Nehemi 1:5 - ALA KA KUMA

⁵ «Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Jula NT of Côte d’Ivoire

⁵ Ne ko: «E, Matigi Ala, sankolo tigi Ala, i ka bon, i ye siranyafɛnba le ye. Ele le bɛ to i ta jɛnɲɔgɔnya ra, ka koɲuman kɛ i kanubagaw, ani i ta kuma siratagamabagaw ye.

Nehemi 1:5 Iomraidhean Croise

Mas fɔlɔ 8:23

«Masaba, Isirayɛli ka Ala, batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka ɲumanya kɛ i ka baarakɛlaw ye, minw b'i sago kɛ.

Lok fɔlɔ 17:21

Siya wɛrɛ be yen dugukolo kan tugu min be i n'a fɔ i ka jama Isirayɛli wa? Siyaw cɛma, ele, olu ka Ala dɔrɔn y'u kunmabɔ, k'u kɛ e yɛrɛ taw ye, janko i tɔgɔ ka se ka bɔ. O la, e ye kabakobabaw kɛ u ka jamana ye. Siya wɛrɛ be yen tugu min be i ka siya nin bɔ wa? I ye min bɔ Ezipiti jamana na, o yɔrɔ siya bolo.

Ɛsidarasi 1:2

«Pɛrɛsi masacɛ Sirusi le ye kuma nin fɔ ko: ‹Masaba, Sankolotigi Ala ye ne kɛ masa ye jamana bɛɛ kunna, ale yɛrɛ fana le y'a ɲini ne fɛ ko n ka ta'a batoso lɔ Zeruzalɛmu, Zuda mara la.

Nehemi 2:4

O kɔ, masacɛ ye n ɲininga ko n be mun le fɛ. Ne ye Sankolotigi Ala daali o yɔrɔnin bɛɛ.

Nehemi 4:14

N'aw ye buru kaan mɛn k'aw to yɔrɔ o yɔrɔ, aw ye na ɲɔgɔn lajɛn an gɛrɛfɛ buru fiyɛyɔrɔ la. An ka Ala bena an dɛmɛ ka kɛlɛ kɛ!»

Nehemi 4:8

Ne y'o filɛ ka ban dɔrɔn, ne y'a fɔ ɲamɔgɔw ni kititigɛlaw, ani jama tɔɔ ye ko: «Aw kana siran u ɲa! Aw k'aw hakili jigi Matigi ka koo la. A ka bon, mɔgɔ ka kan ka siran ale lo ɲa, aw ka kɛlɛ kɛ aw badenw n'aw dencɛw n'aw denmusow, n'aw ka musow n'aw ka somɔgɔ tɔw kosɔn.»

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Zaburu 47:2

Jama, aw bɛɛ ka tɛgɛrɛ fɔ. Aw ka Ala tanu ni nisɔndiyapɛrɛnkan ye.

Zaburu 76:8

Ele le ye siranyafɛn ye. Ni ele dimina, jɔn be se ka lɔ i ɲa?

Zaburu 89:2

Ne bena Masaba ka koɲuman fɔ dɔnkili la tuma bɛɛ. Ne bena e ka kantigiya fɔ waati nata mɔgɔw ye.

Zaburu 89:3

Ne ko e ka ɲumanya ye tuma bɛɛ koo ye, e b'i ka kantigiya yira sankolo la.

Zaburu 89:8

Ala ye siranyafɛn ye sankololafɛnw cɛma. Siranyafɛn lo ka tɛmɛ a laminifɛnw bɛɛ kan.

Bɔri 20:6

Nga minw be ne kanu ka ne ka kuma mara, ne be makari olu kɔmɔgɔw la fɔɔ *filankuru caaman.

Sariya 7:12

N'aw ye aw tulo malɔ landa nunu na, k'o bato ka ɲa, Masaba aw ka Ala ben'a ka layidu dafa, a ye min ta aw bɛmaw ye ani ka ɲumanya kɛ aw ye.

Sariya 7:21

Aw jaa kana tigɛ u kama bari Masaba aw ka Ala be n'aw ye, see b'a ye, siranyafɛn lo.

Sariya 7:9

«Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.