Matiyu 5:4 - ALA KA KUMA

⁴ Mɔgɔ minw be kasira, olu dagamunin lo, bari Ala bena u dusu saalo.

Jula NT of Côte d’Ivoire

⁴ Minw jusu kasinin lo, olugu ta ɲana, sabu Ala bɛna o jusu saaro.

LAYIDUKURA

⁴ Mɔgɔ minw bɛ kasira, olu ye dubadenw ye, bari Ala bɛna u dusu saalon.

Matiyu 5:4 Iomraidhean Croise

Ezayi 12:1

O loon na, i ben'a fɔ ko: «Masaba, ne be barika la i ye, bari, e tun dimina ne kɔrɔ. Sisan, i ka dimi nɔgɔyara, i ye ne jigi tugu.

Ezayi 25:8

A bena saya fanga ban pewu! Matigi, Masaba bena bɛɛ ɲaji cɛ. Maloya min tun b'a ka mɔgɔw kan jamana yɔrɔ bɛɛ la, a bena o ta ka bɔ yen. Masaba le y'a fɔ.

Ezayi 30:19

Ee! *Siyɔnkaw, aw minw be Zeruzalɛmu kɔnɔ, aw tena kasi tugu. N'aw kulera Masaba nɔfɛ, a bena aw dɛmɛ. Aw kulekan mɛntɔ, aw jaabitɔ.

Ezayi 35:10

Masaba ye mɔgɔ minw bɔ bolo la, olu bena kɔsegi. U bena don *Siyɔn n'u be nisɔndiyapɛrɛnkan bɔ. Daan te nisɔndiya min na, o le bena ye u ɲaa kan. Nisɔndiya ni dusudiya le b'u kɔnɔna, ɲanasisi ni kasimisɛn yɔrɔ bena jaɲa u la.

Ezayi 57:18

Ne b'u ka sira lɔn, o bɛɛ n'a ta, ne bena u kɛnɛya. Ne bena kɛ u ka ɲabila ye, ne bena olu n'u ka mɔgɔ dusukasininw dusu saalo.

Ezayi 66:10

Zeruzalɛmu koo ka di aw minw bɛɛ ye, aw ka nisɔndiya n'a ye, aw k'a kɛ aw ka nisɔndiya sababu ye. Aw minw bɛɛ dusu kasinin tun lo a kosɔn, aw ye nisɔndiya n'a ye kosɔbɛ.

Ezayi 66:2

Ne le y'o fɛɛn nunu bɛɛ dan, o bɛɛ ye ne bulonɔ ye. Ne Masaba le ko ten. Mɔgɔ min b'a yɛrɛ majigi, mɔgɔ min dusu b'a jalaki, mɔgɔ min be siran ne ɲa ka sɔn n ka kuma ma, ne b'o tigi le filɛ.

Ezekiyɛli 7:16

Mɔgɔ minw kisira, olu bena boli i ko tubaninw ka taga kuluw yɔrɔ la. U kelen kelen bɛɛ bena ŋunan u ka kojuguw kosɔn.

Ezekiyɛli 9:4

k'a fɔ a ye ko: «Taga Zeruzalɛmu dugu yaala. Mɔgɔ minw dusu kasinin lo, n'u be kasira kokolonw bɛɛ kosɔn minw be kɛra dugu kɔnɔ, i ka taamasiɲɛ la olu teen na.»

Jakariya 12:10

Ne bena miiriyaɲuman, ani Aladali hakili don Dawuda ka somɔgɔw ni Zeruzalɛmukaw la. U ye mɔgɔ min sɔgɔ, u bena ale filɛ, ka kasi a ka saya la i n'a fɔ mɔgɔ be kasi a deen kelen saya la cogo min na. U bena kasi kosɔbɛ i n'a fɔ mɔgɔ be kasi a dencɛ fɔlɔ ka saya la cogo min na.

Luka 16:25

«Nga Ibrayima y'a fɔ a ye ko: ‹N deen, e yɛrɛ y'a lɔn ko k'i to diɲɛ na, i tun be ɲasuma na, ni Lazari be sigɛn na. Sisan, Lazari fana be ɲasuma na, e be sigɛn na.

Luka 6:21

Kɔngɔ be aw minw na sisan, aw dagamunin lo, bari aw bena fa. Aw minw be kasira sisan, aw dagamunin lo, bari aw bena yɛlɛko.

Luka 6:25

Aw minw be dumuni kɛ ka fa sisan, bɔnɛ ye aw ta ye, bari kɔngɔ bena aw minɛ. Aw minw be yɛlɛ sisan, bɔnɛ ye aw ta ye, bari aw ɲaa bena sisi, aw bena kasi.

Luka 7:38

A sera minkɛ, a tora Yezu kɔfɛ ka biri a seen kɔrɔ ka kasi daminɛ. A kasira fɔɔ a ɲaji ye Yezu seen ɲigi. O kɔ, a y'a kunsigi kɛ k'o jɔsi n'a b'o saalo, ka tila ka tulu kasadiman bɔn u kan.

Luka 7:50

Nga Yezu y'a fɔ muso nin ye tugu ko: «I kisira i ka lanaya kosɔn, taga hɛrɛ la.»

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Yirari 21:4

A bena u ɲaji bɛɛ cɛ. Saya kɔni, o te yen tugu. Mɔgɔ tena sa, mɔgɔ tena kasi, mɔgɔ tena tɔɔrɔ tugu. Bari, diɲɛkura lo, kɔrɔman n'a kɔnɔnafɛnw bɛɛ tununa bugubugu.»