Matiyu 9:2 - ALA KA KUMA

² O yɔrɔ la, mɔgɔ dɔw tagara Yezu fɛ ni muruku dɔ ye dilan kan. Yezu y'a ye k'o mɔgɔw lara ale la minkɛ, a y'a fɔ muruku nin ye ko: «N teri, kana i jigi tigɛ. I ka hakɛw yafara.»

Jula NT of Côte d’Ivoire

² A sera minkɛ, mɔgɔ dɔw ka murugu dɔ ta ni a ta lanan ye ka na ni a ye a fɛ. Yesu k’a ye ko o mɔgɔw tun lara ale ra minkɛ, a ko murugu ma ko: «Ne dencɛ, i jigi kana tigɛ, i ta jurumunw yafara i ma.»

LAYIDUKURA

² O yɔrɔ la, mɔgɔ dɔw taara Yezu fɛ ni muruku dɔ ye dilan kan. Yezu y'a ye k'o mɔgɔw lara ale la minkɛ, a y'a fɔ muruku nin ye ko: “N teri, kana i jigi tigɛ. Ne y'i ka kojuguw yafa.”

Matiyu 9:2 Iomraidhean Croise

Waajurikɛbaga 9:7

Ayiwa, i ka dumuni kɛ nisɔndiya la, i nisɔn diyanin k'i ka minni kɛ. Bari Ala sɔnna i ka baaraw ma ka ban.

Ezayi 44:22

Ne y'aw ka kojuguw tunu i ko sɔgɔma burun. Aw ka segi ne ma, bari, ne y'aw kunmabɔ.»

Matiyu 14:27

O yɔrɔnin bɛɛ, Yezu kumana u fɛ k'a fɔ ko: «Aw k'aw jaa gwɛlɛya, ne lo, aw kana siran.»

Matiyu 4:24

Yezu tɔgɔ bɔra u ka mara bɛɛ la fɔɔ ka taga se Siri jamana na. O la, mɔgɔw tun be taga sɛgɛrɛ n'u ka banabagatɔw bɛɛ ye: jinatɔw, ni kirikirimasiɲɛtɔw ani namaraw Yezu tun b'u kɛnɛya.

Matiyu 6:12

I k'an ka filiw yafa an ma i ko an fana be yafa tɔw ma cogo min na n'u filila anw ma.

Matiyu 8:10

Yezu y'o kuma mɛn tuma min na, a kabakoyara. A y'a fɔ a kɔfɛmɔgɔw ye ko: «Tiɲɛ na, ne b'a fɔ aw ye ko Isirayɛli mɔgɔ si fɛ, ne ma lanaya nin ɲɔgɔn ye.

Matiyu 8:16

Wulafɛ, mɔgɔw tagara Yezu sɛgɛrɛ ni jinatɔ caaman ye. A ye jinaw gwɛn ka bɔ u la ni kumakan kelen ye ka banabagatɔ dɔ wɛrɛw kɛnɛya.

Matiyu 9:22

Yezu y'a ɲaa yɛlɛma kɔfɛ ka muso nin ye. A y'a fɔ a ye ko: «N balimamuso, i jigi kana tigɛ. I kisira i ka lanaya kosɔn.» O yɔrɔnin bɛɛ, muso nin kɛnɛyara.

Matiyu 9:5

K'a fɔ muruku ye ko: ‹I ka hakɛw yafara›, walima k'a fɔ a ye ko: ‹Wili ka taama›, o kuma fila la, jumɛn fɔ ka nɔgɔ?

Matiyu 9:6

Ayiwa, n b'a fɛ aw k'a lɔn ko see be Mɔgɔ Dencɛ ye diɲɛ na ka mɔgɔw ka hakɛw yafa.» O la, a y'a fɔ muruku nin ye ko: «Wili k'i ka dilan ta ka taga soo.»

Marika 1:32

Tilekun donnin kɔ, mɔgɔw tagara Yezu sɛgɛrɛ ni jinatɔw ani banabagatɔw bɛɛ ye.

Marika 10:49

Yezu lɔra k'a fɔ ko: «Aw k'a wele n ye.» O la, u ye fiɲɛntɔ wele k'a fɔ a ye ko: «I hakili sigi. Wili, a ko i ka na.»

Marika 5:34

Nga Yezu y'a fɔ a ye ko: «N balimamuso, i kisira i ka lanaya barika la. Taga hɛrɛ la, i kɛnɛyanin ka to.»

Marika 6:50

bari u bɛɛ tun y'a ye, ani u jaa tun tigɛra. O yɔrɔnin bɛɛ, Yezu kumana u fɛ k'a fɔ ko: «Aw k'aw jaa gwɛlɛya, ne lo, aw kana siran.»

Yuhana 16:33

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to diɲɛ na, dusukasi le be aw kan, nga aw k'aw jaa gwɛlɛya, ne ye see sɔrɔ diɲɛ kan ka ban.»

Yuhana 2:25

Ka mɔgɔw ka koo ɲafɔ a ye, a mako tun te o la, bari a be adamaden n'a kɔnɔnako bɛɛ lɔn.

Yuhana 21:5

Yezu y'a fɔ u ye ko: «Hee! N teriw, jigɛ te aw fɛ wa?» U y'a jaabi ko ayi.

Kɛwalew 14:9

Cɛɛ tun b'a tulo malɔra Pɔli ka waajuli la. Pɔli y'a filɛ! A y'a lɔn ko lanaya be cɛɛ la min be se k'a kɛnɛya.

Kɛwalew 19:12

fɔɔ mɔgɔw tun be na ni musɔrɔw, walima faniw ye waasa k'o maga Pɔli la, ka taga o maga banabagatɔw la, u be kɛnɛya. Ni jinatɔ lo, jina be bɔ.

Kɛwalew 23:11

Suu nana ko, Matigi y'a yɛrɛ yira Pɔli la k'a fɔ a ye ko: «I jaa gwɛlɛya, i ye ne koo fɔ Zeruzalɛmukaw ye ka ban, fɔɔ i ka taga ne koo fɔ Ɔrɔmukaw ye fana.»

Rɔmukaw 5:11

O dama tɛ, an be nisɔndiya Ala kosɔn an Matigi Yezu Krista barika la, ale min sababu la, anw ni Ala cɛ bɛnna.

Yakuba 2:18

O la, dɔ be se k'a fɔ ko: «I ko i jigi be Ala kan, ne kɔni be kɛwaliɲumanw le kɛ. E k'i jigi yira ni kɛwali niin t'a la, ne bena n ta yira ni kɛwali ye.»