Nehemi 7:1 - ALA KA KUMA

¹ An ye kogo nin lɔ ka ban tuma min na, n ye koon don daaw la, an ye daaw kɔlɔsibagaw sigi u ka baara la, ani dɔnkililabagaw ni Levi kɔmɔgɔw.

Jula NT of Côte d’Ivoire

¹ Kogo nana lɔ ka ban minkɛ, ani ne nana a konw don tuma min na, an ka dakɔrɔsibagaw, ani dɔnkirilabagaw, ani Levi* ta mɔgɔw sigi o ta baaraw ra.

Nehemi 7:1 Iomraidhean Croise

Mas 2nan 7:10

U tagara dugu donda kɔlɔsibagaw wele k'a fɔ olu ye k'olu donna Sirikaw ka kɛlɛdenw ka sigiyɔrɔ la, mɔgɔ si tun te yen, mɔgɔ mankan tun te bɔ yen, soow ni faliw le sirinin be yen, ani fanibugu nunu be u cogo la yen.

Lok 2nan 31:2

Ezekiyasi ye sarakalasebagaw ni Levi kɔmɔgɔ tɔw ka jɛnkuluw sigi tugu k'u kelen kelen bɛɛ ka baara d'u ma. Dɔw be saraka jɛnitaw ni jɛnɲɔgɔnya sarakaw bɔ, dɔw fana be baara wɛrɛ kɛ batoli koo la, ka foli kɛ ka tanuli kɛ Masaba ka sigiyɔrɔ daaw la.

Ɛsidarasi 3:8

U senin Zeruzalɛmu, Ala ka soo, o saan filanan kalo filanan na, Salatiyɛli dencɛ Zorobabɛli ni Yozadaki dencɛ Zozuwe, n'u tɔɲɔgɔn sarakalasebaga tɔw ani Levi kɔmɔgɔ tɔw, ni mɔgɔ minw bɛɛ kɔsegira ka na Zeruzalɛmu ka bɔ jɔnya la, u ye baara daminɛ, k'a fɔ Levi kɔmɔgɔw ye minw sii sera saan mugan ma ani ka tɛmɛ o kan, ko u ka sigi Masaba ka soo lɔbaara kunna.

Nehemi 10:39

Ni Levi kɔmɔgɔw be taga jaka minɛyɔrɔ la, olu ni Arɔn kɔmɔgɔ dɔ min ye sarakalasebaga ye, be taga ɲɔgɔn fɛ, jaka min sɔrɔla, Levi kɔmɔgɔw ka kan ka jaka bɔ o la ka taga n'o ye an ka Ala ka soo kɔnɔ, a ka nafolo marayɔrɔ la.

Nehemi 11:3

Mara nin kɔnɔ ɲamɔgɔ minw sigira Zeruzalɛmu, olu le ye nunu ye: Isirayɛlidenw bɛɛ, ni sarakalasebagaw, ni Levi kɔmɔgɔ tɔw, ni Ala ka soo kɔnɔ baarakɛlaw, ani Solomani ka baaradenw kɔmɔgɔw, olu dɔw tagara sigi u ka yɔrɔw la u ka duguw kɔnɔ Zuda mara la.

Nehemi 12:24

Asabiya ni Serebiya ani Kadimiyɛli dencɛ Yesuwa tun ye Levi kɔmɔgɔw ka ɲamɔgɔw ye. U ni u badenw tun ɲasinnin be ɲɔgɔn ma, ka to ka dɔnkili la Ala ye k'a tanu ani ka barika la a ye, ka kɛɲɛ ni Ala ka mɔgɔ Dawuda ka latigɛ ye.

Nehemi 6:1

Tuma min na u y'a fɔ Sanbala ni Tobiya, ani arabucɛ Gɛsɛmu n'an jugu tɔw ye ko ne ye kogo lɔ ka ban, ko yɔrɔ minw tun benna, k'o bɛɛ wilila, o tun y'a sɔrɔ ne tun ma dondaw koon don fɔlɔ.

Nehemi 6:15

Kogo nin lɔbaara banna *Eluli kalo tile mugan ni duurunan loon. A baara bɛɛ lajɛnnin kɛra tile bi duuru ni fila kɔnɔ.

Nehemi 6:19

U yɛrɛ tun be to k'a tɔgɔɲuman fɔ ne ɲana, ani ka to ka ne ka kuma ta ka taga o fɔ a ye. Ale Tobiya tun be to ka batakiw ci janko ka se ka siranya bila ne la.