Nehemi 1:6 - ALA KA KUMA

⁶ E k'an filɛ k'i tulo malɔ, ka mɛnni kɛ i ka baarakɛla ka daali la, ne be min kɛ suu fara tile kan, Isirayɛlidenw kosɔn minw ye i ka baarakɛlaw ye. An Isirayɛlidenw ye kojugu minw kɛ k'i hakɛ ta, ne be olu yafa daali i fɛ, ne ni n bɛmaw ye minw kɛ.

Jula NT of Côte d’Ivoire

⁶ Sabari ka i toro malɔ, ka i janto ne ra, ka i ta jɔncɛ ta daariri lamɛn, sabu ne bɛ i daarira su ni tere i ta jɔnw ye, minw ye Izirayɛlimɔgɔw ye. Izirayɛlimɔgɔw ka jurumun minw kɛ, ani ne yɛrɛ ni ne ta somɔgɔw ka jurumun minw kɛ ka i hakɛ ta, ne lɔra o jurumunw bɛɛ ra.

Nehemi 1:6 Iomraidhean Croise

Mas fɔlɔ 8:30

N'i ka baarakɛla an'i ka jama Isirayɛli y'u ɲaa sin yɔrɔ nin ma k'i daali, i k'u lamɛn. K'i to i sigiyɔrɔ la sankolo kɔnɔ, i ka mɛnni kɛ, ka yafa.

Mas fɔlɔ 8:47

k'u to jamana nin na, u minɛna ka taga min na, n'u nimisara ka hakɛto daali i fɛ k'a fɔ ko: ‹An ye hakɛkɛlaw ye, an ye kodagabali kɛ, an jalakinin lo,›

Lok 2nan 28:10

Sisan a b'aw kɔnɔ k'aw balima Zeruzalɛmukaw ni Zuda mara mɔgɔ tɔw kɛ aw ka jɔɔnw ye! Yala aw fana jalakinin tɛ Masaba aw ka Ala ɲakɔrɔ wa?

Lok 2nan 29:6

An faaw tilennin tun tɛ, u ye kojugu kɛ Masaba an ka Ala ɲakɔrɔ ka ban a ma. U ma janto Masaba ka sigiyɔrɔ la, k'u kɔɔ sin Masaba ma.

Lok 2nan 6:40

Sisan ne ka Ala, i ɲaa yɛlɛnin ka mɛnni kɛ daalili la min kɛra yan yɔrɔ la.

Ɛsidarasi 10:1

Ɛsidirasi y'a kunbiri gwan Ala ka soo ɲafɛ ka to ka kasi n'a b'u ka kojuguw fɔra, ka Ala daali. O waati la, Isirayɛliden caaman nana ɲɔgɔn lajɛn a gɛrɛfɛ, cɛɛw ni musow ani denmisɛnw. U tun be kasira kosɔbɛ.

Ɛsidarasi 10:11

Sisan aw k'o kojugu nunu fɔ Masaba, aw faaw ka Ala ye, ani k'a sago kɛ. Aw ka faran ka bɔ jamana nin kɔnɔ siyaw, n'u ka musow la.»

Nehemi 1:11

Ee! Matigi, mɛnni kɛ i ka baarakɛla ka daali la, n'i ka baarakɛla tɔw ta fana na, a ka di minw ye k'i tɔgɔ boɲa! I ka baarakɛla dɛmɛ bii k'a koo diya cɛɛ nin ye.» O waati la, ne le tun be to ka masacɛ ka minnifɛn d'a ma.

Zaburu 102:17

tuma min na Masaba bena Siyɔn lɔ tugu, a bena ye a ka nɔɔrɔ la.

Zaburu 106:6

An ye kojugu kɛ i ko an faaw. An filila, an jalakinin lo.

Zaburu 130:2

Mɛnni kɛ ne fɛ, Matigi. I tulo malɔ ne daalikan na.

Zaburu 32:5

Ne kɔni ma n ka fili dogo, ne ye n ka kojugu fɔ i ye. Ne y'a fɔ ko: «Ne bena n ka kojugu fɔ Matigi ye.» E ye ne ka kojugu kunko bɔ ne kan.

