Matiyu 7:13 - ALA KA KUMA

¹³ «Aw ka sirafitini ta. Siraba kɔni taama ka di, nga a be taga ni mɔgɔ ye halakiyɔrɔ la. Mɔgɔ caaman do b'o le ta.

Jula NT of Côte d’Ivoire

¹³ «Aw ye don da fitini le fɛ; sabu da min bɛ mɔgɔ ladon halakiyɔrɔ ra, o da ka bon, a sira fana ka bon; mɔgɔ caman fana bɛ tɛmɛ o le fɛ.

LAYIDUKURA

¹³ “Aw ka sirafitini ta. Siraba kɔni taama ka di, nga a bɛ taa ni mɔgɔ ye halakiyɔrɔ la. Mɔgɔ caaman do b'o le ta.

Matiyu 7:13 Iomraidhean Croise

Damina 6:12

Ala y'a ye ko diɲɛ juguyara, bari adamadenw bɛɛ tun ye siraɲuman bila ka to ka juguya le kɛ dugukolo kan.

Damina 6:5

Masaba y'a ye ko mɔgɔw be juguyara ka taga dugukolo kan, k'a ye ko u ka miiriya bɛɛ tun ka jugu tuma bɛɛ,

Zanaw 16:25

Mɔgɔ be se ka sira dɔ jati siraɲuman ye, k'a sɔrɔ o be laban ni saya ye.

Zanaw 7:27

A ka soo ye lahara sira le ye. A be taga ni mɔgɔ ye suuw taayɔrɔ la.

Zanaw 9:6

Aw kana kɛ kolɔnbaliw ye, o la aw bena sii sɔrɔ. Aw ka hakilitigiyasira ta.»

Ezayi 1:9

Ni Masaba Setigi tun ma an tɔɔ to, an tun bena halaki i ko Sodɔmu, an tun bena halaki i ko Gɔmɔri.

Ezayi 35:8

Sira dɔ bena bɔ yen min bena wele ko Sira senuman. Mɔgɔ min saniyanin tɛ, o tigi tena se ka tɛmɛ yen bari a labilanin lo Ala ka mɔgɔw ye. Naloman tena se yen.

Ezayi 55:7

Mɔgɔjugu k'a ka juguya dabila. Mɔgɔ min kɔnɔ ka jugu, o tigi k'a ka miirijugu dabila. A ka kɔsegi Masaba ma, ale bena makari a la. A ka kɔsegi an ka Ala ma, ale bena yafa a ma tiɲɛ na.

Matiyu 23:13

«Bɔnɛ y'aw ta ye, aw sariya karamɔgɔw ni *Fariziɲɛ namaramɔgɔw, bari aw be *sankolo masaya donda tugu, aw tena don, minw b'a fɛ ka don fana, aw t'a to olu ka don. [

Matiyu 25:41

O kɔ, a ben'a fɔ a numanbolo la mɔgɔw ye ko: ‹Aw ye taga ka bɔ ne kɔrɔ, mɔgɔjuguw. Aw ye taga jahanama na, min labɛnna Sutana n'a kɔmɔgɔw ye,

Matiyu 25:46

Yezu y'o kuma laban ko: «O mɔgɔjugu nunu bena taga tɔɔrɔ banbali yɔrɔ la, mɔgɔtilenninw bena don Ala ka hɛrɛ banbali yɔrɔ la.»

Matiyu 3:2

A tun b'a fɔ mɔgɔw ye ko: «Aw ye nimisa ka faran aw ka kojuguw la, bari *sankolo masaya waati surunyana.»

Matiyu 3:8

Aw ka kɛwaliɲumanw kɛ k'a yira ko aw nimisara ka faran aw ka kojuguw la.

Matiyu 7:14

Aw ka sirafitini ta ka taga don ni dafitini ye, a taama kɔni ka gwɛlɛ, a taabagaw man ca, nga a be taga ni mɔgɔ ye hɛrɛ yɔrɔ la.

Luka 14:33

N'aw dɔ b'a fɛ ka kɛ ne ka kalanden ye fana, fɔɔ aw k'aw ka bololafɛn bɛɛ to yen.

Luka 9:33

Cɛɛ fila nunu taatɔ ka bɔ Yezu kɔrɔ, Piyɛri y'a fɔ a ye ko: «Matigi, a ka ɲi an ka to yan. Anw be bugu saba lɔ, e ta kelen, Musa ta kelen, Eli ta kelen.» Piyɛri tun be min fɔra, a tun m'a lɔn.

Yuhana 10:9

Ne le ye donda ye. Ni mɔgɔ min donna n'o daa ye, o tigi bena kisi. A bena don, ka bɔ, k'a ka dumuni sɔrɔ.

Yuhana 14:6

Yezu y'a jaabi ko: «Ne le ye sira, ni tiɲɛ, ani nii dibaga ye. Mɔgɔ si te se n Faa fɛ ni ne sababu tɛ.

Kɛwalew 3:19

O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

Rɔmukaw 9:22

Ala tun b'a fɛ k'a ka sebagaya n'a ka dimi yira, nga a muɲuna o daga nunu kɔrɔ, minw ka kan ka cɛn.

Kor 2nan 4:4

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Kor 2nan 6:17

Matigi ko: «Aw ye bɔ u cɛma, ka faran u la, aw kana maga fɛɛn nɔgɔnin si la, ne bena aw ladon n fɛ.»

Galasikaw 5:24

Mɔgɔ minw ye Krista ta ye, olu ye farisogo n'a diyanako bɛɛ gwengwen lɔgɔ kan.

Filipikaw 3:19

Olu laban ye halakili ye. U kɔnɔbara le ye u ka Ala ye. Koo minw be maloya lase u ma, o le kɛra u ka yɛrɛboɲako ye. U be miiri koo minw na, o ye diɲɛ koo dama ye.

Zan fɔlɔ 5:19

Anw y'a lɔn ko anw ye Ala deenw ye. Nga diɲɛ kɔnɔ fɛɛn tɔw bɛɛ be Sutana sago kɔrɔ.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 13:8

U tun ye Sagaden min faga kabini diɲɛ dantuma, mɔgɔ minw tɔgɔ te nii banbali sɛbɛ kɔnɔ, olu bɛɛ bena sogo nin bato.

Yirari 20:15

Mɔgɔ minw bɛɛ tɔgɔ ma sɔrɔ Ala ka sɛbɛ kɔnɔ, u ye olu bɛɛ fifa ka jigi jahanama kɔnɔ.

Yirari 20:3

Mɛlɛkɛ y'a ta k'a fili Dingɛjugu nin kɔnɔ k'a datugu, k'a sɔgɔ waasa a kana se ka bɔ ka mɔgɔ si lafili ni saan waa kelen nin ma tɛmɛ. N'o tɛmɛna, a bena bɔ ka waati dɔɔni kɛ.