Nehemi 8:9 - ALA KA KUMA

⁹ Masacɛ ka lasigiden Neemi ni sarakalasebaga sariya karamɔgɔ Ɛsidirasi ani Levi kɔmɔgɔ minw tun be jama kalanna, olu y'a fɔ jama ye ko: «Bii ye Masaba aw ka Ala ka loon ye, aw kana to dusukasi la, aw kana kasi.» Bari jama bɛɛ tun ye sariyakuma nin mɛn tuma min na, u bɛɛ tora ka kasi.

Jula NT of Côte d’Ivoire

⁹ Ayiwa, mɔgɔw ka sariya ta kumaw mɛn minkɛ, o kasira. O ra, Nehemi min tun ye jamanatigi ye, ani Ɛsidarasi min tun ye sarakalasebaga ani sariya karamɔgɔ ye, ani Levi ta mɔgɔ minw tun bɛ jama karanna, olugu k’a fɔ jama ye ko: «Bi lon blara danna Matigi Ala ye, aw ta Ala; aw kana aw ɲanasisi ka kasi!»

Nehemi 8:9 Iomraidhean Croise

Mas 2nan 22:11

Masacɛ ye sariya kitabu kɔnɔnakuma mɛn tuma min na, a hakili ɲagamina fɔɔ a y'a ka faniw faran.

Mas 2nan 22:19

O digira i la, e y'i yɛrɛ majigi ne Masaba ɲakɔrɔ kuma nin mɛntɔ, ne ye min fɔ yɔrɔ nin, n'a kɔnɔ mɔgɔw kama ko a bena kɛ dusukasiyɔrɔ ni yɔrɔ danganin ye. E y'i ka fani faran, ani ka kasi ne ɲakɔrɔ minkɛ, o la, ne fana ye ele kaan mɛn. Ne Masaba ko ten.

Lok 2nan 15:3

Waatijan kɔnɔ, Ala yɛrɛ yɛrɛ tun te Isirayɛlidenw fɛ, sarakalasebaga tun t'u fɛ min bena u kalan, sariya tun t'u fɛ.

Lok 2nan 30:22

Ezekiyasi kumana Levi kɔmɔgɔw bɛɛ fɛ k'u jaa gwɛlɛya, minw tun be Masaba ka koo faamu kosɔbɛ. U y'u niyɔrɔ dumuni kɛ tile wolonwula kɔnɔ, ka jɛnɲɔgɔnya sarakaw bɔ, ani ka Masaba u faaw ka Ala tanu.

Lok 2nan 34:19

Masacɛ ye sariyasɛbɛ kɔnɔnakuma mɛn tuma min na, a y'a ka faniw faran dusukasi bolo.

Lok 2nan 34:21

«Aw ye taga Masaba ɲininga ne, ni Isirayɛli ni Zuda mara mɔgɔ tɔw ye, sɛbɛ nin kɔnɔnakuma koo la u ye min ye. Bari Masaba diminin be an kɔrɔ kosɔbɛ, sabu an faaw ma Masaba ka kuma bato, min be sɔrɔ sɛbɛ nin kɔnɔ, u ma taama ka kɛɲɛ n'o ye.»

Lok 2nan 35:3

Levi kɔmɔgɔ minw tun be Isirayɛlidenw bɛɛ kalan, minw tun kɛra Masaba taw ye, Zoziyasi y'a fɔ olu ye ko: «Aw ye Ala ka layidu taamasiɲɛ kɛsu ta ka ta'a bila batoso kɔnɔ, Isirayɛli masacɛ Dawuda dencɛ Solomani tun ye min lɔ. Aw man kan k'a ta aw gaman kan tugu. Sisan, aw ka baara kɛ Masaba aw ka Ala n'a ka jama Isirayɛli ye.

Ɛsidarasi 2:63

Masacɛ ka lasigiden y'a fɔ u ye ko dumuni min kɛra Ala ta ye, k'u kana o dumu fɔɔ ni sarakalasebaga dɔ y'a latigɛ *Urimu ni *Tumimu barika la.

Ɛsidarasi 7:11

Masacɛ Aritasɛrisɛsi tun ye sɛbɛ min di sarakalasebaga ni sariya karamɔgɔ Ɛsidirasi ma, min tun be to ka Isirayɛlidenw kalan Masaba ka sariya n'a ka fɔta la, o filɛ nin ye.

Nehemi 10:1

Koo minw tun y'an sɔrɔ olu kosɔn, an y'a latigɛ sɔbɛ la k'an daa di k'o kɛ sɛbɛ ye. An ɲamɔgɔw ni Levi kɔmɔgɔ minw b'an cɛma, ni an ka sarakalasebagaw, y'u bulonɔ bila sɛbɛ nin kan.

Nehemi 12:26

Olu tun be baara la Yosadaki deen Yesuwa dencɛ Yoyakimu ka tile la ani masacɛ ka lasigiden Neemi ka tile la, ni sarakalasebaga Ɛsidirasi sariya karamɔgɔ ka tile la.

