Matiyu 6:9 - ALA KA KUMA

⁹ «Aw ka kan ka Ala daali cogo min na, o filɛ: ‹An Faa min be sankolo la, i tɔgɔ ka boɲa.

Jula NT of Côte d’Ivoire

⁹ Ni aw bɛ Ala daari, aw y’a fɔ ko: ‹An Fa min bɛ sankolo ra,

LAYIDUKURA

⁹ “Aw ka kan ka Ala dali cogo min na, o filɛ: ‘An Faa min bɛ sankolo la, i tɔgɔ ka bonya.

Matiyu 6:9 Iomraidhean Croise

Sam 2nan 7:26

Boɲa ka la i kan tuma bɛɛ, mɔgɔw k'a fɔ ko Masaba, Setigi ye Isirayɛli ka Ala ye. I ka baarakɛla Dawuda ka soo ka barika sɔrɔ e ɲakɔrɔ.

Mas fɔlɔ 8:43

k'i to i sigiyɔrɔ la sankolo la, lonan nin ye fɛɛn min ɲini i fɛ, i k'o kɛ a ye, janko dugukolo kan siyaw bɛɛ k'i lɔn ani ka siran i ɲa i n'a fɔ i ka jama Isirayɛli, ani k'a lɔn ko ne ye soo min lɔ, ko i tɔgɔ le b'a kan.

Lok fɔlɔ 17:24

A ka kɛ ten, janko boɲa ka la i kan tuma bɛɛ, mɔgɔw k'a fɔ ko: ‹Masaba, Setigi ye Isirayɛli ka Ala ye. I ka baarakɛla Dawuda ka soo ka barika sɔrɔ i ɲakɔrɔ.›

Lok 2nan 20:6

k'a fɔ ko: «Masaba an faaw ka Ala, ele le te sankolo kɔnɔ Ala ye wa? Ele le be siyaw ka jamanaw bɛɛ kunna. Setigiya ni fanga b'i bolo, mɔgɔ si te se ka lɔ i ɲa.

Nehemi 9:5

O kɔ, Levi kɔmɔgɔ ni Yesuwa ani Kadimiyɛli, ni Bani ani Asabineya, ni Serebiya, ni Odawiya ani Sebaniya ni Petaya, y'a fɔ ko: «Aw ye wili ka Masaba aw ka Ala tanu tuma bɛɛ la. «Masaba, boɲa ka la i tɔgɔba kan, i tɔgɔ ka tanu, foyi te i bɔ.

Zaburu 111:9

A y'a ka jama bɔsi ka bɛɛn kɛ n'u ye, bɛɛn min te ban. A tɔgɔ ka senu, siranya Ala lo.

Zaburu 115:3

An ka Ala be sankolo la. Min y'a diya, a be o le kɛ.

Zaburu 72:18

Barika, Masa Ala, Isirayɛli ka Ala, e kelen le be kabakow kɛ.

Ezayi 37:20

Sisan Masaba an ka Ala, an kisi Senakeribu ma, janko dugukolo kan siyaw bɛɛ k'a lɔn ko ele Masaba kelenpe ye Ala ye.»

Ezayi 57:15

Bari, min siginin be fɔɔ sanfɛ, fɛɛn bɛɛ sanfɛ, ale min be yen tuma bɛɛ, ale min tɔgɔ ko Senuman, ale lo ko: Ne sigiyɔrɔ be fɔɔ sanfɛ, yɔrɔ senuman na. O bɛɛ n'a ta, ne be ni nimisabaga ye, min majiginin be, waasa ka barika don a la k'a jaa gwɛlɛya.

Ezayi 6:3

U tun be pɛrɛn ka to k'a fɔ ɲɔgɔn ye ko: «Senuman, senuman, senuman ye Masaba ye, Setigi! A ka nɔɔrɔ ye dugukolo bɛɛ fa.»

