Nehemi 4:1 - ALA KA KUMA

¹ Tuma min na Sanbala ni Tobiya, ani arabuw, ni amoniw ani Asidɔdikaw y'a mɛn ko kogo nin lalagabaara be tagara ɲa ani ko yɔrɔ minw tun benna, k'olu daminɛna ka tugu, u dimina kosɔbɛ.

Jula NT of Côte d’Ivoire

¹ Nka wagati min Sanbala ni Tobiya ni Arabuw ni Amɔnkaw ni Azidɔdikaw nana a mɛn ko Zeruzalɛmu dugu laminikogo lɔri bɛ tagara ɲa, ani ko a wow bɛ datugura, o dimina kosɛbɛ.

Nehemi 4:1 Iomraidhean Croise

Nehemi 13:28

Sarakalasebagaw kuntigi Eliyasibu deen Yoyada dencɛw dɔ tun kɛra Oronayimuka Sanbala birancɛ ye. O la, ne y'ale gwɛn ka taga yɔrɔjan.

Nehemi 2:10

Sanbala ka bɔ Oronayimu, ale ni Tobiya, min ye amoni ye n'a be masacɛ ka baara la, olu y'a mɛn tuma min na ko mɔgɔ dɔ be yen min be Isirayɛlidenw ka hɛrɛ ɲini dɔrɔn, o ma diya u ye fewu.

Nehemi 2:19

Sanbala ka bɔ Oronayimu, ni Tobiya, min ye amoni ye n'a be masacɛ ka baara la, ani arabucɛ Gɛsɛmu, olu y'an koo mɛn dɔrɔn, u yɛlɛla an ma, k'an lɔgɔbɔ. U y'a fɔ ko: «Aw be mun le kɛra yan? Aw be murutira masacɛ ma wa?»

Nehemi 6:15

Kogo nin lɔbaara banna *Eluli kalo tile mugan ni duurunan loon. A baara bɛɛ lajɛnnin kɛra tile bi duuru ni fila kɔnɔ.

Nehemi 6:16

Tuma min na an juguw bɛɛ y'o mɛn, siya wɛrɛ minw tun siginin be k'an lamini, olu siranna, ka tigɛ u yɛrɛ la. U tun y'a lɔn ko baara nin kɛra an ka Ala sago le barika la.

Yeremi 38:19

Masacɛ Sedesiyasi ye Zeremi jaabi ko: «Zuwifu minw farala Babilɔnikaw kan, ne hakili ɲagaminin lo olu le kosɔn. U kana n don u bolo u be n tɔɔrɔ.»

Matiyu 2:16

*Erɔdi y'a lɔn tuma min na ko lɔnnikɛlaw y'ale janfa, a dimina kosɔbɛ. A y'a ka sɔlidasiw ci Bɛtilehɛmu n'a dafɛ duguw la, ka deen cɛmanw bɛɛ faga minw bɛɛ sii ma tɛmɛ saan fila kan, bari a tun y'a jati ko deen sii ma tɛmɛ o kan, ka kɛɲɛ ni lɔnnikɛlaw ka fɔta ye.

Matiyu 27:29

U ye ŋɔni tigɛ k'o meleke k'o kɛ i n'a fɔ masafugulan, k'a don a kuun na. U ye bere dɔ don a bolo, n'u be to k'u kunbiri gwan a kɔrɔ, ka to ka yɛlɛ a ma, k'a fɔ a ye ko: «I dansɛ, zuwifuw ka masacɛ,»

Kɛwalew 5:17

O la, sarakalasebagaw kuntigiba n'a ka dakɔrɔsigiw minw ye *Saduseɲɛw ye, u bɛɛ dimininba

Heburuw 11:36

Dɔw fana sɔnna dɔgɔya ni bugɔli ma. U ye dɔw siri ni jɔrɔkɔw ye k'u don kaso la.