Nehemi 6:1 - ALA KA KUMA

¹ Tuma min na u y'a fɔ Sanbala ni Tobiya, ani arabucɛ Gɛsɛmu n'an jugu tɔw ye ko ne ye kogo lɔ ka ban, ko yɔrɔ minw tun benna, k'o bɛɛ wilila, o tun y'a sɔrɔ ne tun ma dondaw koon don fɔlɔ.

Jula NT of Côte d’Ivoire

¹ Ayiwa, Sanbala ni Tobiya ni Arabucɛ Gesɛmu ni an jugu tɔw nana a mɛn ko an ka kogo lalaga, ko hali wo kelen ma to kogo ra tuun. O wagati ra ne tun ma konw don fɔlɔ.

Nehemi 6:1 Iomraidhean Croise

Nehemi 13:4

O y'a sɔrɔ sarakalasebaga Eliyasibu tun wolomana ka kɛ an ka Ala ka soo kɔnɔ minanmarayɔrɔ kuntigi ye. Tobiya baden tun lo,

Nehemi 2:10

Sanbala ka bɔ Oronayimu, ale ni Tobiya, min ye amoni ye n'a be masacɛ ka baara la, olu y'a mɛn tuma min na ko mɔgɔ dɔ be yen min be Isirayɛlidenw ka hɛrɛ ɲini dɔrɔn, o ma diya u ye fewu.

Nehemi 2:19

Sanbala ka bɔ Oronayimu, ni Tobiya, min ye amoni ye n'a be masacɛ ka baara la, ani arabucɛ Gɛsɛmu, olu y'an koo mɛn dɔrɔn, u yɛlɛla an ma, k'an lɔgɔbɔ. U y'a fɔ ko: «Aw be mun le kɛra yan? Aw be murutira masacɛ ma wa?»

Nehemi 3:1

Sarakalasebagaw kuntigi Eliyasibu n'a tɔɲɔgɔn sarakalasebagaw wilila ka Sagaw ka donda lɔ. U y'o kalifa Masaba ma, o kɔ u ye koonw don. U ye kogo lɔ fɔɔ ka na se Sangaso yɔrɔ la min be wele ko Meya. U y'o kalifa Ala ma fana, ka tɛmɛ ka taga se fɔɔ Ananeyɛli sangaso yɔrɔ ma.

Nehemi 3:3

Asena deenw ye Jigɛminɛyɔrɔ donda lɔ, k'a kuun biri, ka koonw don a la, k'a sɔgɔnanw don.

Nehemi 3:6

Pazeya dencɛ Yoyada ni Bezodiya dencɛ Mesulamu, le ye Daa kɔrɔma lalaga k'a kuun biri ka koonw don ani ka sɔgɔnanw kɛ a la.

Nehemi 4:1

Tuma min na Sanbala ni Tobiya, ani arabuw, ni amoniw ani Asidɔdikaw y'a mɛn ko kogo nin lalagabaara be tagara ɲa ani ko yɔrɔ minw tun benna, k'olu daminɛna ka tugu, u dimina kosɔbɛ.

Nehemi 7:1

An ye kogo nin lɔ ka ban tuma min na, n ye koon don daaw la, an ye daaw kɔlɔsibagaw sigi u ka baara la, ani dɔnkililabagaw ni Levi kɔmɔgɔw.

Daniyɛli 9:25

Ayiwa, i k'a lɔn k'a faamu ko kabini a fɔra k'u ka Zeruzalɛmu dugu lalaga k'a lɔ, fɔɔ ka na se Ɲamɔgɔba ka waati la, min wolomana, saan wolonwula sigiyɔrɔman wolonwula le bena tɛmɛ. Forobayɔrɔw, ni dingɛw bena lalaga saan bi wɔɔrɔ ni fila sigiyɔrɔman wolonwula kɔnɔ. Nga o bena kɛ gwɛlɛya waati ye.