Zaburu 34:15

A ka kojugu dabila ka koɲuman kɛ, ka banba ka hɛrɛ ɲini.

Zaburu 55:17

Ne be dɛmɛ ɲini Ala fɛ, Masaba bena ne kisi.

Zaburu 88:1

Kore kɔmɔgɔw ka dɔnkili dɔ. Dɔnkililabagaw kuntigi ka dɔnkili. A be la dusukasi tuma na. Eziraka Eman ka dɔnkili dɔ lo.

Ezayi 6:5

Ne y'a fɔ ko: «Bɔnɛ ye ne ta ye! Ne ta cɛnna! Bari, ne ye mɔgɔ min ye, n daa ma ɲi. Ne be mɔgɔ minw cɛma, olu fana daa ma ɲi. Ani ne ɲaa lara Masa kan, Masaba, Setigi kan.»

Kasikan 5:7

An faaw le ye kojugu kɛ, olu te yen bii, anw le b'u kunko ɲunna.

Daniyɛli 9:15

Sisan, Matigi an ka Ala, ele min y'i ka jama bɔ Ezipiti jamana na n'i bolo barikaman ye k'i tɔgɔ boɲa i n'a fɔ a be cogo min na halibi, anw ye hakɛ kɛ. An filila.

Daniyɛli 9:20

Ka n to kuma na daalili la, n tun be lɔ n ka hakɛ, ni n ka jama Isirayɛli ta la, ka to ka Masaba, n ka Ala daali kulu nin kosɔn min ye a ta ye.

Daniyɛli 9:4

Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Daniyɛli 9:5

An ye hakɛ kɛ. An filila, an fariyara, an murutira i ma. An banna i ka sariyaw, n'i ka fɔta ma.

Daniyɛli 9:8

Tiɲɛ na Masaba, maloya ye an ta ye, ani an ka masaw, n'an ɲamɔgɔw n'an bɛmaw ta ye, bari an y'i hakɛ ta.

Luka 18:7

Ayiwa, Ala ye minw woloma k'u kɛ a ta ye, ni olu be dɛmɛ ɲini a fɛ suu ni tile, yala a bena mɛn k'u dɛmɛ wa?

Luka 2:37

A tora firiya la fɔɔ a sii nana se saan bi seegi ni naani ma. Tuma o tuma a tun be to ka taga Alabatosoba kɔnɔ. A tun be suun don ka Ala daali tuma bɛɛ. O cogo la, a tun be Ala bato suu ni tile.

Ɛfɛsikaw 2:3

An fana, an bɛɛ tun kɛra i ko olu, an tun b'an ta farisogo nigɛlakow fɛ, k'a sago kɛ, ani k'an yɛrɛ ka miiriya kɛ. Ka kɛɲɛ n'an cogo ye, Ala tun be dimi an kɔrɔ i n'a fɔ tɔw fana.

Tim fɔlɔ 5:5

Min kɛra firiyamuso ye sɔbɛ la, mɔgɔ te a fɛ ka janto a la, ale b'a jigi bɛɛ la Ala kan. A be Ala daali ka dɛmɛ ɲini suu fara tile kan.

Tim 2nan 1:3

Ne be barika la Ala ye, ne be baara kɛ min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne be to ka Ala daali i ye suu ni tile.

Zan fɔlɔ 1:9

Nga n'an sɔnna ka lɔ an ka hakɛw la, o tuma na, an be se k'an jigi la Ala kan a ka kantigiya n'a ka tileniya kosɔn. A bena an ka hakɛw yafa k'an saniya an ka tilenbaliyakow bɛɛ la.

Sam fɔlɔ 15:11

«Ne ye Sayuli kɛ masacɛ ye. Ne be nimisa n'o ye, bari a y'a kɔɔ sin ne ma, a te ne ka kuma batora.» O digira Samuyɛli la. A ye Masaba daali fɔɔ ka dugu gwɛ.