Nehemi 1:2 - ALA KA KUMA

² ne baden kelen nana, ka bɔ Zuda mara la. O tun ye Anani ye, ale ni mɔgɔ dɔw. Ne y'u ɲininga Zeruzalɛmu koo la, ani zuwifuw ka koo la fana, minw bɔra jɔnya la ka taga yen.

Jula NT of Côte d’Ivoire

² Hanani, min ye ne balema dɔ ye, ale ni mɔgɔ dama dama bɔra Zuda mara ra, ka na. Yahudiya tɔ minw tora yi, o mɔgɔ minanin minw tun sekɔra ka taga Zuda mara ra, ne ka o ɲininka olugu ko ra, ani Zeruzalɛmu dugu cogo ra.

Nehemi 1:2 Iomraidhean Croise

Damina 14:10

O y'a sɔrɔ u tun ye bɔgɔmana bɔ Sidimu kɔkɛnɛ na, o dingɛw tun ka ca yen. Sodɔmu masacɛ ni Gɔmɔri masacɛ bolila ka taga ben o kɔnɔ, tɔw bolila ka taga kuluw yɔrɔ la.

Mas 2nan 24:14

A ye Zeruzalɛmu dugu mɔgɔw bɛɛ cɛ ka taga n'u ye, ɲamɔgɔw bɛɛ, ani mɔgɔbabaw bɛɛ. Mɔgɔ minw minɛna ka taga, olu tun be mɔgɔ waa tan (10 000) bɔ, bololabaarakɛlaw ni konnigɛdilanbagaw niin te o la. A tun ye jamana dɛsɛbagatɔw dama le to yen.

Mas 2nan 25:12

A ye jamana dɛsɛbagatɔ dɔw to yen, olu ka ɛrɛzɛnforow ni foro tɔw sɛnɛ.

Ɛsidarasi 9:14

An bena to k'i ka sariyaw cɛn halibi tugu wa? Ka to ka nɔrɔ siya nɔgɔnin nunu na furu la wa? E tena na dimi an kɔrɔ fɔɔ k'an bɛɛ halaki, hali an tɔɔ yɛrɛ tena to wa?

Nehemi 7:2

N ye dugu kalifa n baden Anani ma, ani masadugu kuntigi Ananiya, min ye mɔgɔtilennin ye, n'a be siran Ala ɲa ka tɛmɛ mɔgɔ caaman kan, n y'a koo don olu le bolo.

Yeremi 44:14

Zuda mara mɔgɔ tɔɔ minw tora n'u nana sigi Ezipiti jamana kɔnɔ, olu si tena bɔ, u si tena to nii la ka segi ka taga sigi Zuda mara la, min ka di u ye haali! Mɔgɔ damani dɔrɔn le bena kɔsegi yen.»

Ezekiyɛli 6:9

Aw tɔɔ min bena to, o bena miiri ne la k'u to jamana wɛrɛw la, u minɛna ka taga minw kɔnɔ. U hakili bena jigi ne la. U hakili bena to a la k'u ye kakalaya kɛ, k'u ka miiriya bɔ ne kan, k'a sin u ka joow ma. U nigɛ bena bɔ u yɛrɛ la u ka kojugu kɛninw bɛɛ kosɔn.

Ezekiyɛli 7:16

Mɔgɔ minw kisira, olu bena boli i ko tubaninw ka taga kuluw yɔrɔ la. U kelen kelen bɛɛ bena ŋunan u ka kojuguw kosɔn.