Matiyu 5:22 - ALA KA KUMA

²² Ayiwa, ne b'a fɔ aw ye ko ni mɔgɔ o mɔgɔ dimina a balima kɔrɔ, o tigi ka kan ni kiti ye. Ni mɔgɔ min y'a balima nɛni ko naloman, o tigi fana ka kan ni kiti ye. Ni mɔgɔ min y'a balima nɛni ko fatɔ, o tigi ka kan ni jahanama tasuma ye.

Jula NT of Côte d’Ivoire

²² Nka ne kɔni b’a fɔ aw ye ko hali ni i ka dimi dɔrɔn le i balema kɔrɔ, kiti ka kan ka ben i kan. Ni mɔgɔ min ka a balema nɛni dɔrɔn le ko a mɔgɔkolon, kititigɛbagaw ka kan ka kiti tigɛ o tigi kan. Ni mɔgɔ dɔ ko a balema ma ko a naloman, o tigi ka kan ka firi jahanama tasuma ra.

LAYIDUKURA

²² Ayiwa, ne b'a fɔ aw ye ko ni mɔgɔ o mɔgɔ dimina a balima kɔrɔ, o tigi ka kan ni kiti ye. Ni mɔgɔ min y'a balima nɛni ko naloman, o tigi fana ka kan ni kiti ye. Ni mɔgɔ min y'a balima nɛni ko fatɔ, o tigi ka kan ni jahanama tasuma ye.

Matiyu 5:22 Iomraidhean Croise

Damina 37:4

A kɔrɔw nan'a ye k'u dɔgɔcɛ koo le ka di u facɛ ye ka tɛmɛ olu kan, u y'a kɔniya, fɔɔ u tun te se ka kumaɲuman fɔ a ye tugu.

Damina 37:8

A kɔrɔ nunu y'a fɔ a ye ko: «I b'a fɛ ka kɛ an ka faama ye kɛ, walima anw kuntigi?» U y'a kɔniya kosɔbɛ tugu siko ni kuma nunu kosɔn.

Sam 2nan 16:7

Simeyi tun be to k'a fɔ n'a b'a dangara ko: «Taga, taga, mɔgɔfagala, mɔgɔkolon!

Sam 2nan 6:20

Dawuda kɔsegira soo. A ko a be duba kɛ a ka somɔgɔw ye tuma min na, Sayuli denmuso Mikali bɔra k'a kunbɛn k'a fɔ ko: «Isirayɛlidenw ka masacɛ do ye boɲa sɔrɔ bii dɛ, fɔɔ k'a yɛrɛ walaka a ka baaradenw ka jɔnmusow ɲana, i n'a fɔ fatɔ!»

Mas fɔlɔ 21:4

Akabu dusu kasinin, n'a dimininba segira soo, Zizireyɛlika Nabɔti ka kuma nunu kosɔn. A tun ko: «N tena n faaw ka cɛɛn d'i ma.» O la, a donna ka taga la soo kɔnɔ, k'a ɲaa sin kogo ma, ka ban ka dumuni kɛ.

Lok 2nan 16:10

Aza dimina kira nin kɔrɔ k'a don kaso la, bari a dimininba tun lo koo nin na. O waati kelen na, Aza y'a ka mɔgɔ dɔw tɔɔrɔ.

Lok 2nan 19:5

A ye kititigɛlaw sigi jamana kɔnɔ, Zuda mara dugu barikamanw kelen kelen bɛɛ kɔnɔ.

Nehemi 5:8

N y'a fɔ u ye ko: «An y'an seko kɛ k'an baden zuwifuw hɔrɔnya ka bɔ siya wɛrɛw bolo, aw do b'u feerela, u fana be feere an yɛrɛw le ma tugu!» U jera, u ma se ka foyi fɔ.

Zaburu 109:3

U ka kumajuguw le kɛnin be ka ne lamini. U be ne kɛlɛla ni kuun t'a la.

Zaburu 14:1

Dɔnkililabagaw kuntigi ka dɔnkili. Dawuda ka dɔnkili dɔ. Nalomanw le b'a fɔ u yɛrɛ kɔnɔ ko: «Ala te yen.» Adamadenw y'u yɛrɛ ɲagami ka kojugu kɛ, u si te koɲuman si kɛ.

