Rɔmukaw 1:1 - ALA KA KUMA

¹ Ne Pɔli min ye Yezu Krista ka jɔɔn ye, ne welela ka kɛ ciden ye, ne wolomana ka kɛ Ala ka kibaru diman fɔbaga ye.

Jula NT of Côte d’Ivoire

¹ Ne Pɔli, Yesu Kirisita ta baaraden, ne yɛrɛ le ka nin sɛbɛ kɛ. Ala ka ne wele ka ne kɛ ciraden* ye, ka ne bla danna janko ne ye a ta Kibaro Diman* lase mɔgɔw ma.

LAYIDUKURA

¹ Ne Pɔli min ye Yezu Krista ka jɔɔn ye, a ye ne wele ka kɛ ciden ye, Ala ye ne woloma ka ne kɛ a ka kibaru diman fɔbaga ye.

Rɔmukaw 1:1 Iomraidhean Croise

Lok fɔlɔ 23:13

Amuramu deenw tun ye Arɔn ni Musa ye. Arɔn wolomana ka bila a daan na Ala ka yɔrɔ baara kama, Ale n'a kɔmɔgɔw ka to ka wusulan jɛni Masaba ye, k'a ka baara kɛ, ani ka to ka duba kɛ mɔgɔw ye Masaba tɔgɔ la tuma bɛɛ.

Ezayi 49:1

Jii cɛma dugukolo kan mɔgɔw ka mɛnni kɛ ne fɛ, siya minw be fɔɔ yɔrɔjanw na, aw k'aw tulo malɔ. Masaba ye ne wele ka ne to n baa kɔnɔ. Kabini n wolotuma, a ye ne tɔgɔ wele.

Yeremi 1:5

«San'i baa k'i kɔnɔ ta, ne tun b'i lɔn. San'i ka wolo, ne tun y'i woloma k'i kɛ n ta ye, k'i kɛ kira ye siya wɛrɛw cɛma.»

Marika 1:14

Zan bilanin kɔ kaso la, Yezu tagara Ala ka kibaru diman fɔ Galile mara la.

Yuhana 12:26

Ni mɔgɔ min b'a fɛ ka baara kɛ ne ye, o tigi ka tugu ne kɔ, ne be yɔrɔ min na, ne ka baarakɛlaw fana bena kɛ o yɔrɔ le la. Ni mɔgɔ min be baara kɛ ne ye, n Faa bena boɲa la o tigi kan.

Yuhana 15:15

Ne t'aw wele tugu ko baaradenw, bari baaraden t'a kuntigi ka koo kala ma. Ne b'aw wele n teriw, bari ne ye fɛɛn min bɛɛ mɛn n Faa fɛ, ne y'o bɛɛ yira aw la.

Yuhana 15:20

Aw y'aw hakili jigi ne ka kuma nin na. N tun y'a fɔ aw ye ko baaraden man fisa n'a kuntigi ye. N'u ye ne tɔɔrɔ, u bena aw fana tɔɔrɔ. N'u ye ne ka kuma bato, u bena aw fana ta bato.

Kɛwalew 13:9

O tuma na, Sɔli, n'u b'a wele fana ko Pɔli, ale fanin Nii Senuman na, ye jinamoricɛ filɛ,

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Kɛwalew 21:40

Sɔlidasi kuntigi ye sira d'a ma. O la, a lɔra yɛlɛyɛlɛnan nunu kan k'a bolo kɛ ko mɔgɔw ka je. Mɔgɔw jera tuma min na, a kumana u fɛ eburukan na. A ko:

Kɛwalew 22:21

A y'a fɔ ne ye ko ale bena ne ci ka taga yɔrɔjan siya wɛrɛw fɛ.»