Ezayi 63:16

Ele lo ye an Faa ye. Ibrayima t'anw lɔn do, Isirayɛli t'anw lɔn fana. Ele, Masaba le ye an Faa ye. Ele le ye an kunmabɔbaga ye, kabini tumajan, o le y'i tɔgɔ ye.

Ezayi 64:8

Masaba, kana dimi k'a dama tɛmɛ sa! Kana an ka kojuguw to i kɔnɔ tuma bɛɛ. An filɛ sa! An bɛɛ le y'i ka jama ye.

Ezayi 66:1

Masaba ko: «Sankolo ye n ka masasigilan ye, dugukolo ye n seen bilayɔrɔ ye. Aw do bena se ka boon jumɛn lɔ ne ye? Yɔrɔ jumɛn bena kɛ ne ka lafiɲɛyɔrɔ ye?

Ezekiyɛli 36:23

Aw ye ne tɔgɔba min cɛn siya wɛrɛw cɛma, ne bena nɔɔrɔ la o kan. Ni ne y'o kɛ u ɲana aw sababu la, u ben'a lɔn ko ne ye Masaba le ye. Ne Matigi, Masaba le ko ten.

Ezekiyɛli 38:23

Ne bena o kɛ ka ne ka boɲa yira siya caaman na, ani k'a yira u la ko ne ɲɔgɔn tɛ. O la, u ben'a lɔn ko ne ye Masaba le ye.

Sarakalasebagaw 10:3

Musa y'a fɔ Arɔn ye ko: «Masaba kaan tun be nin koo le ma a kumatuma na. A tun ko: ‹Mɔgɔ minw be gwɛrɛ ne la, olu k'u janto ne ka Alaya la. Boɲa ka kan ka la ne kan bɛɛ ɲana.› » Arɔn ma foyi fɔ.

Habakuki 2:14

Masaba ka sebagaya bena lɔn diɲɛ yɔrɔ bɛɛ la i ko jii be baa la cogo min na.

Jakariya 14:9

O tuma na, Masaba bena dugukolo bɛɛ mara. O waati la, Masaba bena kɛ kelen ye mɔgɔ bɛɛ fɛ, ale kelen tɔgɔ le bena fɔ.

Malaki 1:11

Bari, k'a ta kɔrɔn fɛ, ka ta'a bila tileben fɛ, ne tɔgɔ ka bon siyaw cɛma. Yɔrɔ bɛɛ la, wusulan be jɛni ne ye ani sarakafɛn saniyanin, bari ne tɔgɔ ka bon siyaw cɛma. Ne Masaba, Setigi le ko ten.

Matiyu 10:29

Mɔgɔ te kɔnɔnin fila feere pɔpɔrɔ kelen na wa? K'a sɔrɔ u si te ben duguma n'aw Faa ma sɔn.

Matiyu 23:9

Aw kana mɔgɔ si wele ko aw facɛ dugukolo kan, bari aw Facɛ ye kelen ye, Ala min be sankolo la.

Matiyu 26:29

Ne b'a fɔ aw ye ko ne tena duvɛn min tugu, fɔɔ loon min na ne bena duvɛnkɛnɛ min n'aw ye ne Faa ka masaya la.»

Matiyu 26:42

A bɔra u kɔrɔ tugu siɲɛ filanan na ka taga Ala daali ko: «N Faa, n'a kɛra ko ne te se ka kisi o tɔɔrɔ nin ma, e sago ka kɛ.»

Matiyu 5:16

Aw ka kɛwaliɲumanw kɛ ka yeelen bɔ mɔgɔw ye ten, waasa u ka aw sankolo la Faa boɲa.

Matiyu 5:48

Aw ka kɛ mɔgɔɲumanw ye i n'a fɔ aw Faa min be sankolo la.

Matiyu 6:14

«Mɔgɔ minw be fili aw ma, n'aw be yafa olu ma, aw Faa min be sankolo la, ale fana bena yafa aw ma.

