Nehemi 5:7 - ALA KA KUMA

⁷ N y'a latigɛ ko n bena ɲamɔgɔw ni kititigɛla nunu jalaki, n y'a fɔ u ye ko: «Ee! Aw b'aw badenw dɔndɔ fɛɛnw na ka tɔnɔ ɲini o la kɛ?» O kɔ, n ye ɲɔgɔnyeba sigi k'u wele.

Jula NT of Côte d’Ivoire

⁷ Ne k’a latigɛ ko ne bɛna kumagbɛlɛn fɔ jama ɲamɔgɔw ni a kuntigiw ye. Ne ko o ma ko: «Mun kosɔn aw bɛ juru don aw balemaw ra, ka tɔnɔ ɲini a ra o fɛ?» Ne ka o wele ɲɔgɔnyeba dɔ ra, janko ka o ko ɲanabɔ ni o ye.

Nehemi 5:7 Iomraidhean Croise

Zaburu 109:11

Jurutigi k'a ka fɛɛn bɛɛ minɛ. A sigɛnna ka fɛɛn minw sɔrɔ, lonanw ka olu ta.

Zaburu 15:1

Dawuda ka dɔnkili dɔ. Masaba, jɔn le bena to i ka soo kɔnɔ? Jɔn le bena sigi e ka kulu senuman kan?

Zaburu 15:5

A te wari juru don tɔnɔ kama, a fana te fɛɛn minɛ ka mɔgɔ jalakibali ka tiɲɛ munumunu. Mɔgɔ min be koo kɛ ten, o tigi te ben fewu.

Zaburu 27:8

E ye min fɔ, ne be miiri o le la, e ko: «Aw ka ne yɔrɔ ɲini.» Ne b'i yɔrɔ ɲinina, Masaba.

Zaburu 4:4

Aw k'a lɔn ko Masaba be mɔgɔtilennin lɔn. Ni ne b'a daali, a be mɛnni kɛ ne fɛ.

Zaburu 94:16

Jɔn le bena wili mɔgɔjugu nunu kama ne ye? Jɔn bena mɔgɔkolon nunu kɛlɛ ne ye sa?

Bɔri 22:24

«N'aw ye juru don ne ka mɔgɔ dɔ la aw cɛma, min dɛsɛnin be, aw kan'a kɛ i n'a fɔ minw be juru don tɔnɔ kama, aw kana tɔnɔ ɲini a fɛ.

Bɔri 22:25

«N'aw y'aw tɔɲɔgɔn ka delekeba bɔsi aw ka juru kama, aw ka segi k'o d'a ma sanni tile ka ben.

Zanaw 27:5

Jalaki min be kɛ ni kɔnɔgwɛ ye, o ka fisa ni teriya ye min te ye.

Zanaw 28:4

Mɔgɔ min be ban Ala ka sariya la, o tigi be mɔgɔjuguw tanu. Sariya batobagaw be dimi mɔgɔjugu kɔrɔ.

Ezekiyɛli 22:12

I kɔnɔ mɔgɔw be sɔn ka daa sanfɛn minɛ ka fagali kɛ. U be juru don ka tɔnɔjugu ɲini, u b'u sigiɲɔgɔn tɔɲɔ ka tɔnɔjugu sɔrɔ. U ɲinɛna ne kɔ. Ne Matigi, Masaba le ko ten.

Ezekiyɛli 45:9

Matigi, Masaba ko: «Isirayɛli ka ɲamɔgɔw, a daan tɛmɛna! Aw ka fariyako ni mɔgɔtɔɔrɔko dabila, ka kotilennin ni kobɛnnin kɛ. Aw kana ne ka mɔgɔw bololafɛnw bɔsi tugu. Ne Matigi, Masaba le ko ten.

Sarakalasebagaw 19:15

«Aw kana kiti tigɛ tilenbaliya la. Aw kana ben mɔgɔ wɛrɛ kan ka fantan dɛmɛ cogo bɛnbali la a ka fantanya kosɔn. Aw kana tiɲɛ di faama ma a ka faamaya kosɔn. Aw ka kiti tigɛ ni tilenninya ye.

Sarakalasebagaw 25:36

I kana tɔnɔ ɲini a fɛ cogo si la, nga i ka siran i ka Ala ɲa, janko i balima ka se ka to aw cɛma.

Matiyu 18:17

N'a ma sɔn olu ka fɔta ma, i k'o koo fɔ Ala ka jama ye. N'a ma sɔn olu ka fɔta ma fana, i k'a jati Alalɔnbali, walima lɛnpominɛla ye.

Kor 2nan 5:16

O la, an te mɔgɔ si jati adamadenw ka jaticogo la tugu. Hali n'an tun ye Krista lɔn ten, sisan an t'a lɔn o cogo la tugu.

Galasikaw 2:11

Piyɛri nana Antiyɔsi tuma min na, ne y'a jalaki mɔgɔ bɛɛ ɲana, bari a tun ye koo dagabali le kɛ.

Tim fɔlɔ 5:20

Ni mɔgɔ min ye hakɛ kɛ, i k'o tigi jalaki mɔgɔ bɛɛ ɲana waasa ni tɔɔ nunu y'o ye, olu be siran.

Tite 2:15

I ka kan ka mɔgɔw kalan, k'u ladi, k'u filiyɔrɔ fɔ u ye ni kuntigiya ye ten. Kan'a to mɔgɔ si k'i dɔgɔya fana.