Matiyu 4:23 - ALA KA KUMA

²³ Yezu tun be Galile mara bɛɛ yaala ka mɔgɔw kalan zuwifuw ka kalansow kɔnɔ. A tun be *sankolo masaya kibaru diman fɔ u ye, ani ka banabagatɔ sifa bɛɛ kɛnɛya jama cɛma.

Jula NT of Côte d’Ivoire

²³ Yesu tun bɛ taga Galile mara bɛɛ ra. A tun bɛ mɔgɔw karan karansow* kɔnɔ, ka Ala ta Masaya* ta Kibaro Diman* ko waajuri kɛ mɔgɔw ye, ka mɔgɔw kɛnɛya ka bɔ o ta banaw, ani o ta tɔɔrɔw ra.

LAYIDUKURA

²³ Yezu tun bɛ Galile mara bɛɛ yaala ka mɔgɔw kalan u ka Alabatosow kɔnɔ. A tun bɛ sankolo tigi ka masaya kibaru diman fɔ u ye. A tun bɛ banabagatɔ sifa bɛɛ kɛnɛya.

Matiyu 4:23 Iomraidhean Croise

Zaburu 103:3

Ale lo be ne ka fili bɛɛ yafa ne ma, ale lo be n kɛnɛya ka bɔ n ka banaw bɛɛ la.

Zaburu 74:8

U tun y'a fɔ ko: «An k'u lamaga kosɔbɛ!» U ye Ala batoyɔrɔw bɛɛ jɛni jamana kɔnɔ.

Matiyu 11:5

ko fiɲɛntɔw be yeli kɛra, murukuw be taamana, farisogobanatigiw be kɛnɛyara, tulogwerenw be mɛnni kɛra, suuw be kununna, kibaru diman be fɔra fantanw ye.

Matiyu 12:9

Yezu bɔra o yɔrɔ la ka taga don zuwifuw ka kalanso dɔ kɔnɔ.

Matiyu 13:19

Minw be Ala ka kuma mɛn n'u t'a faamu, olu bɔnin be sirada fɛ, kisɛ benna yɔrɔ min na. U man'a mɛn dɔrɔn, Sutana be na o bɔ u kɔnɔ.

Matiyu 13:54

ka taga ka dugu la. O yɔrɔ la, a donna zuwifuw ka kalanso kɔnɔ ka mɔgɔw kalan. Mɔgɔ minw tun be yen, u bɛɛ kabakoyara. U tora k'a fɔ ko: «Haan! A bɔra ni hakilitigiya nin ye min? A be kabako nunu kɛ cogo di?

Matiyu 14:14

Yezu bɔra kurun kɔnɔ tuma min na, ka jamaba ye, u hinɛ donna a la, a y'u ka banabagatɔw kɛnɛya.

Matiyu 24:14

Ala ka kibaru diman bena fɔ diɲɛ yɔrɔ bɛɛ la, waasa Alalɔnbaliw bɛɛ k'a koo mɛn. O kɔ, diɲɛ laban be sɔrɔ ka se.

Matiyu 3:2

A tun b'a fɔ mɔgɔw ye ko: «Aw ye nimisa ka faran aw ka kojuguw la, bari *sankolo masaya waati surunyana.»

Matiyu 9:35

Yezu tun be taga dugubaba ni dugudenninw na ka mɔgɔw kalan zuwifuw ka kalansow kɔnɔ. A tun be *sankolo masaya koo fɔ, ani ka banabagatɔ sifa bɛɛ kɛnɛya.

Marika 1:14

Zan bilanin kɔ kaso la, Yezu tagara Ala ka kibaru diman fɔ Galile mara la.

Marika 1:21

Yezu n'a ka kalandenw sera Kafaranamu dugu la. Lafiɲɛlon na, a donna kalanso kɔnɔ ka mɔgɔw kalan.

Marika 1:39

O la, a tagara Galile mara faan bɛɛ la ka Ala ka kuma fɔ zuwifuw ka kalansow kɔnɔ ani ka jinaw gwɛn ka bɔ mɔgɔw la.

Marika 3:10

Yezu tun be mɔgɔ caaman kɛnɛya, o kama banabagatɔ bɛɛ tun be girin a nɔɔ fɛ, janko u ka se ka maga a la.

Marika 6:2

Lafiɲɛlon sera minkɛ, a donna kalanso kɔnɔ ka mɔgɔw kalan. A lamɛnbagaw bɛɛ kabakoyara kosɔbɛ. U tora k'a fɔ ko: «Haan! A bɔra ni nin ye min? Hakili min b'a fɛ, a y'o sɔrɔ min? A be kabako minw kɛ, a b'o kɛ cogo di?

Marika 6:6

U ma la Ala la minkɛ, o y'a kabakoya. O kɔ, a tagara u lamini duguw la ka mɔgɔw kalan.

Luka 10:9

Aw k'o dugu banabagatɔw kɛnɛya, k'a fɔ dugu mɔgɔw ye ko: ‹Ala ka masaya tuma sera aw fɛ.›

Luka 13:10

Lafiɲɛlon dɔ la, Yezu tun be mɔgɔw kalanna kalanso dɔ kɔnɔ.

