Nehemi 2:6 - ALA KA KUMA

⁶ O y'a sɔrɔ masacɛ ka muso tun siginin be a gɛrɛfɛ. A y'a fɔ ne ye ko: «I bena mɛn o taama na wa? I bena segi ka na waati jumɛn?» A diyara masacɛ ye, a ye sira di ne ma, n ye waati dɔ fɔ a ye.

Jula NT of Côte d’Ivoire

⁶ Masacɛ ni a ta masamuso tun siginin bɛ ɲɔgɔn kɔrɔ. Masacɛ ka ne ɲininka ko: «O tagama bɛna kɛ tere jori tagama le ye? I bɛna sekɔ wagati juman?» Ne ka ne sekɔwagati yira a ra. O ra, masacɛ sɔnna ka ne bla ka taga.

Nehemi 2:6 Iomraidhean Croise

Nehemi 1:11

Ee! Matigi, mɛnni kɛ i ka baarakɛla ka daali la, n'i ka baarakɛla tɔw ta fana na, a ka di minw ye k'i tɔgɔ boɲa! I ka baarakɛla dɛmɛ bii k'a koo diya cɛɛ nin ye.» O waati la, ne le tun be to ka masacɛ ka minnifɛn d'a ma.

Nehemi 13:6

O kɛwaati la, ne tun te Zeruzalɛmu, bari Babilɔni masacɛ Aritasɛrisɛsi ka masaya saan bi saba ni filanan na, ne tun kɔsegira ka taga masacɛ fɛ. O kɔ, ne ye sira daali a fɛ,

Nehemi 2:4

O kɔ, masacɛ ye n ɲininga ko n be mun le fɛ. Ne ye Sankolotigi Ala daali o yɔrɔnin bɛɛ.

Nehemi 2:5

N ye masacɛ jaabi ko n'a be sɔn, n'a ka baaraden koo diyar'a ye, a ka sira di n ma n ka taga Zuda mara la, n faaw kaburuw be dugu min kɔnɔ, n ka se k'o lalaga k'a lɔ.

Nehemi 5:14

K'a ta loon min na masacɛ Aritasɛrisɛsi ye ne kɛ a ka lasigiden ye u kunna Zuda mara la, a ka masaya saan mugannan na, fɔɔ ka taga se a saan bi saba ni filanan ma, o saan tan ni fila nunu kɔnɔ ne ni n badenw, an ma sɔn ka lasigidenya tɔnɔ minɛ u si fɛ.

Ezayi 58:12

Aw bena tomokɔrɔ lalaga k'a lɔ. Yɔrɔ min cɛnnin tora kabini tumajan, aw bena o wili ka lɔ. U bena aw wele ko kogo cinnin lɔbagaw, minw be na ni hɛrɛ ye bɔlɔnw kɔnɔ.

Ezayi 61:4

Yɔrɔ minw cira kabini fɔlɔfɔlɔ la, boon minw kɛra tomo ye kabini tumajan, u bena olu lɔ. Dugu minw cɛnna, u bena olu lalaga. Minw halakira kabini waatijan.

Ezayi 65:24

Sanni u ka ne wele, o y'a sɔrɔ ne y'u jaabi ka ban. Sanni u ka tila u ka daalili la, o y'a sɔrɔ ne y'u lamɛn ka ban.

Daniyɛli 9:25

Ayiwa, i k'a lɔn k'a faamu ko kabini a fɔra k'u ka Zeruzalɛmu dugu lalaga k'a lɔ, fɔɔ ka na se Ɲamɔgɔba ka waati la, min wolomana, saan wolonwula sigiyɔrɔman wolonwula le bena tɛmɛ. Forobayɔrɔw, ni dingɛw bena lalaga saan bi wɔɔrɔ ni fila sigiyɔrɔman wolonwula kɔnɔ. Nga o bena kɛ gwɛlɛya waati ye.