Matiyu 7:7 - ALA KA KUMA

⁷ «Aw k'aw ka makoyafɛn daali Ala fɛ, a bena o d'aw ma. Aw mako be fɛɛn min na, aw k'o ɲini, aw ben'a sɔrɔ. Aw ka daa kɔkɔ, daa bena yɛlɛ aw ye.

Jula NT of Côte d’Ivoire

⁷ «Aw ye daariri kɛ, a bɛna di aw ma; aw ye ɲinini kɛ, aw bɛna a ye; aw ye da gbasi, da bɛna yɛlɛ aw ye.

LAYIDUKURA

⁷ “Aw k'aw ka makoyafɛn dali Ala fɛ, a bɛna o d'aw ma. Aw mako bɛ fɛɛn min na, aw k'o nyini, aw bɛn'a sɔrɔ. Aw ka daa kɔkɔ, daa bɛna yɛlɛ aw ye.

Matiyu 7:7 Iomraidhean Croise

Damina 26:32

O loon kelen na, Isiyaka ka jɔɔnw nana kɔlɔn dɔ kibaru fɔ a ye k'olu y'a sogi, jii sɔrɔl'a la.

Mas fɔlɔ 3:5

Ka Solomani to Gabaŋɔn, Masaba y'a yɛrɛ yira a la ka kuma a fɛ siko la sufɛ. A y'a fɔ a ye ko: «I be fɛɛn min fɛ, o daali, ne bena o d'i ma.»

Zaburu 10:17

Masaba, e be dɛsɛbagatɔw ka daalili lamɛn. E b'u jigi tugu ani ka mɛnni k'u fɛ,

Zaburu 10:4

Mɔgɔjugu be dabayakuma fɔ ko: «Ala te mɔgɔ ɲaa gwan! Ala te yen!» O dama le y'a ka miiriya ye.

Zaburu 119:12

Ne be barika la e ye, Masaba. Ne kalan e ka kolatigɛninw na.

Zaburu 27:8

E ye min fɔ, ne be miiri o le la, e ko: «Aw ka ne yɔrɔ ɲini.» Ne b'i yɔrɔ ɲinina, Masaba.

Zaburu 34:4

Aw ka Masaba makiri ni ne ye, an k'a tɔgɔ tanu ɲɔgɔn fɛ.

Zaburu 37:4

E ka Masaba koo diya e yɛrɛ ye kosɔbɛ, e mako be fɛɛn minw na, a bena o d'i ma.

Zaburu 50:15

I ka ne daali i degun loon na, ne bena i bɔ, e bena ne boɲa.»

Zaburu 69:32

O le ka di Masaba ye. O tɛmɛna misi saraka kan, o tɛmɛna tura kɔgɔnin yɛrɛ ta kan.

Zaburu 70:4

Minw be yɛlɛ haahaa ne kosɔn, maloya ka kɛ sababu ye olu ka kɔsegi!

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Zanaw 8:17

Ne be n kanubagaw kanu. Minw be ne yɔrɔ ɲini, olu be ne ye.

Dɔnkiriw 3:2

Fɔɔ ne ka wili ka dugu yaala, min koo ka di ne ye, n k'ale ɲini siraw kan ni forobayɔrɔw la. Ne y'a yaala ka dɛsɛ ne m'a ye.

Ezayi 30:19

Ee! *Siyɔnkaw, aw minw be Zeruzalɛmu kɔnɔ, aw tena kasi tugu. N'aw kulera Masaba nɔfɛ, a bena aw dɛmɛ. Aw kulekan mɛntɔ, aw jaabitɔ.

Yeremi 33:3

‹I ka ne daali, ne bena i jaabi. N bena kobabaw yira i la, minw dogonin be, i te minw lɔn.›

Amɔsi 5:4

Masaba be min fɔ Isirayɛlidenw ye, o filɛ nin ye: «Aw ka ne yɔrɔ ɲini, aw bena kisi.

