Matiyu 3:6 - ALA KA KUMA

⁶ U tun be lɔ u ka hakɛw la, o kɔ, Zan tun b'u batize Zurudɛn baji la.

Jula NT of Côte d’Ivoire

⁶ o tun bɛ lɔ o ta jurumunw na k’a fɔ a ɲa na; Yuhana tun bɛ o batize Zuridɛn kɔji ra.

LAYIDUKURA

⁶ U tun ye kojugu minw kɛ, u tun b'olu fɔ kɛnɛ kan, o kɔ, Zan tun b'u batize Zurudɛn baji la.

Matiyu 3:6 Iomraidhean Croise

Ɛsidarasi 10:1

Ɛsidirasi y'a kunbiri gwan Ala ka soo ɲafɛ ka to ka kasi n'a b'u ka kojuguw fɔra, ka Ala daali. O waati la, Isirayɛliden caaman nana ɲɔgɔn lajɛn a gɛrɛfɛ, cɛɛw ni musow ani denmisɛnw. U tun be kasira kosɔbɛ.

Zaburu 32:5

Ne kɔni ma n ka fili dogo, ne ye n ka kojugu fɔ i ye. Ne y'a fɔ ko: «Ne bena n ka kojugu fɔ Matigi ye.» E ye ne ka kojugu kunko bɔ ne kan.

Zanaw 28:13

Mɔgɔ min te lɔ a ka kojugu kɛnin na, o ka koo te ɲa. Nga min be lɔ a ta la, ani ka nimisa u la, Ala be makari ale la.

Ezekiyɛli 36:25

«Ne bena jiɲuman seriseri aw kan, aw bena saniya. Ne bena aw saniya ka bɔ aw ka nɔgɔtɔya koow n'aw ka josɔnko bɛɛ la.

Daniyɛli 9:4

Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Sarakalasebagaw 16:21

k'a bolo fila la a kuun na, ka Isirayɛlidenw ka tilenbaliyakow, n'u ka sariya cɛnkow bɛɛ fɔ, u ka hakɛ bɛɛ, k'u bɛɛ la bakɔrɔnin nin kuun na. O kɔ, a k'a bila a ka taga kongo kɔnɔ. Mɔgɔ min bilara o baara kama, ale lo bena taga n'a ye.

Sarakalasebagaw 26:40

«Ayiwa, u bena tila ka sɔn u ka tilenbaliya, n'u faaw ta la, k'a fɔ ko u ye ne janfa, ko u banna ne la.

Jateri 5:7

A ye hakɛ min kɛ, a bena lɔ n'o ye. A ye fɛɛn min namara, a b'o kɔsegi a tigi ma, k'a ɲɔgɔn tilan duurunan fara a kan.

Matiyu 3:11

«Ne b'aw batize ni jii ye k'a yira ko aw nimisara ka faran aw ka kojuguw la. Nga, min bena na ne kɔ, o ka sebagaya ka bon ni ne ta ye. K'a ka sanbara bɔ a seen na, ne kuun ka dɔgɔ o ma. Ale bena aw batize ni Nii Senuman ni tasuma ye.

Marika 1:5

Zude mara mɔgɔw ani Zeruzalɛmukaw bɛɛ tun be bɔ ka taga sɛgɛrɛ. U tun be lɔ u ka hakɛw la, o kɔ, Zan tun b'u batize Zurudɛn baji la.

Luka 1:16

A bena kɛ sababu ye Isirayɛlidenw caaman be segi ka sɔn Matigi u ka Ala ma.

Luka 3:16

O la, Zan y'a fɔ u bɛɛ ye ko: «Ne b'aw batize ni jii ye, nga min bena na ne kɔ, o ka sebagaya ka bon ni ne ta ye. K'a ka sanbara juru foni, ne kuun ka dɔgɔ o ma. Ale bena aw batize ni Nii Senuman ni tasuma ye.

Kɛwalew 1:5

Zan ye mɔgɔw batize ni jii ye, nga yanni tile damani, aw bena batize ni Nii Senuman ye.»

Kɛwalew 11:16

O tuma na, ne hakili jigira Matigi ka kuma nin na ko: ‹Zan ye aw batize ni jii ye, nga aw bena batize ni Nii Senuman ye.›

Kɛwalew 19:18

Mɔgɔ minw tun lara Yezu la Efɛzi, u caaman tun be na u ka kojugukɛninw fɔ jama ɲana k'a yira k'u te o kɛ tugu.

Kɛwalew 22:16

I be mun le kɔnɔ tugu? Wili an b'i batize i ka hakɛw ka yafa ale Yezu barika la.›

Kor fɔlɔ 10:2

U bɛɛ jɛnna ni Musa ye ka tɛmɛ kɔgɔji kɔnɔ a ka dɛmɛ fɛ.

Kɔlɔsikaw 2:12

Aw batizera tuma min na, o waati la aw suu donna n'a ye, ani ka kunun n'a ye, aw jigi lanin kosɔn setigi Ala kan, ale min y'a kunun.

Heburuw 6:2

ni batizeliko, ani ka bolo la mɔgɔ kan ka Ala dali, ni suuw kununko, ani laban kitiko. An kana segi olu kan tugu.

Heburuw 9:10

A dumuniko, minnifɛnko, yɛrɛsaniyako sifa dɔw, olu bɛɛ tun kɛra landaw le ye fɔɔ ka n'a bila yɛlɛmani waati ma.

Yakuba 5:16

O la sa, aw ye hakɛ minw kɛ, aw ka olu fɔ ɲɔgɔn ye ka Ala daali ɲɔgɔn ye waasa aw be kɛnɛya. Barika be mɔgɔtilennin ka daalili la kosɔbɛ.

Yosuwe 7:19

O tuma na, Zozuwe y'a fɔ Akan ye ko: «N deen, boɲa la Masaba, Isirayɛli ka Ala kan k'a tanu. I ye koo o koo kɛ, o fɔ ne ye, i kana foyi dogo ne la.»

Piy fɔlɔ 3:21

O jii nin tun kɛra batizeli taamasiɲɛ ye, min b'aw kisi bii. O te fari saniyako ye. Nga ŋaniyaɲuman lo an be min ta Ala faan fɛ. A b'aw kisi Yezu Krista ka kununni barika la a sanin kɔ,

Zan fɔlɔ 1:9

Nga n'an sɔnna ka lɔ an ka hakɛw la, o tuma na, an be se k'an jigi la Ala kan a ka kantigiya n'a ka tileniya kosɔn. A bena an ka hakɛw yafa k'an saniya an ka tilenbaliyakow bɛɛ la.