Nehemi 7:65

O kosɔn, masacɛ ka lasigiden y'a fɔ k'u kana Ala ka yɔrɔ dumuni dumu fɔɔ sarakalasebaga ka sɔrɔ min be baara kɛ ni *Urimu ani *Tumimu ye.

Nehemi 7:70

Gwatigi dɔw ye sanukuru waa mugan (20 000) don kɛsu kɔnɔ baara nin kama, ani warigwɛ tɔni kelen ni kilo kɛmɛ.

Nehemi 8:2

Saan kalo wolonwulanan tile fɔlɔ, sarakalasebaga Ɛsidirasi ye sariyasɛbɛ nin ta ka na n'a ye jama ɲafɛ, cɛɛw ni musow ani mɔgɔ minw bɛɛ be se ka kuma mɛn ani k'a faamu, olu bɛɛ tun be yen.

Waajurikɛbaga 3:4

Kasiwaati be yen, yɛlɛkowaati fana be yen. Dusukasiwaati be yen, ɲanagwɛwaati fana be yen.

Ezayi 61:3

A ye ne ci ka *Siyɔnka dusukasininw ka dusukasi ban k'u nisɔndiya kosɔbɛ, ka tanuli don u dusu la ɲanasisi nɔɔ na. U bena kɛ i ko yiri minw be Masaba ka boɲa yira, i ko nankɔ min b'a ka nɔɔrɔ yira.

Oze ta kitabu 4:6

Ne ka mɔgɔw ta cɛnna ne lɔnbaliya kosɔn. Aw banna ka ne lɔn minkɛ, ne fana bena ban aw la, aw tena kɛ ne ka sarakalasebagaw ye tugu. Aw ɲinɛna ne, aw ka Ala ka sariya kɔ minkɛ, ne fana bena ɲinɛ aw deenw kɔ.

Sarakalasebagaw 23:24

«A fɔ Isirayɛlidenw ye ko: Saan kalo wolonwulanan tile fɔlɔ ka kɛ lafiɲɛlon ye aw fɛ. Aw ka buru fiyɛ o ɲanagwɛ koo la, ani ka ɲɔgɔn lajɛn ka ne bato janko ka ne hakili jigi aw koo la.

Malaki 2:13

Aw be koo filanan min kɛ, o filɛ nin ye: Aw be kasi, ka ŋunan, ka Masaba ka sarakabɔyɔrɔ bɛɛ kɛ ɲaji ye. Bari a t'aw ka sarakaw jati k'u minɛ aw bolo tugu.

Rɔmukaw 3:20

O le y'a to mɔgɔ si te se ka kɛ mɔgɔtilennin ye a ɲakɔrɔ sariya batoli barika la, bari an be hakɛ lɔn sariya le barika la.

Rɔmukaw 7:9

Fɔlɔfɔlɔ, Ala ka sariya tun ma sigi tuma min na, ne tun be nii na, nga a nana sigi tuma min na, hakɛ ye fanga sɔrɔ, ne sara.

Sariya 12:12

Aw bena nisɔndiya Masaba aw ka Ala ɲakɔrɔ o yɔrɔ la, aw, n'aw dencɛw, n'aw denmusow, n'aw ka baaradenw, a cɛman fara a musomanw kan, ani Levi kɔmɔgɔ minw be aw ka duguw kɔnɔ, bari olu ma niyɔrɔ sɔrɔ aw cɛma.

Sariya 12:7

Aw n'aw ka denbaya bena lajɛn ka dumuni kɛ Masaba aw ka Ala ɲakɔrɔ o yɔrɔ la, ani ka nisɔndiya, aw ka baara bɛɛ kosɔn bari Masaba aw ka Ala y'aw dɛmɛ.

Sariya 16:11

Masaba aw ka Ala bena yɔrɔ min woloma k'o kɛ a ka sigiyɔrɔ ye, aw ka nisɔndiya a ɲakɔrɔ o yɔrɔ la. Aw, n'aw dencɛw, n'aw denmusow, ka fara aw ka baaraden cɛman ni musomanw kan, ani Levi kɔmɔgɔ minw be aw ka duguw kɔnɔ, ni lonanw, ni falatɔw, ani firiyamuso minw be aw cɛma.

Sariya 26:14

Ka ne to sanga la, n ma o si dumu, n ma dɔ bɔ u la, ka ne nɔgɔnin to, n ma o foyi di saraka ye suu ma fana. N y'i ka kumakan lamɛn Masaba ne ka Ala, i ye fɛɛn min bɛɛ ɲini ne fɛ, ne y'o bɛɛ kɛ.

Yakuba 4:9

Aw ye nimisa ka kasi kosɔbɛ, aw k'aw ka yɛlɛko kɛ kasi ye, k'aw ka nisɔndiya yɛlɛma ka kɛ dusukasi ye.