Kɛwalew 22:7

N bɔra ka ben, kumakan dɔ bɔra, k'a fɔ n ye ko: ‹Sayuli, Sayuli, mun na i be ne tɔɔrɔla ten?›

Kɛwalew 26:1

O tuma na, Agiripa y'a fɔ Pɔli ye ko kuma b'a bolo. Pɔli y'a bolo wili k'a fɔ ko:

Kɛwalew 26:14

An bɛɛ benna. Ne ye kumakan dɔ mɛn eburukan na ko: ‹Sayuli, Sayuli, mun na i be ne tɔɔrɔla ten? I man'a kɛ cogo o cogo, i te se ka bɔsi ne la, i n'a fɔ misi te se ka bɔsi a tigi la cogo min na.›

Kɛwalew 27:23

bari ne be baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

Kɛwalew 9:15

Nga Matigi ko Ananiyasi ma: «Taga, bari ne ye cɛɛ nin woloma waasa a ka ne tɔgɔ fɔ siya wɛrɛw n'u ka masaw, ani Isirayɛlidenw ye, u ka ne lɔn.

Rɔmukaw 1:16

Ne te maloya ka kibaru diman fɔ, bari Ala ka sebagaya koo lo, mɔgɔ minw be l'a la, kisili ye olu ta ye, k'a daminɛ zuwifu ma fɔlɔ, o kɔ siya wɛrɛw.

Rɔmukaw 1:5

Ne ye nɛɛma sɔrɔ ale lo barika la ka kɛ ciden ye, waasa ka siya wɛrɛw dɛmɛ u k'u jigi la Krista kan ka mɛnni kɛ a fɛ, janko a tɔgɔ ka boɲa.

Rɔmukaw 1:9

Ne be baara kɛ Ala min ye ni n dusu ye k'a Dencɛ koo fɔ, o min ye kibaru diman ye, ale ye ne seere ye ko ne be to k'aw ka koo miiri

Rɔmukaw 11:13

Ne b'o fɔ aw siya wɛrɛw ye, ne cira ka baara kɛ aw le ye, ne be boɲa la o baara nin kan,

Rɔmukaw 15:16

a ye min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne be Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin be Nii Senuman barika la.

Rɔmukaw 15:29

Ne lanin b'a la ko ne bena se aw fɛ tuma min na, n bena se ni Krista ka duba ye aw fɛ.

Rɔmukaw 16:18

O mɔgɔ nunu te baara kɛra an Matigi Krista ye, nga janko u kɔnɔbara ka fa. Fanga te mɔgɔ minw na, o b'olu kunnacɛn n'u ka kuma diman, ani u ka namarakuma ye.

Rɔmukaw 16:25

An ka Ala fo, ale min be se ka barika don aw la Yezu Krista ka kibaru diman kosɔn, ne be min fɔ ka kɛɲɛ ni tiɲɛ ye an y'o min lɔn, o min tun kɛra gundo ye kabini fɔlɔfɔlɔ.

Kor fɔlɔ 1:1

Ne Pɔli min welela ka kɛ Yezu Krista ka ciden ye Ala sago la, ani an balimacɛ Sɔsitɛni,

Kor fɔlɔ 9:1

Ne te n yɛrɛ ta ye wa? Ne te ciden ye wa? Ne ma an Matigi Yezu ye wa? Aw te ne ka baara nɔɔ ye Matigi Yezu barika la wa?

Kor 2nan 1:1

Ne Pɔli min ye Yezu Krista ka ciden ye Ala sago la, n'an balimacɛ Timote, an be bataki nin ci aw Korɛntikaw ma minw lara Ala la, ani minw bɛɛ be Akayi mara la.

Kor 2nan 11:5

Ne ka miiri la, ne k'o cidenbaba nunu man fisa ni ne ye foyi si la.

Kor 2nan 11:7

Ne tun ye n yɛrɛ majigi ka kibaru diman fɔ aw ye gwansan waasa aw mako ka ɲa, o tuma na ne ye hakɛ kɛ wa?

Kor 2nan 12:11

Aw k'a filɛ, ne be kumana i n'a fɔ ne kuun wilila, o bɔra aw le la. Aw le tun ka kan ka kuma ne nɔɔ na. Bari hali ni ne te foyi ye, aw ka cidenbaba nunu man fisa ni ne ye.

