Nehemi 5:9 - ALA KA KUMA

⁹ O kɔ, n y'a fɔ u ye ko: «Aw be fɛɛn min kɛra, o ma ɲi. Aw man kan k'aw ka kɛtaw kɛ k'o kɛɲɛ n'an ka Ala ɲasiran ye wa, janko an juguw siya wɛrɛw kana an nɛni?

Jula NT of Côte d’Ivoire

⁹ Ne ko o ma tuun ko: «Aw bɛ min kɛra tan, o man ɲi. Aw tun ka kan ka siran Ala ɲa, janko an jugu minw ye siya wɛrɛ mɔgɔw ye, olugu kana na maroya bla an na.

Nehemi 5:9 Iomraidhean Croise

Damina 20:11

Ibrayima y'a jaabi ko: «Ne tun y'a miiri ko yan mɔgɔw te siran Ala ɲa fewu, ko u bena ne faga n muso kama.

Damina 42:18

A tile sabanan loon, a y'a fɔ u ye ko: «Ne bena min fɔ aw ye, aw k'o kɛ, janko aw nii ka kisi, bari ne be siran Ala ɲa.

Sam 2nan 12:14

Nga ko a y'a kɛ Masaba juguw y'a tɔgɔ cɛnyɔrɔ sɔrɔ koo nin kama minkɛ, k'o la, i deen nin bena sa.

Nehemi 4:4

Nga Zuda mara mɔgɔw tun b'a fɔra ko: «Baarakɛbagaw barika banna, kogo nin cɛnyɔrɔw do ka ca, o la an tena se ka kogo nin lɔ tugu.»

Nehemi 5:10

Ne ni n badenw ani n ka baaradenw, an y'u dɔndɔ wari ni dumuni na. An ka yafa u ma.

Nehemi 5:15

O y'a sɔrɔ lasigiden minw tɛmɛna ne ɲafɛ, olu tun be to ka jama tɔɔrɔ, u tun be to ka dumuni ni duvɛn minɛ u fɛ, ani warigwɛ kuru bi naani. U ka baaradenw fana tun be to ka kuntigiya kɛ jama kan. Alaɲasiran kosɔn, ne ma sɔn k'o kɛ.

Zaburu 90:11

Jɔn be se k'i ka dimi fariya danyɔrɔ lɔn? Jɔn le b'i ka fariya siranya hakɛ lɔn?

Zanaw 16:29

Mɔgɔ fariman b'a tɔɲɔgɔn nigɛ k'a bila sirajugu kan.

Zanaw 17:26

Ka alamaani la mɔgɔtilennin kan, o ma ɲi. Ka mɔgɔbaba bugɔ fana, o te koo daganin ye.

Zanaw 18:5

Ka fara kojugukɛla kan, ka mɔgɔtilennin jalaki kiti la, o ma ɲi!

Zanaw 19:2

Kolɔnbaliya ma ɲi mɔgɔ si fɛ. Mɔgɔ min be teliya kojugu, o tigi be fili.

Zanaw 24:23

Nin ye lɔnnikɛlaw ta ye tugu. Ka wolomani kɛ kiti la, o ma ɲi.

Ezekiyɛli 36:20

U tagara yɔrɔ o yɔrɔ siya wɛrɛw cɛma, u ye ne tɔgɔ senuman cɛn bari a fɔra u koo la ko u ye Masaba ka mɔgɔw ye, nga u wajibiyara ka bɔ a ka jamana kɔnɔ.

Sarakalasebagaw 25:36

I kana tɔnɔ ɲini a fɛ cogo si la, nga i ka siran i ka Ala ɲa, janko i balima ka se ka to aw cɛma.

Kɛwalew 9:31

O tuma na, Krista ka jama tun be hɛrɛ la Zude, ni Galile ani Samari mara nunu bɛɛ la. U ka lanaya tun be taga ɲa. U tun be Matigi boɲa. Nii Senuman barika la, u tun be caya ka taga.

Rɔmukaw 2:24

Bari a fɔra Ala ka kuma na ko: «Ala tɔgɔ cɛnna aw sababu la siya wɛrɛw cɛma.»

Tim fɔlɔ 5:14

O le y'a to, ne b'a fɔ firiyamusow ye, minw ma kɔrɔ, k'u ka furu ka deenw sɔrɔ ani u ka janto u ka somɔgɔw la, waasa u kana yɔrɔ di an jugu ma a ka se ka kumajugu fɔ an koo la,

Tite 2:5

U ka kɛ musosɔbɛw ye minw ɲamalɔnin lo, minw jijanin be u ka sokɔnɔbaaraw la, ani minw sɔɔn ka ɲi, ani u b'u yɛrɛ majigi u cɛɛw ye, waasa mɔgɔw kana se ka Ala ka kuma lɔgɔbɔ.

Piy fɔlɔ 2:12

O la, aw taamacogo ka ɲa Alalɔnbaliw cɛma, waasa hali n'u ko u bena aw tɔgɔ cɛn, aw ka kɛwaliɲumanw ka kɛ sababu ye u be Ala tanu a nalon na.

Sam fɔlɔ 2:24

N deenw, ne be fɛɛn min mɛnna Masaba ka jama fɛ, o ma ɲi. Aw k'o dabila.