Matiyu 18:19

«Tiɲɛ na, ne b'a fɔ aw ye tugu ko ni mɔgɔ fila bɛnna aw cɛma ka Ala daali fɛɛn o fɛɛn na k'u to dugukolo kan yan, ne Faa min be sankolo la bena o d'u ma.

Matiyu 21:22

N'aw lara ne la, n'aw ye fɛɛn o fɛɛn daali Ala fɛ, a bena o d'aw ma.»

Matiyu 6:33

Aw ka Ala ka masaya n'a ka tilenninya ɲini fɔlɔ, n'o kɛra, Ala bena fɛɛn tɔw bɛɛ d'aw ma.

Matiyu 7:11

Aw minw ka jugu, n'aw be sɔn ka fɛnɲumanw di aw deenw ma, aw Faa min be sankolo la, ale tena fɛnɲuman di a daalibagaw ma ka tɛmɛ aw ta kan wa?

Matiyu 7:8

Bari mɔgɔ o mɔgɔ man'a makoyafɛn daali Ala fɛ, Ala bena o di o tigi ma. Min man'a makoyafɛn ɲini, o tigi b'o sɔrɔ. Daa bena yɛlɛ daa kɔkɔbaga ye.

Marika 11:24

O le y'a to, ne b'a fɔ aw ye ko n'aw ye fɛɛn o fɛɛn daali Ala fɛ, aw ka la a la ko aw bena o sɔrɔ, aw ben'a sɔrɔ.

Luka 13:25

«Ni sotigi wilila ka daa sɔgɔ tuma min na k'aw to kɛnɛma, aw ben'a daminɛ ka daa kɔkɔ k'a fɔ ko: ‹Matigi, daa yɛlɛ an ye.› A bena aw jaabi ko a t'aw bɔyɔrɔ lɔn.

Luka 18:1

Yezu ye talen dɔ la kalandenw ye k'a yira u la ko mɔgɔ ka kan ka Ala daali tuma bɛɛ, a kan'a fari faga.

Yuhana 15:16

A ma kɛ ko aw le ye ne woloma, ne le y'aw woloma k'aw bila janko aw ka taga baara caaman kɛ, ani o baara nafa ka to, janko aw mana fɛɛn o fɛɛn daali n Faa fɛ ne tɔgɔ la, a k'o di aw ma.

Yuhana 15:7

N'aw tora ne fɛ, ani ne ka kuma tora aw kɔnɔ, aw be fɛɛn min fɛ, aw k'o daali aw bena o sɔrɔ.

Yuhana 4:10

Yezu y'a jaabi ko: «Ala be min di mɔgɔ ma, n'i tun be o lɔn, ani mɔgɔ min ko i k'ale sɔn jii la, n'i tun b'o fana lɔn, e yɛrɛ le tun bena kɔn k'ale daali. A tun bena jii d'i ma min bena nii banbali d'i ma.»

Rɔmukaw 2:7

Mɔgɔ minw jijanin lo ka baaraɲuman kɛ n'u be boɲa, ni kunkɔrɔta ani nii banbali le ɲinina, a bena nii banbali di olu ma.

Rɔmukaw 3:11

Hakili te o si fɛ, o si te Ala yɔrɔ ɲini fana.

Heburuw 11:6

Mɔgɔ koo te se ka diya Ala ye n'o tigi ma l'a la. Bari mɔgɔ min b'a fɛ ka gwɛrɛ Ala la, fɔɔ a ka l'a la ko a be yen, ani ko a b'a yɔrɔ ɲinibagaw wasa.

Yakuba 5:15

O daalili min be kɛ k'u jigi to Matigi kan, o bena banabagatɔ kisi, Matigi ben'a kɛnɛya. N'o y'a sɔrɔ a ye hakɛ kɛ, a bena o yafa sɔrɔ.

Zan fɔlɔ 3:22

An mana fɛɛn o fɛɛn daali a fɛ, an b'o sɔrɔ bari an b'a ka sariya bato k'a sago kɛ.