Kor 2nan 2:12

Ne sera Torowasi tuma min na ko n bena Krista ka kibaru diman fɔ yen, Matigi tun ye cogo di ne ma ka se ka baara kɛ kosɔbɛ.

Kor 2nan 4:5

An t'an yɛrɛ koo fɔra aw ye dɛ, Yezu Krista min ye Matigi ye, an be ale lo koo fɔra. Anw kɔni be baara kɛ aw ye Yezu kosɔn.

Galasikaw 1:1

Ne Pɔli min ye ciden ye, o ma kɛ mɔgɔw sababu la, walima adamaden dɔ barika la, nga o ye Yezu Krista sago ye n'a Faa Ala min y'a kunun a sanin kɔ.

Ɛfɛsikaw 1:1

Ne Pɔli min kɛra Yezu Krista ka ciden ye ka kɛɲɛ ni Ala sago ye, ne be bataki nin ci Ala ka mɔgɔw ma, minw be Efɛzi dugu kɔnɔ. Aw minw kɛra mɔgɔsɔbɛw ye Yezu Krista ka jɛnɲɔgɔnya barika la,

Ɛfɛsikaw 1:13

Aw ye tiɲɛkuma nin mɛn tuma min na, o min ye kibaru diman ye, aw fana lar'a la ka kisi o barika la, ka Nii Senuman sɔrɔ, min ye taamasiɲɛ ye an kan, Ala tun y'a daa di min na.

Ɛfɛsikaw 4:11

Ale Krista kelen le ye mɔgɔw boɲa ka seko d'u ma, dɔw ka kɛ cidenw ye, dɔw ka kɛ kiraw ye, dɔw ka kɛ a ka kibaru diman fɔbagaw ye, dɔw fana ka kɛ Krista ka jama kɔlɔsibagaw ni karamɔgɔw ye.

Sariya 10:8

«O waati la, Masaba ye baara dɔ kalifa Levi kɔmɔgɔw ma, o ye Masaba ka layidu taamasiɲɛ kɛsu tako ye, ani ka to a ɲakɔrɔ ka baara kɛ a ye, ani ka dubaw kɛ jama ye a tɔgɔ la. Olu b'o baara nin kɛra halibi.

Filipikaw 1:1

Ne Pɔli ani Timote, Yezu Krista ka jɔɔnw, an be nin sɛbɛ nin ci aw ma, aw minw ye Ala ka mɔgɔw ye Filipi dugu kɔnɔ Yezu Krista barika la, an b'a ci aw ka ɲamɔgɔw n'u dɛmɛbagaw ma fana.

Filipikaw 2:11

ani bɛɛ k'a fɔ ko Yezu Krista ye Matigi ye, ka boɲa la an Faa Ala tɔgɔ kan.

Kɔlɔsikaw 1:1

Ne Pɔli min kɛra Yezu Krista ka ciden ye ka kɛɲɛ ni Ala sago ye, ani an balimacɛ Timote,

Kɔlɔsikaw 1:25

Ne kɛra jama nin ka baarakɛla ye, ka kɛɲɛ ni Ala ka weleli ye aw dɛmɛ kama. A ye ne wele k'a ka kuma fɔ ka ɲa kosɔbɛ.

Tes fɔlɔ 2:2

Sanni an ka se aw fɛ Tesaloniki, u y'an tɔɔrɔ k'an nɛni kosɔbɛ Filipi, aw yɛrɛ y'o lɔn. An ye jagwɛlɛya sɔrɔ Ala fɛ, k'an ka Ala ka kibaru diman fɔ aw ye gwɛlɛya caaman cɛma.

Tes fɔlɔ 2:8

Aw ka koo tun ka gwɛlɛ an ma kosɔbɛ, o le y'a to, an tun labɛnnin lo ka Ala ka kibaru diman fɔ aw ye, hali k'an yɛrɛ nii di aw kosɔn. Bari aw koo tun b'an dusu la kosɔbɛ.