Matiyu 6:6

E kɔni, n'i b'a fɛ ka Ala daali tuma min na, don i ka soo kɔnɔ ka daa tugu. I Faa Ala min b'o yɔrɔdogonin na, i k'ale daali yen. I Faa Ala min be kodogoninw ye, ale bena i sara.

Matiyu 7:11

Aw minw ka jugu, n'aw be sɔn ka fɛnɲumanw di aw deenw ma, aw Faa min be sankolo la, ale tena fɛnɲuman di a daalibagaw ma ka tɛmɛ aw ta kan wa?

Luka 15:18

Ne bena wili ka taga n faa fɛ k'a fɔ a ye ko: ‹N faa, ne y'i hakɛ ta, ne donna Ala gasi la.

Luka 15:21

Deen y'a fɔ a faa ye ko: ‹N faa, ne ye Ala hakɛ ta k'i fana hakɛ ta. Ne man kan ka wele ko i deen tugu.›

Luka 2:14

«Ala ka tanu sanfɛ yɔrɔjan na, hɛrɛ ka kɛ dugukolo kan a diyanamɔgɔw ye.»

Yuhana 20:17

Yezu y'a fɔ a ye ko: «Kana maga ne la, bari ne ma yɛlɛ n Faa fɛ fɔlɔ, nga i ka taga ne balimaw fɛ, k'a fɔ u ye ko ne be yɛlɛ n Faa, ni n ka Ala fɛ, a fana y'aw Faa n'aw ka Ala ye.»

Rɔmukaw 1:7

Ala ye aw minw wele ka kɛ a ka jama ye, n'aw koo ka d'a ye n'aw be Ɔrɔmu dugu kɔnɔ, ne be bataki nin ci aw bɛɛ ma. An Faa Ala n'an Matigi Yezu Krista ka nɛɛma ni hɛrɛ kɛ aw ye.

Rɔmukaw 8:15

Aw ye Nii min sɔrɔ, ale t'aw bila jɔnya ni siranya la, Nii Senuman lo. Ale lo barika la aw kɛra Ala ka deenw ye, ani ale barika la an b'a fɔ Ala ye ko Baba, an Faa.

Galasikaw 1:1

Ne Pɔli min ye ciden ye, o ma kɛ mɔgɔw sababu la, walima adamaden dɔ barika la, nga o ye Yezu Krista sago ye n'a Faa Ala min y'a kunun a sanin kɔ.

Galasikaw 4:6

Aw ye Ala deenw ye sɔbɛ la. Ala yɛrɛ y'a Dencɛ Nii don an na, ale min b'a to an b'a fɔ ko: «Baba, an Faa.»

Tim fɔlɔ 6:16

Ale kelen le te sa, a be kɛnɛ na mɔgɔ si te se ka gwɛrɛ min la. Mɔgɔ ma Ala ye, mɔgɔ te se k'a ye fana. Boɲa ni sebagaya ye ale ta ye tuma bɛɛ. Amiina.

Piy fɔlɔ 1:17

Ɔnhɔn, aw ka dalili la, aw be Ala wele ko aw Faa. A te wolomani kɛ, a be mɔgɔ bɛɛ kiti kelen kelen u ka kɛwaliw kosɔn. O tuma na sa, aw ka taama Alaɲasiran na, k'aw to diɲɛ na.

Yirari 4:11

«An Matigi n'an ka Ala, i ka kan ni boɲa ni tanuli ye, k'i ka sebagaya koo fɔ! Bari, e le ye fɛɛn bɛɛ dan, a diyara i ye, e y'u bɛɛ dan.»

Yirari 5:12

U tun be to k'u kaan kɔrɔta k'a fɔ ko: «U tun ye Sagaden min faga, ale ka kan ni setigiya ye. Nafolotigiya, ani lɔnniya, ni fanga ni kunkɔrɔta ni boɲa, ani tanuli y'a ta ye!»