Nehemi 5:12 - ALA KA KUMA

¹² U y'a fɔ k'olu ben'a kɔsegi k'o d'u ma, k'u tena foyi ɲininga u fɛ, ko ne ye fɛɛn min fɔ, k'u bena o kɛ. O kɔ, ne ye sarakalasebagaw wele, n ye mɔgɔ nunu wajibiya, u kalila olu ɲana k'olu ben'a kɛ ten.

Jula NT of Côte d’Ivoire

¹² O ka ne jaabi ko: «I ka min fɔ, an bɛna a kɛ ten. An bɛna o borofɛnw sekɔ o ma; an fana tɛna tɔnɔ foyi ɲini o fɛ tuun.» O ra, ne ka sarakalasebagaw wele; ne k’a fɔ ko o mɔgɔw ye kari sarakalasebagaw yɛrɛ ɲa na, ko o ka min fɔ, ko o bɛna a kɛ ten.

Nehemi 5:12 Iomraidhean Croise

Ɛsidarasi 10:12

Jama bɛɛ y'a fɔ belebele ko: «Tiɲɛ b'i fɛ! An ka kan k'i ka fɔta kɛ.

Ɛsidarasi 10:5

O tuma na, Ɛsidirasi wilila k'a ɲini sarakalasebagaw kuntigiw ni Levi kɔmɔgɔw, ani Isirayɛlidenw bɛɛ fɛ k'u ka kali ka kɛɲɛ n'o kuma ye k'u bena o kɛ. U kalila.

Nehemi 10:29

Jama tɔɔ, sarakalasebagaw ni Levi kɔmɔgɔ tɔw, ani daa kɔlɔsibagaw ni dɔnkilibagaw, ani Ala ka soo kɔnɔ baarakɛlaw, ani mɔgɔ minw bɛɛ faranna ka bɔ siya wɛrɛw la ka nɔrɔ Ala ka sariya la, u ka musow fara u dencɛw n'u denmusow kan, mɔgɔ o mɔgɔ tun be se ka koo faamu,

Nehemi 10:30

olu bɛɛ tugura u badenw kɔ u jigi be minw kan. U ye layidu ta ka kali k'u bena taama ka kɛɲɛ ni Ala ka sariya ye a ye min di a ka baarakɛla Musa barika la, ka Masaba, an Matigi ka sariyaw, n'a ka fɔta bato ka ɲa.

Nehemi 10:31

An b'an daa di ko an tena sɔn k'an denmusow di jamana nin kɔnɔ siyaw ma, an fana tena sɔn an dencɛw b'u denmusow furu.

Nehemi 13:25

Ne y'u jalaki, k'u danga, n yɛrɛ ye dɔw bugɔ, ka dɔw kunsigi bɔnbɔn yɛrɛ. N y'a kɛ u kalila ni Ala tɔgɔ ye k'u tena sɔn u denmusow be furu siya wɛrɛ nunu dencɛw fɛ, ani k'u tena sɔn fana ka siya wɛrɛ nunu denmusow furu n'u dencɛw fana.

Nehemi 5:11

Bii yɛrɛ aw ye fɛɛn minw minɛ u fɛ, aw k'o segi u ma, u ka ɛrɛzɛnforo ni olivuforow n'u ka foro tɔw, n'u ka soow. Aw ye wari ni dumuni, ani duvɛnkɛnɛ ni tulu minw minɛ u fɛ k'o kɛ aw ka tɔnɔ ye, aw ka olu fana kɔsegi u ma.»

Matiyu 26:63

Nga Yezu jera, a ma foyi fɔ. Sarakalasebagaw kuntigiba y'a fɔ a ye ko: «Ni ele lo ye Ala ka Mɔgɔ wolomanin, ni Ala Dencɛ ye, a fɔ an ye Ala kosɔn.»

Luka 19:8

Nga Zase y'a fɔ Matigi ye ko: «Matigi, sisan ne bena n ka nafolo tilancɛ di fantanw ma, ni ne ye mɔgɔ min namara, ne bena o ɲɔgɔn naani segi a tigi ma.»