Matiyu 8:4 - ALA KA KUMA

⁴ Nga Yezu y'a fɔ a ye ko: «I yɛrɛ kɔlɔsi, i kan'a fɔ mɔgɔ si ye ko ne le y'i kɛnɛya dɛ. Nga, taga i yɛrɛ yira sarakalasebaga la, Musa tun ye saraka min koo fɔ farisogobanatigi ka kɛnɛya koo la, i k'o bɔ k'a yira mɔgɔw la ko i kɛnɛyara.»

Jula NT of Côte d’Ivoire

⁴ Yesu k’a fɔ a ye ko: «I kana nin ko fɔ mɔgɔ si ye. Taga i yɛrɛ yira sarakalasebaga* ra. Cira Musa ka saraka min fɔ kunatɔw saninyari ko ra, i ye o saraka bɔ, janko k’a yira bɛɛ ra ko i kɛnɛyara.»

LAYIDUKURA

⁴ Nga Yezu y'a fɔ a ye ko: “I yɛrɛ kɔlɔsi, i kan'a fɔ mɔgɔ si ye ko ne le y'i kɛnɛya dɛ. Nga, taa i yɛrɛ yira sarakalasebaga la, Musa tun ye saraka min koo fɔ kunatɔ ka kɛnɛya koo la, i k'o bɔ k'a yira mɔgɔw la ko i kɛnɛyara.”

Matiyu 8:4 Iomraidhean Croise

Ezayi 42:21

Masaba ka tilenninya kosɔn, a diyar'a ye k'a yira ko barika b'ale ka sariya la, ko a ka ɲi kosɔbɛ.

Sarakalasebagaw 13:49

n'o yɔrɔ ɲaa kɛra binkɛnɛ ye, walima n'a wulenna o fani kan, danfani fɛɛn o fɛɛn lo, ani golo, walima fɛɛn o fɛɛn ye golo ye, o ye bugun ye. A ka kan ka yira sarakalasebaga la,

Matiyu 10:18

U bena aw minɛ ka taga n'aw ye faamaw ni masaw fɛ bari aw ye ne ka kalandenw ye. O bena kɛ sababu ye aw bena ne koo fɔ u ye, ani siya wɛrɛw ye.

Matiyu 16:20

O kɔ, Yezu y'a fɔ k'a gwɛlɛya a ka kalandenw ye k'u kana sɔn k'a fɔ mɔgɔ si ɲana ko ale ye Ala ka Mɔgɔ wolomanin nin ye.

Matiyu 17:9

U jigitɔ ka bɔ kulu kan, a ye kangari la u ye ko: «Aw ye koo minw ye kulu kan, aw kana o lakali mɔgɔ si ye, fɔɔ ni Mɔgɔ Dencɛ kununna a sanin kɔ.»

Matiyu 3:15

Yezu y'a fɔ a ye ko: «A to a ka kɛ ten fɔlɔ, bari a bɛnnin lo an ka Ala ka kuma bɛɛ bato.» Zan sɔrɔla ka sɔn.

Matiyu 5:17

«Aw kan'a miiri ko ne nana Ala ka sariya bɔ yen, walima ka kiraw ka kuma cɛn. Ne ma na o la. Ne nana janko u tun y'a fɔ ko koo minw bena kɛ, olu ka dafa.

Matiyu 6:1

«Aw ka aw yɛrɛw kɔlɔsi. Aw kana aw ka Alasira taama kɛ tɔgɔɲini koo ye. N'o tɛ, aw Faa min be sankolo la, o tena tɔnɔ d'aw ma.

Matiyu 9:30

U ɲaa yɛlɛla. Yezu y'a gwɛlɛya u ma k'u kan'a fɔ mɔgɔ si ye ko ale lo y'u ɲaa yɛlɛ.

Marika 13:9

«Aw k'aw yɛrɛw kɔlɔsi. U bena aw don kititigɛlaw bolo. U bena aw bugɔ kalansow kɔnɔ. U bena taga n'aw ye jamanatigiw ni masacɛw fɛ ne kosɔn. O bena kɛ sababu ye aw be ne koo fɔ u ye.

Marika 3:12

Nga Yezu tun b'a gwɛlɛya u ma k'u kana ale koo fɔ mɔgɔ si ye.

Marika 5:43

Yezu y'a fɔ u ye k'a gwɛlɛya k'u kan'a fɔ mɔgɔ si ye. O kɔ, a y'a fɔ u ye k'u ka dumuni d'a ma.

Marika 6:11

Ni yɔrɔ dɔ mɔgɔw banna ka jigiyɔrɔ d'aw ma, n'u ma sɔn k'aw ka kuma lamɛn, aw ka bɔ o dugu la. Aw bɔtɔ, aw k'aw sennabuguri furanfuran. O bena kɛ lasɔmiko ye u fɛ.»

Marika 7:36

Yezu y'a fɔ u ye k'a gwɛlɛya k'u kan'a fɔ mɔgɔ si ye. Nga a tora k'a gwɛlɛya u ma cogo min na, u tora ka koo nin kibaru jɛnsɛn ten.

Marika 8:30

O la, Yezu y'a fɔ k'a gwɛlɛya u ye k'u kana o fɔ mɔgɔ si ye.

Marika 9:9

U jigitɔ ka bɔ kulu kan, Yezu y'a fɔ u ye k'a gwɛlɛya k'u ye koo min ye, k'u kana o lakali mɔgɔ si ye, fɔɔ ni Mɔgɔ Dencɛ kununna a sanin kɔ.

Luka 17:14

Yezu y'u ye, a y'a fɔ u ye k'u ka taga u yɛrɛw yira sarakalasebagaw la. K'u to o sira kan, u bɛɛ kɛnɛyara.

Luka 21:13

O bena kɛ sababu ye, aw be ne koo fɔ u ye.

Luka 4:41

Jinaw fana bɔra mɔgɔ caaman na. U bɔtɔ, u tun be pɛrɛn ko: «I ye Ala Dencɛ ye.» Nga Yezu ye kangari la u ye. A tun te sɔn u ka kuma, bari olu tun b'a lɔn ko Ala ka Mɔgɔ wolomanin nin lo.

Luka 5:14

O kɔ, Yezu y'a gwɛlɛya a ma kosɔbɛ ko: «Kan'a fɔ mɔgɔ si ye ko ne le y'i kɛnɛya dɛ. Nga taga i yɛrɛ yira sarakalasebaga la. Musa ye saraka min koo fɔ saniyali faan fɛ, i k'o bɔ k'a yira mɔgɔw la ko i kɛnɛyara.»

Luka 8:56

Deen wolobagaw kabakoyara kosɔbɛ. Nga Yezu y'a fɔ u ye k'a gwɛlɛya k'u kana o koo nin ɲafɔ mɔgɔ si ye.

Luka 9:21

Yezu y'a fɔ k'a gwɛlɛya u ma k'u kana o fɔ mɔgɔ si ye.

Yuhana 5:41

Ne ka boɲa sɔrɔ, o te bɔ adamadenw fɛ.

Yuhana 7:18

Mɔgɔ min b'a yɛrɛ koo fɔ, o b'a yɛrɛ tanuyɔrɔ le ɲini. Nga min b'a cibaga koo fɔ, janko ka boɲa l'a kan, ale ye tiɲɛfɔla ye, dibidibi foyi t'o tigi ka kuma na.

Yuhana 8:50

O n'a ta bɛɛ, ne te n yɛrɛ ka boɲa ɲinina. Ne boɲabaga be yen, min be boɲa la ne kan, a be kiti tigɛ fana.