Zaburu 25:3

Mɔgɔ minw jigi b'i kan, olu si tena maloya. E janfabagaw ta lo ye maloya ye.

Zaburu 35:19

E kan'a to ne jugu be nisɔndiya ne ka koo la, olu minw be n kɔniya gwansan ka to ka ɲamunu tigɛ n na.

Zaburu 37:8

I ka dimi dabila, e dusu kana bɔ. I kana dimi, o bena kɛ kojugu ye.

Zaburu 49:10

U bena to sii la kudayi wa? U tena sa wa?

Zaburu 69:4

Ne ye weleli kɛ ka dɛsɛ fɔɔ ne kaan nagara. Ne ye n ka Ala sira filɛ ka dɛsɛ.

Zaburu 7:4

Masaba n ka Ala, ni ne y'o koo kɛ tiɲɛ na, ni ne ye kojugu dɔ kɛ,

Zaburu 92:6

Masaba, e ka kɛtaw ka bon. E ka miiriyaw ka dun kosɔbɛ.

Zanaw 14:16

Lɔnnikɛla be siran kojugukɛ ɲa, a te sɔn o ma. Naloman kɔni be dimi joona, a lanin b'a yɛrɛ la.

Zanaw 18:6

Naloman dalakuma be na ni kɛlɛ ye. A ka fɔta be na ni bugɔli ye.

Yeremi 17:11

Mɔgɔ min be nafolo sɔrɔ tilenbaliya la, o tigi be i ko wɔlɔn min be faanw tɔtɔ a ma minw la. O tigi ka diyanawaati la, nafolo nin be ban, a sii laban waati la, a be kɛ naloman ye.

Kasikan 3:52

Minw be ne kɛlɛ ni kuun t'a la, olu be ne gwɛn ka n gwɛn i ko kɔnɔnin.

Daniyɛli 3:13

Nabukodonozɔri dimina kosɔbɛ! A y'a fɔ k'u ka na ni Sadiraki, ni Mesaki ani Abɛdenego ye. U nana n'u ye masacɛ fɛ.

Daniyɛli 3:19

O tuma na, Nabukodonozɔri dimina kosɔbɛ, a ɲada cogo yɛlɛmana, Sadiraki ni Mesaki ani Abɛdenego kama. A y'a fɔ k'u ka tasuma nin boɲa siɲɛ wolonwula ka tɛmɛ fɔlɔ kan.

Abidiyasi 1:10

«Aw ye juguya min kɛ aw balima Yakuba kɔmɔgɔw la, o kama, maloya bena se aw ma. Aw bena halaki pewu!

Abidiyasi 1:12

Aw tun man kan k'aw badenw filɛ ni nisɔndiya ye u ka sigɛnlon na. Aw tun man kan ka nisɔndiya Zuda mara halakilon na. Aw tun man kan ka dabayakuma fɔ kojugu loon na.

Matiyu 10:17

«Aw k'aw yɛrɛ kɔlɔsi bari mɔgɔw bena aw don kititigɛlaw bolo. U bena aw bugɔ ni golokami ye u ka kalansow kɔnɔ.

Matiyu 10:28

Mɔgɔ minw be se k'aw faga n'u te se ka foyi kɛ aw nii na, aw kana siran olu ɲa. Min be se ka farikolo ani nii halaki jahanama na, aw ka siran ale lo ɲa.

Matiyu 12:24

Nga *Fariziɲɛw y'o kuma mɛn tuma min na, u y'a fɔ ko: «Jinaw kuntigi Belezebuli le be see dir'a ma ka jinaw gwɛn ka bɔ mɔgɔw la.»

Matiyu 17:5

Ka Piyɛri t'o kuma na, sankaba manamananin dɔ jigira k'u datugu. Kumakan dɔ bɔra o sankaba nin kɔnɔ k'a fɔ ko: «Nin ye ne Dencɛ kanunin ye. Ne sagoladen lo, aw ka mɛnni kɛ a fɛ.»