Tes fɔlɔ 2:9

N balimaw, an ye baara min kɛ k'o sigɛn muɲu, aw hakili b'o la. K'an to aw cɛma n'an be Ala ka kibaru diman fɔ aw ye, an ye baara kɛ suu fara tile kan waasa an ka doni kana la aw dɔ kan.

Tim fɔlɔ 1:1

Ne Pɔli min kɛra Yezu Krista ka ciden ye an Kisibaga Ala sago barika la ani Yezu Krista barika la, min kɛra an jigi ye,

Tim fɔlɔ 2:7

O le kosɔn, ne welela ka kɛ ciden ani waajulikɛla ye, ka siya wɛrɛw kalan u ka la Yezu la, ani ka tiɲɛ lɔn. Ne be tiɲɛ le fɔra, ne te galon tigɛra.

Tim 2nan 1:11

Ala ye ne wele o kibaru diman nin fɔli kama ka n kɛ ciden ni karamɔgɔ ye.

Tite 1:1

Ne Pɔli min ye Ala ka barakɛla, ani Yezu Krista ka ciden ye, ne welela waasa ka Ala ka mɔgɔ wolomaninw dɛmɛ u ka se ka la Ala la, ani ka tiɲɛ lɔn min be bɛn ni Alaɲasiran ye.

Heburuw 5:4

Mɔgɔ t'o tɔgɔ nin sɔrɔ a yɛrɛ ma, nga Ala le b'o d'a ma i n'a fɔ Arɔn ta kɛra cogo min na.

Heburuw 7:26

O sarakalasebagaw kuntigi ɲɔgɔn le be se k'an mako ɲa. A ka ɲi, jalakiyɔrɔ t'a la, a ka koo gwɛnin lo, a daan bɔnin be hakɛkɛlaw la, a kɔrɔtara fɔɔ ka taga sankolo daan na.

Yakuba 1:1

Ne Zaki min ye Ala ni Matigi Yezu Krista ka baarakɛla ye, n be bataki nin ci aw Isirayɛlidenw ma minw jɛnsɛnnin be diɲɛ faan bɛɛ la, k'aw fo.

Piy fɔlɔ 4:17

Kiti tigɛtuma sera. A do bena daminɛ Ala ka mɔgɔw ma. Ni kiti be daminɛ anw le ma, minw be ban ka la Ala ka kibaru diman na, olu ta bena kɛ cogo di sa?

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne be bataki nin ci aw ma, aw minw ye an ka jigi ɲanaman ɲɔgɔn sɔrɔ anw ka Ala n'an kisibaga Yezu Krista ka tilenninya kosɔn.

Zude 1:1

Ne Zude, Zaki dɔgɔcɛ, ne min ye Yezu Krista ka baaraden ye, n be bataki nin ci Ala ka mɔgɔ weleninw ma, aw minw koo ka di Faa Ala ye, ani aw minw maranin be Yezu Krista ye.

Yirari 1:1

Koo minw ka kan ka kɛ yanni dɔɔni, Ala ye sira di Yezu Krista ma, a k'olu yira a ka baarakɛlaw la. O la, ale y'a ka mɛlɛkɛ ci Zan fɛ k'o yira a la.

Yirari 22:6

O kɔ, mɛlɛkɛ y'a fɔ ne ye ko: «Kuma nunu ye tiɲɛ kuma ye, mɔgɔ ka kan k'a jigi la min kan. Koo minw bena kɛ sisan sisan, Matigi Ala min be lɔnniya di a ka kiraw ma, ale lo y'a ka mɛlɛkɛ ci ka na o koow yira a ka baarakɛlaw la.»

Yirari 22:9

Nga a y'a fɔ ne ye ko: «Ayi! Kana o kɛ, ne fana ye Ala ka baarakɛla le ye i n'a fɔ e n'i tɔɲɔgɔn kiraw, ani minw bɛɛ be kitabu nin kɔnɔna kuma bato. I ka kan ka Ala le bato.»