Nehemi 8:12 - ALA KA KUMA

¹² O la, jama bɛɛ tagara soo janko ka dumuni kɛ ka minni kɛ, ka dɔ di u tɔɲɔgɔnw ma, ani ka nisɔndiya kosɔbɛ. Bari u tun ye kuma min fɔ u ye, u tun y'o faamu.

Jula NT of Côte d’Ivoire

¹² O fɔra minkɛ, jama bɛɛ tagara, ka taga domuni kɛ ka min, ka domuniw ci o sigiɲɔgɔnw ma. O ka ɲanagbɛw kɛ ka ɲagari kosɛbɛ, sabu kuma minw tun fɔra o ye, o tun ka o faamu kosɛbɛ.

Nehemi 8:12 Iomraidhean Croise

Lok fɔlɔ 29:22

U ye dumuni kɛ ka minni kɛ o loon na Masaba ɲakɔrɔ ka nisɔndiya kosɔbɛ. U y'a fɔ tugu ko Dawuda dencɛ Solomani le ye masacɛ ye. U ye tulu bɔn a kunna Masaba ɲakɔrɔ k'a kɛ masacɛ ye, ani ka Sadɔki kɛ sarakalasebaga ye.

Nehemi 8:10

A y'a fɔ u ye ko: «Aw ye taga soo ka dumuniɲuman dumu ka minnifɛn dimanw min. Foyi te mɔgɔ minw fɛ, aw ka dɔ di olu ma, bari bii loon nin ye an Matigi ta ye. Aw kana aw hakili ɲagami, nisɔndiya min be bɔ Masaba fɛ, o le bena kɛ aw ka barika sɔrɔyɔrɔ ye.»

Nehemi 8:11

Levi kɔmɔgɔw ye jama dusu saalo, u tun be to k'a fɔ ko: «Aw ye je, bari bii loon nin ye Ala ta ye, aw kana aw hakili ɲagami.»

Nehemi 8:13

O dugusagwɛ, a tile filanan loon, gwatigiw bɛɛ, ni sarakalasebagaw ni Levi kɔmɔgɔ tɔw ye ɲɔgɔn lajɛn sariya karamɔgɔ Ɛsidirasi fɛ janko a ka sariya nin kɔrɔ fɔ u ye.

Ɛsitɛri 9:22

u k'u jati loonw ye u ye hɛrɛ sɔrɔ minw na, k'u yɛrɛ bɔsi u juguw bolo, ani k'u jati kalo ye, u ka dusukasi yɛlɛmana ka kɛ nisɔndiya ye, u ka nisɔngoya yɛlɛmana ka kɛ ɲanagwɛ ye min na. Ko u ka ɲanagwɛ, ka nisɔndiya o loon nunu na, ka to ka dumuni di ɲɔgɔn ma, ani ka dɛsɛbagatɔw sɔn.

Ayuba 23:12

Ne y'a ka fɔta bato, a ye minw bɛɛ fɔ, ne y'o mara n kɔnɔ.

Zaburu 119:111

E ka fɔtaw le ye ne niyɔrɔ ye kudayi. Tiɲɛ na, o le be ne nisɔndiya.

Zaburu 119:127

E ka fɔtaw ka di ne ye haali. U ka di n ye ka tɛmɛ sanu kan, hali sanu yɛrɛyɛrɛ.

Zaburu 119:130

E ka kuma lɔnni be yeelen bɔ, a be hakilitigiya di kolɔnbaliw ma.

Zaburu 119:14

Ka tugu i ka fɔta kɔ, o be ne nisɔndiya. Ne be nisɔndiya i ko nafolo bɛɛ le be ne fɛ.

Zaburu 119:16

Ne be nisɔndiya i ka kolatigɛninw na. Ne te ɲinɛ i ka kuma kɔ.

Zaburu 119:171

A to ne k'i tanu, bari i be ne kalan i ka kolatigɛninw na.

Zaburu 119:174

Masaba, ne kisi, o le ye n ka miiriya ye. E ka sariya le koo ka di ne ye.

Zaburu 119:72

E ye sariya min di, o ka fisa ne fɛ ka tɛmɛ sanu ni warigwɛ caaman kan.

Zaburu 119:97

E ka sariya koo ka di ne ye haali. Loon o loon ne be miiri a la.

Yeremi 15:16

I ka kuma mana se ne ma, ne b'a minɛ kosɔbɛ. A be nisɔndiya di ne ma, ka ne dagamu. Bari, ne y'i ta ye, Masaba, Setigi Ala.

Luka 24:32

U y'a fɔ ɲɔgɔn ye ko: «A tun be kumana an fɛ sira kan tuma min na ka to ka Ala ka kuma ɲafɔ an ye ka gwɛ, an nisɔndiyanin tun tɛ wa?»

Rɔmukaw 7:18

Bari ne y'a lɔn ko fɛɛn min be ne dusu la, o ma ɲi. Koɲumankɛ nigɛ be ne la, nga n te se.

Yirari 11:10

Adamadenw nisɔn bena diya u fagako la, fɔɔ u bena to k'u ka bololafɛnw didi ɲɔgɔn ma, bari kira fila nunu tun y'u tɔɔrɔ kosɔbɛ.