Luka 16:16

«Kabini fɔlɔfɔlɔ, u tun be mɔgɔw kalan ni Ala ka sariya, ni kiraw ka kuma ye fɔɔ ka na se Zan batizelikɛla ka waati ma. K'a ta o ma, Ala ka masaya kibaru diman be fɔra mɔgɔw ye. Bɛɛ be jijara fana ka don o masaya la.

Luka 20:1

Loon dɔ la, Yezu tun be mɔgɔw kalanna Alabatosoba kɔnɔ ka kibaru diman fɔ u ye. Sarakalasebagaw kuntigiw ni sariya karamɔgɔw ani dugu cɛkɔrɔbaw tagar'a sɔrɔ,

Luka 4:14

Yezu segira ka taga Galile mara la ni Nii Senuman ka sebagaya ye. A tɔgɔ bɔra o mara yɔrɔ bɛɛ la.

Luka 5:17

Loon dɔ, ka Yezu to mɔgɔw kalan na, *Fariziɲɛw ni sariya karamɔgɔ dɔw siginin tun be yen. U tun nana ka bɔ Galile ni Zude mara dugudenninw bɛɛ la, ani Zeruzalɛmu. Matigi Ala ka sebagaya tun be Yezu fɛ n'a be banabagatɔw kɛnɛya.

Luka 6:17

Yezu jigitɔ n'a ka cidenw tan ni fila ye ka bɔ kulu kan, a sera kɛnɛba dɔ la ka lɔ yen. Jamaba tun be o yɔrɔ la. A ka kalandenw tun ka ca u cɛma. Dɔw tun bɔra Zeruzalɛmu ni Zude mara bɛɛ la. Dɔw fana tun bɔra kɔgɔjida la dugubabaw la, Tiri ani Sidɔn.

Luka 6:6

Lafiɲɛlon dɔ wɛrɛ la, Yezu donna kalanso kɔnɔ k'a daminɛ ka mɔgɔw kalan. O y'a sɔrɔ cɛɛ dɔ tun be yen min kinibolo faganin lo.

Luka 7:21

O waati yɛrɛ la, Yezu ye banabagatɔ caaman kɛnɛya ka jinaw gwɛn ka bɔ mɔgɔw la, ka fiɲɛntɔ caaman ɲaa yɛlɛ.

Luka 7:22

O kɔ, a ye cidenw jaabi ko: «Aw ye min ye, ani aw ye min mɛn, aw ye taga o lakali Zan ye, ko fiɲɛntɔw be yeli kɛra, murukuw be taama, farisogobanatigiw be kɛnɛyara, tulogwerenw be mɛnni kɛra, suuw be kununna, kibaru diman be fɔra fantanw ye.

Luka 8:1

O kɔ, Yezu tun be yaala duguba ni dugudenninw na ka waajuli kɛ ka Ala ka masaya kibaru diman fɔ. A ka kalanden tan ni fila tun be n'a ye,

Luka 9:11

Nga jama nana a lɔn minkɛ, u tagar'a fɛ. Yezu y'u kunbɛn ni nisɔndiya ye, ani ka u kalan Ala ka masaya koo la. Minw tun be kɛnɛyali fɛ, a y'olu kɛnɛya.

Luka 9:60

Yezu y'a fɔ a ye ko: «A to suuw k'u ka suuw don. E kɔni, e ka taga Ala ka masaya koo fɔ.»

Yuhana 18:20

Yezu y'a jaabi ko: «Ne kumana mɔgɔw fɛ kɛnɛ kan, ne ye mɔgɔw kalan kalansow kɔnɔ ani Alabatosoba kɔnɔ, zuwifu bɛɛ be ɲɔgɔn lajɛn yɔrɔ minw na, ne ma foyi fɔ dogo la.

Yuhana 6:59

Yezu ye mɔgɔw kalan ni kuma nunu ye kalanso dɔ kɔnɔ Kafaranamu.

Yuhana 7:1

O kɔ, Yezu tora ka Galile mara yaalayaala. A tun t'a fɛ ka taga Zude mara yaala, bari o yɔrɔ zuwifuw tun b'a fɛ k'a faga.

Kɛwalew 10:38

Ala ye Nii Senuman ni sebagaya di ale Nazarɛtika Yezu ma, ka jamana bɛɛ munumunu ka to ka koɲuman kɛ mɔgɔw ye, ka mɔgɔw kɛnɛya minw bɛɛ tun be Sutana bolo, bari Ala tun b'a fɛ.

Kɛwalew 18:4

Lafiɲɛlon o lafiɲɛlon, Pɔli tun be mɔgɔw waaju kalanso kɔnɔ. A tun be jija waasa ka se zuwifuw ni girɛkiw kɔrɔ.

Kɛwalew 20:25

«Ayiwa, ne tɛmɛtuma na aw fɛ, ne ye Ala ka masaya koo fɔ aw ye. Ne do y'a lɔn sisan ko aw si ɲaa tena la ne kan tugu.

Kɛwalew 28:31

A tun be Ala ka masaya koo fɔ u ye, ka mɔgɔw kalan Matigi Yezu Krista ka koow la ni jagwɛlɛya ye, mɔgɔ si tun t'a bali.

Rɔmukaw 10:15

Mɔgɔ fana be se k'a koo fɔ cogo di, n'u ma ci? O la, a fɔra Ala ka kuma na ko: «Mɔgɔ minw be kibaru diman fɔ,» ko: «Olu yenin be mɔgɔ nisɔndiya!»