Matiyu 18:21

Piyɛri gwɛrɛla Yezu la k'a ɲininga ko: «Matigi, ni n balima be to ka ne hakɛ ta tuma bɛɛ, ne ka kan ka yafa a ma siɲɛ joli? Fɔɔ ka taga se siɲɛ wolonwula wa?»

Matiyu 18:35

O kɔ, Yezu ye nin fɔ k'a la a kan ko: «Ne Faa min be sankolo la, o bena aw kɛ ten, n'aw te sɔn ka yafa aw tɔɲɔgɔn ma aw dusu bɛɛ la.»

Matiyu 23:15

Bɔnɛ y'aw ta ye, aw sariya karamɔgɔw ni Fariziɲɛ namaramɔgɔw, aw be kɔgɔji tigɛ ka taga dugukolo faan bɛɛ la ka tuubiden ɲini. Ni dɔ sɔrɔla, aw b'a kɛ jahanamaden ye ka tɛmɛ aw yɛrɛ kan fɔɔ siɲɛ fila.

Matiyu 23:33

Aw be i n'a fɔ saaw, fɔnfɔnniden nunu, aw ben'a kɛ cogo jumɛn na ka tila jahanama tasuma ma?

Matiyu 25:41

O kɔ, a ben'a fɔ a numanbolo la mɔgɔw ye ko: ‹Aw ye taga ka bɔ ne kɔrɔ, mɔgɔjuguw. Aw ye taga jahanama na, min labɛnna Sutana n'a kɔmɔgɔw ye,

Matiyu 26:59

O y'a sɔrɔ sarakalasebagaw kuntigiw ni zuwifuw ka kititigɛlaw bɛɛ tun be galon dɔ ɲinina k'a la Yezu kan, waasa ka se k'a faga.

Matiyu 3:17

Kumakan dɔ bɔra sankolo la k'a fɔ ko: «Nin ye ne Dencɛ kanunin ye. A koo ka di ne ye haali.»

Matiyu 5:34

Nga ne b'a fɔ aw ye ko aw kana kali fewu. Aw kana kali sankolo la, bari Ala ka masasigilan lo.

Matiyu 5:44

Ayiwa, ne b'a fɔ aw ye ko aw ka aw juguw kanu ka Ala daali aw tɔɔrɔbagaw ye.

Marika 14:55

O y'a sɔrɔ, sarakalasebagaw kuntigiw ni zuwifuw ka kititigɛlaw bɛɛ tun be seereya ɲinina Yezu kama janko ka se k'a faga. Nga u ma foyi sɔrɔ.

Marika 15:1

Sɔgɔma joona, sanni tile ka bɔ, sarakalasebagaw kuntigiw ni sariya karamɔgɔw ni cɛkɔrɔbaw, ani zuwifuw ka kititigɛlaw bɛɛ ye ɲɔgɔn ye Yezu ka koo la. U y'a siri ka taga don Pilati bolo.

Luka 12:5

Aw ka kan ka siran min ɲa, ne bena o fɔ aw ye. See be min ye ka mɔgɔ nii minɛ, o kɔ, a be se k'a fili jahanama kɔnɔ, aw ka siran ale lo ɲa.

Luka 22:66

Dugu gwɛra tuma min na, dugu cɛkɔrɔbaw, ni sariya karamɔgɔw ani sarakalasebagaw kuntigiw ye ɲɔgɔn lajɛn. U tagara ni Yezu ye u ka kititigɛlaw fɛ waasa k'a kiti.

Yuhana 11:47

Sarakalasebagaw ni Fariziɲɛw ye ɲɔgɔnye kɛ k'a fɔ ko: «An bena mun le kɛ? Bari cɛɛ nin be kabako caaman kɛ.

Yuhana 15:25

Nga kuma min fɔra u ka sariyasɛbɛ kɔnɔ, fɔɔ o ka kɛ. A fɔra ko: ‹U ye ne kɔniya ni kuun t'a la.›

Yuhana 7:20

Mɔgɔw y'a jaabi ko: «E ye jinatɔ le ye. Jɔn le b'a fɛ k'i faga?»

Yuhana 8:48

Zuwifu nunu y'a jaabi ko: «An ye min fɔ, tiɲɛ yɛrɛ lo. I ye Samarika ye, i ye jinatɔ ye.»

