Nehemi 13:12 - ALA KA KUMA

¹² O kɔ, Zuda mara mɔgɔw bɛɛ nana n'u ka suman ni duvɛnkɛnɛ ani tulu jaka ye k'u bila bondow kɔnɔ.

Jula NT of Côte d’Ivoire

¹² A kɛra ten minkɛ, Zuda mara mɔgɔw bɛɛ nana ni o ta simanw yagaw ye, ani rɛzɛnjikura, ani turu, ka na o bla fɛnmarayɔrɔw ra.

Nehemi 13:12 Iomraidhean Croise

Malaki 3:10

Aw ye na ni jakaw bɛɛ dafaninw ye n batoso nafolo marayɔrɔ la, waasa dumuni ka sɔrɔ n ka soo kɔnɔ. Aw ka ne kɔrɔbɔ ten k'a filɛ. Ne Masaba, Setigi le ko ten. Ni ne tena sankolo dayɛlɛ, n ka hɛrɛ ka jigi aw kan kosɔbɛ.

Nehemi 12:44

O waati la, n ye mɔgɔ dɔw woloma k'u sigi sɛnɛfɛn deen fɔlɔw ni jakamarabonw kunna janko olu ka to k'u kɔlɔsi, u fana ka to ka sarakalasebagaw ni Levi kɔmɔgɔ tɔw niyɔrɔ minɛ Zuda mara duguw kongo kɔnɔ ka kɛɲɛ ni sariya ka fɔta ye. Zuda mara mɔgɔ bɛɛ nisɔn tun ka di sarakalasebagaw ni Levi kɔmɔgɔ tɔw ka baara la,

Sariya 14:22

«Saan o saan, aw bena suman min bɛɛ sɔrɔ aw ka forow kɔnɔ, aw k'o jaka bɔ.

Sarakalasebagaw 27:30

«Dugukolo kan fɛɛnw bɛɛ jaka ye ne Masaba ta ye. Sumanw ta, ni yiridenw ta.

Lok 2nan 31:5

O kuma fɔra dɔrɔn, Isirayɛlidenw nana n'u ka sɛnɛfɛn deen fɔlɔw ye, ani duvɛnkɛnɛ, ni tulu, ani lii, ni foro kɔnɔ fɛɛn fɔlɔw bɛɛ ye caaman. U nana n'u ka fɛɛnw bɛɛ jaka ye fɔɔ o cayara.

Malaki 3:8

Adamaden be se ka Ala namara wa? K'a sɔrɔ aw be ne namara. Nga aw b'a fɔ ko: ‹An b'i namara cogo di?› Aw be n namara jaka ni sarakaw la.

Lok 2nan 31:4

A y'a fɔ Zeruzalɛmukaw ye ko u ka sarakalasebagaw ni Levi kɔmɔgɔ tɔw niyɔrɔ d'u ma janko u ka se k'u yɛrɛ di Masaba ka sariya koow la.