Nehemi 8:1 - ALA KA KUMA

¹ Daa min tɔgɔ ko Jida, jama bɛɛ ye ɲɔgɔn lajɛn o forobayɔrɔ la, k'u ka miiriya kɛ kelen ye. U y'a fɔ sariya karamɔgɔ sarakalasebaga Ɛsidirasi ye ko a ka Musa ka sariyasɛbɛ ta ka na n'a ye.

Jula NT of Côte d’Ivoire

¹ O kɔ, jama bɛɛ tagara lajɛn i ko mɔgɔ kelen Jiw ta donda yɔrɔ ra. O k’a fɔ sariya karamɔgɔ Ɛsidarasi ye ko a ye na ni Musa ta sariya kitabu ye, Matigi Ala tun ka o sariya min di Izirayɛlimɔgɔw ma.

Nehemi 8:1 Iomraidhean Croise

Mas 2nan 23:2

O kɔ, a tagara Masaba ka soo ni Zuda mara mɔgɔw bɛɛ ye, ani Zeruzalɛmukaw bɛɛ, ni sarakalasebagaw, ani kiraw, ni jama bɛɛ, denmisɛn fara mɔgɔkɔrɔba kan. U tun ye Layidusɛbɛ min sɔrɔ Masaba ka soo kɔnɔ, a y'o bɛɛ kalan u ɲana.

Lok 2nan 34:15

A y'a fɔ sɛbɛnnikɛla Safan ye ko: «Ne ye sariyasɛbɛ ye Masaba ka soo kɔnɔ.» A y'a di Safan ma.

Lok 2nan 34:30

O kɔ, a tagara Masaba ka soo ni Zuda mara mɔgɔw bɛɛ ye, ani Zeruzalɛmukaw bɛɛ, ni sarakalasebagaw, ani Levi kɔmɔgɔw, ni jama bɛɛ, denmisɛn fara mɔgɔkɔrɔba kan. U tun ye Layidusɛbɛ min sɔrɔ Masaba ka soo kɔnɔ, a y'o kalan u ye.

Ɛsidarasi 7:1

Koo nunu tɛmɛnin kɔ, Pɛrɛsi masacɛ Aritasɛrisɛsi ka tile la, Ɛsidirasi wilila. A facɛ tɔgɔ tun ko Seraya, ale facɛ fana ye Azariya ye, Azariya facɛ fana tun ye Ilikiya ye,

Ɛsidarasi 7:10

Sabu a tun y'a sɔbɛ don Masaba ka sariya kalan la, ani ka taama ka kɛɲɛ n'a ye fana, ani ka Isirayɛlidenw kalan n'a ye, k'u kalan landaw la minw koo fɔra a kɔnɔ.

Ɛsidarasi 7:11

Masacɛ Aritasɛrisɛsi tun ye sɛbɛ min di sarakalasebaga ni sariya karamɔgɔ Ɛsidirasi ma, min tun be to ka Isirayɛlidenw kalan Masaba ka sariya n'a ka fɔta la, o filɛ nin ye.

Ɛsidarasi 7:6

O Ɛsidirasi nin bɔra Babilɔni ka taga Zeruzalɛmu. A tun ye sariya karamɔgɔ ye. Masaba, Isirayɛli ka Ala ye sariya min di Musa ma, a tun b'o koo lɔn kosɔbɛ. Masaba a ka Ala tun be n'a ye. O la, a tun ye fɛɛn o fɛɛn ɲini masacɛ fɛ, ale sɔnna o bɛɛ ma.

Nehemi 12:26

Olu tun be baara la Yosadaki deen Yesuwa dencɛ Yoyakimu ka tile la ani masacɛ ka lasigiden Neemi ka tile la, ni sarakalasebaga Ɛsidirasi sariya karamɔgɔ ka tile la.

