Matiyu 6:12 - ALA KA KUMA

¹² I k'an ka filiw yafa an ma i ko an fana be yafa tɔw ma cogo min na n'u filila anw ma.

Jula NT of Côte d’Ivoire

¹² An ta hakɛw yafa an ma i ko an fana bɛ yafa an hakɛtabagaw ma cogo min na.

LAYIDUKURA

¹² E ka yafa an ma i n'a fɔ an fana bɛ yafa an hakɛ tabagaw ma cogo min na.

Matiyu 6:12 Iomraidhean Croise

Mas fɔlɔ 8:30

N'i ka baarakɛla an'i ka jama Isirayɛli y'u ɲaa sin yɔrɔ nin ma k'i daali, i k'u lamɛn. K'i to i sigiyɔrɔ la sankolo kɔnɔ, i ka mɛnni kɛ, ka yafa.

Mas fɔlɔ 8:34

k'i to sankolo la, i ka mɛnni kɛ, k'u ka hakɛ yafa, k'u kɔsegi u ka jamana na, e tun ye min di u bɛmaw ma.

Mas fɔlɔ 8:39

k'i to i sigiyɔrɔ la sankolo la, mɛnni kɛ ka yafa u ma, k'u dɛmɛ ka kɛɲɛ n'u kelen kelen bɛɛ ka kɛtaw ye, e min b'u bɛɛ kɔnɔnako lɔn. Bari ele kelen le be adamadenw bɛɛ kɔnɔnakow lɔn.

Mas fɔlɔ 8:50

I ka jama y'i hakɛ ta, yafa u ma. U murutira i ma koo minw bɛɛ la, o bɛɛ yafa u ma. Mɔgɔ minw y'u minɛ ka taga u kɛ jɔɔnw ye, a to u be makari u la.

Zaburu 130:4

Nga i be yafa, o la, boɲa ka kan ka la i kan.

Zaburu 32:1

Dawuda ka dɔnkili dɔ. Mɔgɔ min ka fili t'a kan tugu, n'a ka hakɛ yafara, o tigi dagamunin lo.

Bɔri 34:7

A b'a ka ɲumanya yira adamadenw kɔmɔgɔw la fɔɔ *filankuru caaman. A be tilenbaliyako, ni murutili, ani hakɛ yafa. Nga a te tiɲɛ di mɔgɔ ma, ni tiɲɛ t'a fɛ. A be faaw ka tilenbaliya juru sara u deenw n'u mamadenw ani u tulomasamaw na.»

Ezayi 1:18

Ɔnhɔn! Aw ye na, an ka sigikafɔ kɛ.» Masaba ko ten! «Hali n'aw ka kojuguw wulenna i ko joli, u bena gwɛ i ko kɔɔri. Hali n'u wulenna fɔɔ ka fin, u bena gwɛ parapara.

Daniyɛli 9:19

Matigi, i tulo malɔ! Matigi, yafa! Matigi, mɛnni kɛ kosɔbɛ! Koo dɔ kɛ, kana mɛn! A kɛ i yɛrɛ kama. Ne ka Ala, bari i tɔgɔ lara dugu nin, n'i ka jama kan.»

Matiyu 26:28

bari nin ye ne joli ye, joli min be Ala ka layidu dafa, joli min bena bɔn mɔgɔ bɛɛ ka hakɛw yafa kosɔn.

Matiyu 9:2

O yɔrɔ la, mɔgɔ dɔw tagara Yezu fɛ ni muruku dɔ ye dilan kan. Yezu y'a ye k'o mɔgɔw lara ale la minkɛ, a y'a fɔ muruku nin ye ko: «N teri, kana i jigi tigɛ. I ka hakɛw yafara.»

Marika 11:25

K'aw lɔnin to Ala daalili la, n'o y'a sɔrɔ dɔ ye aw hakɛ ta, aw ka yafa o ma janko aw Faa min be sankolo la, o k'aw ka hakɛw yafa fana. [

Luka 11:4

I k'an ka hakɛw yafa an ma, bari an fana be yafa tɔw ma n'u filila anw ma. Kan'a to kɔrɔbɔli ka se an ma.› »

Luka 13:4

Silowe ciin sangaso benna mɔgɔ tan ni seegi minw kan k'u faga, aw be miiri k'olu tun ye kojugukɛlaw ye ka tɛmɛ Zeruzalɛmuka tɔw bɛɛ kan wa?

Luka 6:37

«Aw kana tɔw kiti, Ala tena aw kiti. Aw kana tɔw jalaki, Ala tena aw jalaki. Aw ka yafa tɔw ma, Ala bena yafa aw ma.

Kɛwalew 13:38

N balimaw, aw k'a lɔn ko hakɛ yafako min kuma be fɔra aw ye, o be kɛra Yezu le barika la. Aw ma se k'o yafa min sɔrɔ Musa ka sariya batoli barika la,

Ɛfɛsikaw 1:7

Ale Krista ka saya barika la an kunmabɔra, an ka filiw yafara ka kɛɲɛ ni Ala ka nɛɛma dafanin ye.

Ɛfɛsikaw 4:32

Aw ye hinɛ ɲɔgɔn na ka koɲuman kɛ ɲɔgɔn ye, ka yafa ɲɔgɔn ma i n'a fɔ Ala fana yafara aw ma cogo min na Krista barika la.

Kɔlɔsikaw 3:13

N'a sɔrɔla ko dɔ ye koo dɔ kɛ min ma bɛn a tɔɲɔgɔn ma, aw ka yafa ɲɔgɔn ma tuma bɛɛ ka ɲɔgɔn dɛmɛdɛmɛ. Krista yafara aw ma cogo min na, aw fana ka yafa ɲɔgɔn ma ten.