Nehemi 7:2 - ALA KA KUMA

² N ye dugu kalifa n baden Anani ma, ani masadugu kuntigi Ananiya, min ye mɔgɔtilennin ye, n'a be siran Ala ɲa ka tɛmɛ mɔgɔ caaman kan, n y'a koo don olu le bolo.

Jula NT of Côte d’Ivoire

² Ne ka Zeruzalɛmu dugu koɲaw karifa ne balemacɛ Hanani ma, ani Hananiya min tun ye Zeruzalɛmu kɛrɛkunbɛnbon kuntigi ye, sabu ale tun ye mɔgɔ terennin le ye; Alaɲasiranbaga tun lo fana ka tɛmɛ mɔgɔ caman kan.

Nehemi 7:2 Iomraidhean Croise

Damina 42:18

A tile sabanan loon, a y'a fɔ u ye ko: «Ne bena min fɔ aw ye, aw k'o kɛ, janko aw nii ka kisi, bari ne be siran Ala ɲa.

Sam 2nan 23:3

Isirayɛli ka Ala kumana, Isirayɛli dogokabakuru y'a fɔ ne ye ko: ‹Mɔgɔ min b'a ka kuntigiya kɛ ni tilenninya ye, mɔgɔ min b'a ka kuntigiya kɛ ni Alaɲasiran ye,

Mas fɔlɔ 18:12

Ne taanin kɔ dɔrɔn, Masaba ka Nii bena i ta ka taga n'i ye yɔrɔ wɛrɛ ne tena min lɔn. Ni ne tagar'a fɔ Akabu ye ka ban tuma min na, a bena na, n'a ma i sɔrɔ yan, a bena ne faga. Ne, i ka baarakɛla do be siran Masaba ɲa kabini ne denmisɛntuma na.

Mas fɔlɔ 18:3

Akabu tun y'a ka soo kɔnɔ kuntigi Obadiyawu wele. O y'a sɔrɔ Obadiyawu tun be siran Masaba ɲa kosɔbɛ.

Nehemi 1:2

ne baden kelen nana, ka bɔ Zuda mara la. O tun ye Anani ye, ale ni mɔgɔ dɔw. Ne y'u ɲininga Zeruzalɛmu koo la, ani zuwifuw ka koo la fana, minw bɔra jɔnya la ka taga yen.

Nehemi 10:23

ani Pelatiya, ni Hanan ani Ananiya,

Nehemi 13:13

O kɔ, n ye bondo nunu kalifa sarakalasebaga Selemiya ni sariya karamɔgɔ Sadɔki ani Levi kɔmɔgɔ Pedaya ma, n fana ye Mataniya deen Zakuri dencɛ Hanan fara u kan, bari olu tɔgɔɲuman tun bɔra kosɔbɛ. Olu wolomana janko ka fɛɛn nunu tilan u badenw cɛ.

Nehemi 2:8

N y'a fɔ fana k'u ka bataki dɔ di fana n bena min di jamana kɔnɔ yiriw kɔlɔsibaga Azafu ma, janko ale ka se ka yiriw di n ma, an bena minw lɛsɛ ka kɛ koonw ye k'u don masadugu dondaw la, Ala ka soo gɛrɛfɛ. Ani ka dɔw kɛ dugu nin laminikogo la ani ne yɛrɛ ka boon na fana. Masacɛ ye bataki nunu di n ma, bari ne ka Ala min ka ɲi tun be n fɛ.

Nehemi 5:15

O y'a sɔrɔ lasigiden minw tɛmɛna ne ɲafɛ, olu tun be to ka jama tɔɔrɔ, u tun be to ka dumuni ni duvɛn minɛ u fɛ, ani warigwɛ kuru bi naani. U ka baaradenw fana tun be to ka kuntigiya kɛ jama kan. Alaɲasiran kosɔn, ne ma sɔn k'o kɛ.

Nehemi 7:3

N y'a fɔ u ye ko Zeruzalɛmu dondaw tena yɛlɛ ni tile ma gwan, o fana bena to ka tugu ka sɔgɔ ni u kɔlɔsibagaw ka baara ma jigi fɔlɔ. Ko dugu kɔnɔ mɔgɔw bena to ka kɔlɔsili kɛ, dɔw k'o kɛ yɔrɔ latigɛnin dɔw la, dɔw k'o kɛ u ka soo daaw la.

Ayuba 1:1

Cɛɛ dɔ tun be Usi jamana na, a tɔgɔ ko Zɔbu. A tun kɛra mɔgɔɲuman ye, a tilennin tun lo. A tun be siran Ala ɲa. A tun te sɔn kojugu ma.

Zaburu 101:6

Ne kɔni bena n hakili to jamana kɔnɔ mɔgɔsɔbɛw la, olu le bena to ne gɛrɛfɛ. Mɔgɔ min kɛra mɔgɔɲuman ye, o tigi le bena baara kɛ ni ne ye.

Bɔri 18:21

I ka mɔgɔsɔbɛ dɔw woloma fana jama cɛma, minw be siran Ala ɲa, lanamɔgɔw, mɔgɔ te se ka minw daa san, k'u kɛ kuntigiw ye jama kunna, dɔw ka kɛ mɔgɔ waa kelen kelen kunna, dɔw ka kɛ mɔgɔ kɛmɛ kɛmɛ kunna, dɔw ka kɛ mɔgɔ bi duuru duuru kunna, ani dɔw ka kɛ mɔgɔ tan tan kunna.

Daniyɛli 6:4

Daniyɛli tun ka fisa n'a tɔɲɔgɔn fila nunu ye, ani marakuntigi tɔ nunu bɛɛ. Bari, hakili tun b'a fɛ kosɔbɛ. Masacɛ tun b'a fɛ k'a sigi jamana bɛɛ kunna.

Jateri 12:7

Nga ne ka baarakɛla Musa ka koo te ten. Kantigi lo koo bɛɛ la ne ka soo kɔnɔ.

Matiyu 24:45

«Baaraden tilennin hakiliman jumɛn be yen, n'a kuntigi y'a sigi a ka baaraden tɔw kunna waasa a ka dumuni d'u ma a diwaati la?

Matiyu 25:21

A kuntigi y'a fɔ a ye ko: ‹O ɲana, i ye baaradenɲuman ani mɔgɔsɔbɛ ye. I kɛra mɔgɔsɔbɛ ye kofitini nin na, o la, ne bena koo caaman kalifa i ma. Na, an ka nisɔndiya ɲɔgɔn fɛ.›

Kor fɔlɔ 4:2

N'u ye baara dɔ kalifa mɔgɔ ma, u be min ɲini a fɛ, o ye tilenninya ye.

Tim 2nan 2:2

I ye fɛɛn min mɛn ne fɛ seere caaman ɲana, i k'o kalifa mɔgɔsɔbɛw ma minw be se ka mɔgɔ wɛrɛw kalan n'o ye.