Nehemi 12:37

U tagara se daa ma, min be jii bɔyɔrɔ faan fɛ, ka tɛmɛ ka taga yɛlɛ Dawuda ka ciin kogo yɛlɛyɛlɛnan kan, ka tɛmɛ Dawuda ka soo gɛrɛfɛ sanfɛ, ka taga se daa la min tɔgɔ ko Jida, kɔrɔn fɛ.

Nehemi 3:26

Ala ka soo kɔnɔ baarakɛla minw tun siginin be Ofɛli tintin kan, olu ye lɔli kɛ fɔɔ ka taga se daa ma min tɔgɔ ko Jida, kɔrɔn ɲafan na, ani sanbon nin ɲafɛ.

Nehemi 8:16

O la, jama bɔra ka taga furaburu tigɛ ka na gwataw kɛ u ka soow kunna ani u ka luuw kɔnɔ, ni Ala ka soo luu kɔnɔ, ani ka dɔw lɔ forobayɔrɔ la min be dugu donda la min tɔgɔ ko Jida, ani Efarayimu kɔmɔgɔw ka donda la.

Nehemi 8:3

Daa min tɔgɔ ko Jida, Ɛsidirasi ye sariyasɛbɛ nin kalan o forobayɔrɔ la k'a ta sɔgɔma fɔɔ tilefɛ. Cɛɛw ni musow ani mɔgɔ minw be se ka kuma faamu, a y'a kalan olu ɲana. Jama bɛɛ y'u tulo malɔ sariyasɛbɛ kalantɔ la.

Ezayi 8:20

aw k'u jaabi ko u ka mɛnni kɛ Masaba ka kuma la. Ni mɔgɔ minw ka fɔta ma bɛn o ma, olu yɔrɔ ka jan kɛnɛ la.

Sarakalasebagaw 9:5

Musa ye fɛɛn minw koo fɔ, u nana ni olu ye ɲɔgɔnkunbɛn fanibugu ɲafɛ. Jama bɛɛ gwɛrɛla ka lɔ Masaba ɲakɔrɔ.

Matiyu 13:52

A y'a fɔ u ye tugu ko: «Ayiwa. Sariya karamɔgɔ min kalanna kosɔbɛ *sankolo masaya koo la, a be i ko sotigi min be fɛnkura ni fɛɛn kɔrɔman sɔrɔ a ka nafolo la.»

Matiyu 23:13

«Bɔnɛ y'aw ta ye, aw sariya karamɔgɔw ni *Fariziɲɛ namaramɔgɔw, bari aw be *sankolo masaya donda tugu, aw tena don, minw b'a fɛ ka don fana, aw t'a to olu ka don. [

Matiyu 23:2

«Ala ye sariya min di Musa ma, sariya karamɔgɔw ni *Fariziɲɛw le ka kan ka mɔgɔw kalan o la.

Matiyu 23:34

Ayiwa, aw ye mɛnni kɛ. Ne bena n ka cidenw ci aw ma, hakilitigiw ani mɔgɔkalanninw. Aw bena dɔw faga ka dɔw gwengwen lɔgɔ kan, ka dɔw bugɔ ni golokami ye kalansow kɔnɔ, ani aw bena tugu dɔw kɔ ka taga u tɔɔrɔ dugu wɛrɛw la.

Sariya 31:11

ni Isirayɛlidenw bɛɛ nana lɔ Masaba aw ka Ala ɲakɔrɔ tuma min na, a ka yɔrɔ wolomanin na, e bena sariya nin kalan u bɛɛ ɲana, u k'a mɛn.

Kititigɛbagaw 20:1

Isirayɛlidenw bɛɛ wilila ka na ɲɔgɔn kunbɛn Misipa, k'a ta Dan kɔmɔgɔw ka mara la, fɔɔ ka taga Bɛriseba mara la, ani Galaadi mara la, k'u ka miiriya kɛ kelen ye Masaba ɲakɔrɔ.

Kititigɛbagaw 20:8

Jama bɛɛ wilila ka lɔ kelen kan k'a fɔ ko: «Mɔgɔ si man kan ka ta'a ka soo tugu ani a sigiyɔrɔ la.