Kɛwalew 17:18

Lɔnnikɛla dɔw tun be yen, o be u dɔw wele ko Epikiriyɛn, ka dɔw wele ko Etoyisiyɛn, olu yɛrɛ y'a daminɛ ka kuma ni Pɔli ye. Nga dɔw ko: «Kuma caaman tigi nin fana ko di?» Dɔw ko: «Nin be Alasira kuraman dɔ le koo fɔra cɔ!» Bari Pɔli tun be Yezu ni suuw ka kununko le fɔra.

Kɛwalew 22:30

Dugu gwɛra, zuwifuw be Pɔli jalakila kuun min na, sɔlidasi kuntigiba nin tun b'a fɛ k'o lɔn. O la, a ye Pɔli foni ka sarakalasebagaw kuntigiw ni zuwifuw ka kititigɛlaw bɛɛ wele ɲɔgɔnye la. O kɔ, a y'a to Pɔli nana lɔ u cɛma.

Kɛwalew 23:1

Pɔli lɔra ka kititigɛla nunu filɛ k'a fɔ ko: «N balimaw, ne ye n ka kɛtaw bɛɛ kɛ ni kɔnɔgwɛ ye Ala ɲana fɔɔ ka na se bii ma.»

Kɛwalew 24:20

Walima, minw be yan n'u tun be ne kitiyɔrɔ la Zeruzalɛmu, u k'a fɔ ni jalakiyɔrɔ tun sɔrɔla n na.

Kɛwalew 4:15

O la, u y'a fɔ u ye ko u ka bɔ kɛnɛma. U dama ye ɲɔgɔn ye koo nin na.

Kɛwalew 5:21

U ye mɛlɛkɛ ka kuma bato. Sɔgɔma joona, u sera Alabatosoba kɔnɔ k'a daminɛ ka mɔgɔw kalan. O tuma na, sarakalasebagaw kuntigiba n'a ka dakɔrɔsigiw tagara u ka ɲɔgɔnyeyɔrɔ la. U ye zuwifuw ka kititigɛlaw bɛɛ lajɛn, ka sɔlidasiw bila k'u ka taga cidenw bɔ kaso la ka na n'u ye.

Kɛwalew 5:27

U nana ni cidenw ye u ka kiti tigɛyɔrɔ la. Sarakalasebagaw kuntigiba y'u ɲininga ko:

Kɛwalew 6:12

O kama, cɛkɔrɔbaw ni sariya karamɔgɔw ani jama bɛɛ murutira Etiyɛni kama ka girin k'a minɛ ka taga n'a ye u ka kititigɛlaw fɛ.

Kɛwalew 6:15

O tuma na, kititigɛlaw bɛɛ ɲaa basanin tun be Etiyɛni kan. A ɲaa kɛra i n'a fɔ mɛlɛkɛ ta u ɲakɔrɔ.

Kɛwalew 7:37

Ale Musa le y'a fɔ Isirayɛlidenw ye ko Ala bena ale bɔɲɔgɔn kira dɔ wili u balimaw cɛma.

Rɔmukaw 12:10

Kanuya min be badenya la, o sababu la, aw ka ɲɔgɔn minɛ, k'aw tɔɲɔgɔnw jati k'u ka fisa n'aw ye.

Kor fɔlɔ 6:10

walima soonw, sɔnjuguw, dɔrɔtɔw, mɔgɔ tɔgɔcɛnlaw, walima benkannikɛlaw, olu si tena Ala ka masaya sɔrɔ.

Kor fɔlɔ 6:6

Fɔɔ balima fila be ɲɔgɔn wele faamaw fɛ, olu k'u ka koo ɲanabɔ, olu minw ma la Yezu la.

Sariya 15:11

«Fantanw tena fɔn aw ka jamana na. O kosɔn, ne b'a ɲini aw fɛ, aw k'aw balima fantanw, ni sigɛnbagatɔw sɔn ni timinandiya ye aw ka jamana kɔnɔ.

Sariya 16:18

«Dugu kelen kelen bɛɛ kɔnɔ aw ka maraw kɔnɔ, Masaba aw ka Ala be minw dira aw ma, aw ka kititigɛlaw ni ɲamɔgɔw woloma, k'u sigi janko u ka se ka kiti tigɛ ni tilenninya ye jama cɛma.

