Matiyu 7:22 - ALA KA KUMA

²² Ni Ala ka kitilon nana se, mɔgɔ caaman ben'a fɔ ne ye ko: ‹Matigi, an ye kiraya kɛ e tɔgɔ la, ka jinaw gwɛn ka bɔ mɔgɔw la e tɔgɔ la, ka kabako caaman kɛ e tɔgɔ la.›

Jula NT of Côte d’Ivoire

²² Kiti lon na, mɔgɔ caman bɛna a fɔ ne ye ko: ‹Matigi, Matigi, anw ma cirayakumaw fɔ ele tɔgɔ le ra wa? An ma jinaw gbɛn ka bɔ mɔgɔw ra ele tɔgɔ le ra wa? An ma kabako caman kɛ ele tɔgɔ le ra wa?›

LAYIDUKURA

²² Ni Ala ka kitilon nana se, mɔgɔ caaman bɛn'a fɔ ne ye ko: ‘Matigi, an ye kiraya kɛ e tɔgɔ la, ka jinaw gwɛn ka bɔ mɔgɔw la e tɔgɔ la, ka kabako caaman kɛ e tɔgɔ la.’

Matiyu 7:22 Iomraidhean Croise

Ezayi 2:11

Yɛrɛboɲalaw bena majigi, mɔgɔ minw b'u yɛrɛ fisaya ni tɔw ye, olu kuun bena surun. O loon na, Masaba kelenpe le bena boɲa sɔrɔ.

Ezayi 2:17

Mɔgɔ minw b'u yɛrɛ boɲa, olu bena majigi. Minw b'u yɛrɛ fisaya ni tɔw ye, olu bena maloya. O bena kɛ Masaba kelenpe boɲalon ye.

Jateri 24:4

Ala be min fɔ, a b'o mɛn, Setigi be min yira a la, a b'o ye, n'a b'a bato tuma min na, a b'a ɲaa yɛlɛ, ale ka kuma lo.

Jateri 31:8

U ye mɔgɔ minw faga, madiyanw ka masacɛ duuru tun b'u cɛma. Olu tɔgɔw filɛ nin ye: Ewi ni Ɛrɛkɛmu ni Suri ni Huri ani Ɛrɛba. U ye Bewɔri dencɛ Balamu fana faga ni murujan ye.

Matiyu 10:15

Tiɲɛ na, ne b'a fɔ aw ye ko kiti loon na, Sodɔmukaw ni Gɔmɔrikaw ka tɔɔrɔ bena nɔgɔya ka tɛmɛ o dugu mɔgɔ nunu ta kan.

Matiyu 24:36

«Mɔgɔ si t'o loon n'o waati lɔn. Hali mɛlɛkɛw ni Ala Dencɛ t'a lɔn, fɔɔ Faa Ala kelenpe.

Matiyu 25:11

O kɔ, hakilitan nunu kɔsegira ka na tuma min na, u ye daa kɔkɔ k'a fɔ ko: ‹Matigi, Matigi, daa yɛlɛ an ye.›

Matiyu 7:21

«Mɔgɔ minw be ne wele ko ‹Matigi, Matigi,› olu bɛɛ tena don *sankolo masaya la, fɔɔ ne Faa min be sankolo la, ale sagokɛlaw.

Luka 10:12

«Ne b'a fɔ aw ye k'o loon na, Sodɔmukaw ka tɔɔrɔ bena nɔgɔya ka tɛmɛ o dugu mɔgɔ nunu ta kan.

Yuhana 11:51

O kuma nin ma bɔ a yɛrɛ la, o saan nin na, ale lo tun ye sarakalasebagaw kuntigiba ye, a tun ye kirayakuma le fɔ ten ko Yezu ka kan ka sa zuwifu siya kosɔn.

Tes fɔlɔ 5:4

Nga n balimaw, aw te dibilamɔgɔw ye, n'o loon be na bali aw la i n'a fɔ soon.

Tes 2nan 1:10

Mɔgɔ minw y'u jigi la a kan, a bena na o loon na janko olu k'a boɲa, ani u ka nisɔndiya a ka koo la, aw fana do sɔnna an ka kuma ma.

Tim 2nan 1:12

O le kosɔn, ne be tɔɔrɔ nunu muɲuna. Nga o ma kɛ maloyako ye ne fɛ, bari ne ye n jigi la min kan, ne b'ale lɔn, ani ne lanin b'a la ko ne jigi be min kan, see b'a ye k'o mara n ye fɔɔ laban loon na.

Tim 2nan 1:18

Matigi ka makari a la laban loon na. A ye dɛmɛ min kɛ ne ye k'an to Efɛzi, ele yɛrɛ b'o kala ma ka tɛmɛ bɛɛ kan.

Tim 2nan 4:8

Sisan yɛrɛ, ne ka see sɔrɔli sara be ne makɔnɔna, o ye tilenninya sara ye, Matigi min kɛra kititigɛla tilennin ye, a bena o di ne ma laban loon na. A tena o di ne kelen dama ma dɛ, nga mɔgɔ minw b'a ka nali makɔnɔna ni nisɔndiya ye, a ben'a di olu bɛɛ ma fana.