Nehemi 7:3 - ALA KA KUMA

³ N y'a fɔ u ye ko Zeruzalɛmu dondaw tena yɛlɛ ni tile ma gwan, o fana bena to ka tugu ka sɔgɔ ni u kɔlɔsibagaw ka baara ma jigi fɔlɔ. Ko dugu kɔnɔ mɔgɔw bena to ka kɔlɔsili kɛ, dɔw k'o kɛ yɔrɔ latigɛnin dɔw la, dɔw k'o kɛ u ka soo daaw la.

Jula NT of Côte d’Ivoire

³ Ne k’a fɔ o ye ko: «Aw kana Zeruzalɛmu dugu dondaw dayɛlɛ, fɔ ni tere gbanna tuma min na. Wula fɛ fana aw ye a daw datugu ka o sɔgɔ sani dakɔrɔsibagaw ye taga. Aw ye Zeruzalɛmu dugumɔgɔw bla, o ye to ka yɔrɔw kɔrɔsi ka ɲɔgɔn sɔn. Dɔw ye lɔlɔ dugu kɔrɔsiyɔrɔ ra, dɔw ye lɔlɔ o yɛrɛ ta bonw kɛrɛ fɛ.»

Nehemi 7:3 Iomraidhean Croise

Nehemi 13:19

O kɔ, n y'a latigɛ ko Zeruzalɛmu dugu dondaw ka kan ka tugu yanni lafiɲɛlon ka se, u k'u tugu tilekun dontuma na, ani lafiɲɛlon tɛmɛnin kɔ, u k'u dayɛlɛ. N fana ye n ka baarakɛla dɔw bila daaw la janko ka mɔgɔw bali ka don ni doni ye dugu kɔnɔ lafiɲɛlon na.

Nehemi 3:23

Olu fana kɔfɛ, Bɛnzamɛn ni Asubu tun be lɔli kɛra u yɛrɛ ka soo ɲafɛ. Ananiya deen Maaziya dencɛ Azariya tun be lɔli kɛra olu fana kɔfɛ a ka soo gɛrɛfɛ.

Nehemi 7:2

N ye dugu kalifa n baden Anani ma, ani masadugu kuntigi Ananiya, min ye mɔgɔtilennin ye, n'a be siran Ala ɲa ka tɛmɛ mɔgɔ caaman kan, n y'a koo don olu le bolo.

Nehemi 7:4

Dugu nin tun ka bon kosɔbɛ, nga mɔgɔ caaman tun t'a kɔnɔ, soow tun ma lalaga ka lɔ fɔlɔ.

Zaburu 127:1

Zeruzalɛmu taadɔnkili dɔ. Solomani ka dɔnkili Ala ye. Ni Masaba ma soo min lɔ, a lɔbagaw b'u yɛrɛ sɛgɛn gwansan. Ni Masaba ma dugu min mara, a kɔlɔsibagaw be sɛgɛn gwansan.

Zaburu 147:13

A be barika don dugu dondaw sɔgɔnanw na kosɔbɛ. A be barika don dugudenw na dugu kɔnɔ.

Matiyu 10:16

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.