Tes fɔlɔ 4:6

Mɔgɔ si kan'a tɔɲɔgɔn namara o koo la k'a hakɛ ta fana. Bari Matigi b'o koo sifa nunu juru sara, i n'a fɔ an delila k'a fɔ ka gwɛlɛya aw ye cogo min na.

Tite 3:2

U kana mɔgɔ si tɔgɔ cɛn, u kana kɛlɛ kɛ, u k'u yɛrɛ kɛ mɔgɔsɔbɛw ye, ka muɲu bɛɛ kɔrɔ tuma bɛɛ.

Heburuw 12:25

Min be kumana aw fɛ, aw ye jija, aw kana ban a ka kuma na. Bari fɔlɔ mɔgɔw banna Ala ka kuma fɔbaga ma, min tun b'u cɛma dugukolo kan. O la, u ma kisi ɲagwan ma. Min be to arijana na ka kuma an fɛ, n'an banna ale la, an ka ɲagwan tena tɛmɛ fɔlɔ mɔgɔw ta kan wa?

Heburuw 5:9

O le y'a to a ka koo bɛɛ dafara ten tuma min na, mɔgɔ minw bɛɛ be mɛnni kɛ a fɛ, a kɛra olu bɛɛ kisibaga ye tuma bɛɛ.

Yakuba 2:20

Naloman! K'a fɔ ko i jigi be Ala kan k'a sɔrɔ o te ye i ka kɛwaliw la, i b'a fɛ k'a lɔn k'o ye fuu ye wa?

Yakuba 3:6

Mɔgɔ nɛɛn fana be i n'a fɔ tasuma. Fɛnjugu lo. An fari yɔrɔ dɔ lo, ale lo be fari yɔrɔ tɔw bɛɛ don koo la. O tasuma ye jahanama ta ye.

Piy fɔlɔ 2:23

U tun y'a nɛni tuma min na, a ma sɔn k'u nɛni. U tun b'a tɔɔrɔla tuma min na, a ma kumajugu fɔ u ye. Nga, a y'a ta to Ala ma dɔrɔn, ale min be kiti tigɛ ka tilen.

Piy fɔlɔ 3:9

Aw kana juguya sara ni juguya ye, walima ka dɔ ka nɛnili segi a ma. Nga e ka duba le kɛ. Bari Ala ye aw minw wele, janko aw k'a ka duba sɔrɔ.

Zan fɔlɔ 2:9

Ni mɔgɔ min ko ale kɔnɔ gwɛnin lo k'a sɔrɔ a mɔgɔɲɔgɔn koo man d'a ye, o tigi ye dibi kɔnɔ mɔgɔ le ye halibi.

Zan fɔlɔ 3:10

Ala deenw ni Sutana ka mɔgɔw be lɔn ka bɔ ɲɔgɔn na kɛwali nunu le fɛ. Mɔgɔ o mɔgɔ te tilenninya sira taama, ani n'a t'a mɔgɔɲɔgɔn kanu, o tigi te Ala ta ye.

Zan fɔlɔ 5:16

Ayiwa, hakɛ min te mɔgɔ faga, ni dɔ y'a ye ko a balima dɔ y'o kɛ, a ka Ala daali o tigi nin ye. Ala ben'a kisi o saya nin ma, n'o y'a sɔrɔ n'o hakɛ nin t'a faga. Hakɛ kelen le be yen min be mɔgɔ faga, n m'a fɔ ko aw ka daalili kɛ o kɛbagaw ye dɛ!

Zude 1:9

O ye koo ye, hali mɛlɛkɛw ɲamɔgɔ Misɛli ma sɔn k'a min kɛ. Tuma min na, a tun be sɔsɔli kɛra ni Sutana ye Musa suu koo la, a y'a yɛrɛ minɛ, a ma sɔn ka Sutana nɛni. Nga a y'a fɔ ko: «Ala bena i sara.»

Yirari 20:14

O tuma na, u ye saya ni lahara fifa ka jigi jahanama kɔnɔ. O le bena kɛ saya filanan ye.