Nehemi 1:9 - ALA KA KUMA

⁹ Nga n'aw kɔsegira ka nimisa, ani ka ne ka sariyaw bato, hali n'aw tun jɛnsɛnna ka taga yɔrɔ o yɔrɔ diɲɛ na, ne bena aw minɛ ka bɔ o yɔrɔ la, ka na aw lajɛn yan, ne ye yɔrɔ min woloma k'a kɛ n sigiyɔrɔ ye.›

Jula NT of Côte d’Ivoire

⁹ Nka ni aw sekɔra ka na ne fɛ, ka ne ta kumaw lamɛn, k’a sira tagama, o tuma hali ni a kɛra ko aw ta mɔgɔw tagara fɔ dunuɲa dan le ra, ne bɛna o lana ka bɔ o yɔrɔ ra ka na ni o ye nin yɔrɔ ra, ne ka nin yɔrɔ min ɲanawoloma, k’a kɛ ne tɔgɔ sigiyɔrɔ ye.›

Nehemi 1:9 Iomraidhean Croise

Mas fɔlɔ 8:48

k'u to u jugu nunu ka jamana kɔnɔ, u y'u minɛ ka taga n'u ye min kɔnɔ k'u kɛ jɔɔnw ye, n'u nimisara ka kɔsegi e ma n'u dusu bɛɛ ye k'i daali, k'u ɲaa sinnin to u ka jamana ma, i ye min di u faaw ma, k'u ɲaa sin i ka dugu wolomanin ma, ani ne ye soo min lɔ i ye,

Mas fɔlɔ 9:3

Masaba y'a fɔ a ye ko: «I ye daalili min kɛ, ne y'o mɛn. I ye soo min lɔ, ne y'o kɛ n ta ye janko ne ka to a kɔnɔ tuma bɛɛ. Ne bena n hakili to a la tuma bɛɛ k'a koo to n kɔnɔ.

Lok fɔlɔ 16:35

Aw k'a fɔ ko: «An Kisibaga Ala, an kisi, an bɔsi ka bɔ siya wɛrɛ nunu cɛma, an lajɛn janko an ka se ka barika la i ye, ani k'i tɔgɔ senuman tanu.»

Ɛsidarasi 6:12

Masacɛw, walima siya minw b'a fɛ ka sariya nin cɛn, walima ka Ala ka soo nin ci Zeruzalɛmu, Ala min b'a yɛrɛ yira o yɔrɔ la, ale ka olu halaki. Ne Dariyusi le y'o sariya sigi. U k'a kɛ ka kɛɲɛ n'a cogo ye.»

Zaburu 106:47

Masaba an ka Ala, e k'an kisi. An bɔsi siya wɛrɛw bolo k'an lajɛn, janko an k'i tanu ka boɲa la i tɔgɔ senuman kan.

Zaburu 107:3

A y'u lajɛn ka bɔ jamanaw bɛɛ la, kɔrɔn fɛ taw ni tileben taw, ani kɔgɔdugu ni worodugu taw.

Zaburu 147:2

Masaba be Zeruzalɛmu dugu lɔra tugu. Isirayɛliden minw tun minɛna ka taga, a be olu lajɛnna.

Ezayi 11:12

A bena taamasiɲɛ kɔrɔta siya wɛrɛw ye. Isirayɛli mɔgɔ minw tun minɛna ka taga, a bena olu lajɛn. Zuda mara mɔgɔ minw jɛnsɛnnin be diɲɛ faan bɛɛ la, a ben'u bɔ yen k'u lajɛn.

Ezayi 27:12

O loon na, Masaba bena dugukolo yuguyugu k'a ta Efarati bada la ka n'a bila Ezipiti kɔda la. A bena aw Isirayɛlidenw tɔmɔ yen kelen kelen.

Ezayi 56:8

Isirayɛliden minw minɛna ka taga, Matigi, Masaba min ye olu lajɛnbaga ye, ale ko: «Ne y'u dɔw lajɛn ka ban, ne bena u dɔw lajɛn tugu.»

Yeremi 12:15

Nga o kɔfɛ, n bena makari u la tugu, ka segi n'u kelen kelen bɛɛ ye u ka yɔrɔw la, k'u ka cɛɛn sɔrɔ.

Yeremi 3:14

«Deen tilenbali nunu! Aw ye sɔn ne ma. Ne Masaba le ko ten. Bari, ne le ye aw tigi ye. Ne bena mɔgɔ kelen bɔ dugu dɔ la, ka fila bɔ fadenyabolo dɔ la, ka na n'aw ye *Siyɔn dugu kɔnɔ.

Yeremi 31:10

Siya wɛrɛw ka mɛnni kɛ Masaba ka kuma na. A ka fɔ jidala jamanajanw na ko: ‹Min ye Isirayɛlidenw jɛnsɛn, ale lo bena u lajɛn. A bena u kɔlɔsi i ko begɛndɛndɛbaga b'a ka begɛnw kɔlɔsi cogo min na.›

Yeremi 32:37

‹Ne bena na u lajɛn ka bɔ jamanaw bɛɛ kɔnɔ ne tun y'u gwɛn ka taga minw kɔnɔ n dimikojugu fɛ. Ne ben'a kɛ u be segi yan yɔrɔ la ka sigi hɛrɛ la.

Yeremi 6:22

Masaba ko: «Siya dɔ natɔ filɛ nin ye ka bɔ kɔgɔdugu ɲafan fɛ. Siyaba lo, u wilila ka bɔ diɲɛ daan na.

Ezekiyɛli 14:6

O kosɔn, i k'a fɔ Isirayɛlidenw ye ko ne Matigi, Masaba ko: ‹Aw ye kɔsegi ka na! Aw k'aw ka joow to yen k'aw ka kokolonw bɛɛ dabila!›

Ezekiyɛli 36:24

Ne bena aw bɔ siya wɛrɛw cɛma, jamanaw bɛɛ la, k'aw lajɛn, k'aw segi aw yɛrɛ ka jamana na.

Sarakalasebagaw 26:3

«Ni aw ye ne ka fɔta bato ka banba ka ne ka kuma bato,

Jakariya 8:7

Masaba, Setigi ko: «Ne bena n ka mɔgɔw kisi ka bɔ kɔrɔn fɛ jamanaw, ni tileben fɛ jamanaw na.

Matiyu 24:31

A ben'a ka mɛlɛkɛw ci ni buru fiyɛta belebele ye. A ye mɔgɔ minw woloma k'u kɛ a taw ye, u bena taga diɲɛ faan bɛɛ la k'olu lajɛn.

Sariya 12:21

Masaba aw ka Ala bena yɔrɔ min woloma k'a tɔgɔ la a kan, n'aw ka sigiyɔrɔ ka jan o yɔrɔ la, aw be se ka daba, walima begɛnmisɛnw dɔ faga, Masaba bena minw di aw ma. Aw k'o kɛ i ko ne y'a fɔ aw ye cogo min na, k'o sogo ɲimi aw ka dugu kɔnɔ aw sago la.

Sariya 12:5

Nga Masaba bena yɔrɔ min woloma aw ka sigiyɔrɔ la, janko a ka sigi yen, aw ka kan ka taga o yɔrɔ le la.

Sariya 30:1

«Ne ye duba ni danga minw bɛɛ fɔ aw ye, n'o koow bɛɛ kɛra aw la tuma min na, Masaba aw ka Ala y'aw yɛrɛkɛ siya wɛrɛw cɛma yɔrɔ min na, aw bena miiri o la.