Nehemi 4:7 - ALA KA KUMA

⁷ O la, kogo yɔrɔ minw jiginin be, n ye mɔgɔ dɔw bɔ k'u lɔ o yɔrɔw kɔfɛ somɔgɔ somɔgɔ, n'u ka murujan n'u ka tamanw n'u ka toonw ye u bolo.

Jula NT of Côte d’Ivoire

⁷ O ra, kogo ka surun fan minw na, ne ka mɔgɔ dɔw lɔlɔ kogo kɔ fɛ o yɔrɔw ra, ani yɔrɔ minw lablanin bɛ. Ne ka o lɔlɔ, gba bɛɛ ni a ta yɔrɔ, ni o ta kɛrɛkɛmuruw ni o ta tamanw ni o ta kalanw ye o boro.

Nehemi 4:7 Iomraidhean Croise

Damina 3:15

Ne bena e ni muso kɛ ɲɔgɔn juguw ye, k'i deenw n'a taw kɛ ɲɔgɔn juguw ye. Muso ka deen bena i kungolo ɲɔɲɔ, i ben'a cin a seen na.»

Mas 2nan 24:2

Masaba y'a to kɛlɛden dɔw bɔra Babilɔni jamana na, dɔw bɔra Siri jamana na, ani dɔw bɔra mowabuw fɛ ni amoniw fɛ ka na Yoyakimu kama, janko ka mara nin halaki, ka kɛɲɛ ni ale Masaba ka kuma ye, a ka baarakɛlaw, kiraw tun ye min fɔ.

Lok 2nan 20:1

O kɔ, mowabuw ni amoniw, ani mawoni dɔw nana k'u be Zozafati kɛlɛ.

Ɛsidarasi 5:8

An b'a fɔ e masacɛ ye ko an tagara Zuda mara la, Ala min ka bon, ale ka soo yɔrɔ la. U b'a lɔra ni kabakurubabaw ye, ani u b'a la ka lɔgɔw yɛrɛ don kogow la. U b'u sɔbɛ don u ka baara la, a fana be ɲana kosɔbɛ.

Nehemi 2:10

Sanbala ka bɔ Oronayimu, ale ni Tobiya, min ye amoni ye n'a be masacɛ ka baara la, olu y'a mɛn tuma min na ko mɔgɔ dɔ be yen min be Isirayɛlidenw ka hɛrɛ ɲini dɔrɔn, o ma diya u ye fewu.

Nehemi 2:19

Sanbala ka bɔ Oronayimu, ni Tobiya, min ye amoni ye n'a be masacɛ ka baara la, ani arabucɛ Gɛsɛmu, olu y'an koo mɛn dɔrɔn, u yɛlɛla an ma, k'an lɔgɔbɔ. U y'a fɔ ko: «Aw be mun le kɛra yan? Aw be murutira masacɛ ma wa?»

Nehemi 4:1

Tuma min na Sanbala ni Tobiya, ani arabuw, ni amoniw ani Asidɔdikaw y'a mɛn ko kogo nin lalagabaara be tagara ɲa ani ko yɔrɔ minw tun benna, k'olu daminɛna ka tugu, u dimina kosɔbɛ.

Nehemi 4:6

Zuwifu minw siginin be n'u ye, olu nana k'an lasɔmi siɲɛ tan ko u bena bɔ u sigiyɔrɔ bɛɛ la ka na an kama.

Nehemi 4:8

Ne y'o filɛ ka ban dɔrɔn, ne y'a fɔ ɲamɔgɔw ni kititigɛlaw, ani jama tɔɔ ye ko: «Aw kana siran u ɲa! Aw k'aw hakili jigi Matigi ka koo la. A ka bon, mɔgɔ ka kan ka siran ale lo ɲa, aw ka kɛlɛ kɛ aw badenw n'aw dencɛw n'aw denmusow, n'aw ka musow n'aw ka somɔgɔ tɔw kosɔn.»

Nehemi 6:16

Tuma min na an juguw bɛɛ y'o mɛn, siya wɛrɛ minw tun siginin be k'an lamini, olu siranna, ka tigɛ u yɛrɛ la. U tun y'a lɔn ko baara nin kɛra an ka Ala sago le barika la.

Yeremi 25:20

ni siya ɲagamininw bɛɛ, ni Usi jamana masaw bɛɛ, ni Filisi jamana taw bɛɛ: minw be Asikalɔn, ni Gaza, ani Ekurɔn, ni mɔgɔ tɔɔ min tora Asidɔdi kɔnɔ,

Yeremi 41:10

Yisimayɛli ye Misipa dugu kɔnɔ mɔgɔ tɔw bɛɛ minɛ ka taga n'u ye: masacɛ denmusow, ani mɔgɔ minw bɛɛ tun tora Misipa kɔnɔ, masacɛ kɔlɔsibagaw kuntigi Nebuzaradan tun ye minw kalifa Ayikamu dencɛ Gedaliya ma. A y'u bɛɛ minɛ ka taga n'u ye amoniw fɛ.

Amɔsi 1:13

Masaba ko: «Amoniw ye kojugu caaman minw kɛ, u ye kojugu naani minw kɛ, ne tena o yafa. Bari, u ye Galaadi mara muso kɔnɔmanw kɔnɔ faran, waasa u ka mara ka boɲa.

Amɔsi 1:8

Ne bena Asidɔdi masacɛ halaki, n bena Asikalɔn dugutigi faga. N bena wili Ekurɔnkaw kama. Filisi minw tun kisira, ne bena olu halaki.» Matigi, Masaba le ko ten.

Amɔsi 3:9

Aw k'a wango la Asidɔdi masaluw kɔnɔ, ani Ezipiti jamana masaluw kɔnɔ k'u ka na lajɛn Samari kuluw kan! Ɲagamini min be dugu kɔnɔ, u k'o filɛ, fariya min be yen, u k'o ye.

Kɛwalew 5:33

Cidenw ka kuma nunu ye kititigɛlaw dusu gwan fɔɔ u y'a fɔ k'u ka kan ka faga.

Yirari 12:17

Sogojugu nin tun te sera ka muso nin sɔrɔ minkɛ, a dimina a kɔrɔ kosɔbɛ, ka kɛlɛ nin yɛlɛma k'a sin a deenw ma, minw be Ala ka kuma batora n'u sɔnnin be Yezu ka kuma ma.

Sam fɔlɔ 11:2

Nga a y'u jaabi ko sanni ale ka sɔn ka teriya nin don n'u ye, k'u ka sɔn ale b'u kelen kelen bɛɛ kinibolo ɲaden cici, k'o la, ale bena Isirayɛlidenw bɛɛ maloya.