ka ɲi. Siyaw bɛɛ bena na e bato, bari e y'i ka tilenninya yira kɛnɛ kan.»