Matiyu 26:74 - ALA KA KUMA

⁷⁴ Nga Piyɛri ko: «Ni ne be galon tigɛra, Ala kana n to, ne te cɛɛ nin lɔn fewu.» O yɔrɔnin bɛɛ, dondo kasira.

Jula NT of Côte d’Ivoire

⁷⁴ O tuma Piyɛri karira fɔ k’a yɛrɛ danga; a ko: «Ne ko ne tɛ cɛ nin lɔn.» O yɔrɔnin bɛɛ ra, dondo kasira.

LAYIDUKURA

⁷⁴ Nga Piyɛri ko: “Ni ne bɛ galon tigɛra, Ala kana n to, ne tɛ cɛɛ nin lɔn fewu.” O yɔrɔnin bɛ, dondo kasira.

Matiyu 26:74 Iomraidhean Croise

Matiyu 10:28

Mɔgɔ minw be se k'aw faga n'u te se ka foyi kɛ aw nii na, aw kana siran olu ɲa. Min be se ka farikolo ani nii halaki jahanama na, aw ka siran ale lo ɲa.

Matiyu 26:34

Yezu y'a fɔ a ye ko: «Tiɲɛ na, ne b'a fɔ i ye ko bii suu nin na yɛrɛ, sanni dondo ka kasi, i ben'a fɔ siɲɛ saba ko i te ne lɔn.»

Matiyu 26:73

Yanni dɔɔni mɔgɔ minw tun b'o yɔrɔ la, olu gwɛrɛla Piyɛri la k'a fɔ a ye ko: «Tiɲɛ na, ele ye mɔgɔ nunu dɔ ye. Hali i ka kuma yɛrɛ b'a yira.»

Matiyu 26:75

O tuma na, Piyɛri hakili jigira Yezu ka kuma na a tun ye min fɔ a ye ko: «Sanni dondo ka kasi, i ben'a fɔ siɲɛ saba ko i te ne lɔn.» Piyɛri bɔra luu kɔfɛ ka kasi kosɔbɛ.

Matiyu 27:25

Jama bɛɛ y'a fɔ ko: «An kɔni n'an deenw be lɔ n'a ka saya kunko ye.»

Marika 14:30

Yezu y'a fɔ a ye ko: «Tiɲɛ na, ne b'a fɔ i ye ko bii suu nin na yɛrɛ, sanni dondo ka kasi siɲɛ fila, i ben'a fɔ siɲɛ saba ko i te ne lɔn.»

Marika 14:68

Piyɛri y'a sɔsɔ. A ko: «N t'a lɔn. Ne m'i ka kuma faamu.» Piyɛri bɔra ka taga lɔ luu daa la. Dondo kasira.

Luka 22:60

Nga Piyɛri y'a jaabi ko: «E be min fɔra, ne t'o faamu.» K'a to o kuma na, o yɔrɔnin bɛɛ dondo kasira.

Yuhana 18:27

Piyɛri y'a fɔ tugu ko ale t'a lɔn. O yɔrɔnin bɛɛ, dondo kasira.

Rɔmukaw 9:3

Bari ne yɛrɛ b'a fɛ n niin ka bɔ Ala ka koo la ka n faran ka bɔ Krista la, ne balimaw kosɔn, ne ni minw ye siya kelen ye,

Kor fɔlɔ 16:22

Ni Matigi ka koo man di mɔgɔ dɔ ye, o tigi danganin lo. Maranata. An Matigi be na.

Yirari 3:19

Minw koo ka di ne ye, ne be olu ladi k'u kolo. Ayiwa, aw ye jija, ka nimisa ka faran aw ka kojugu la.

Kititigɛbagaw 17:2

Loon dɔ, a y'a fɔ a bamuso ye ko: «E ka warigwɛ kuru waa kelen ni kɛmɛ min tun soɲana, n'i ye dangali kɛ u kosɔn ne yɛrɛ ɲana, u be ne fɛ, ne le tun y'u ta.» A bamuso y'a fɔ a ye ko: «Masaba ka barika don e la, n deen!»

Kititigɛbagaw 21:18

Nga an do te se k'an denmusow di u ma ka kɛ u ka musow ye, bari an Isirayɛlidenw tun kalila k'a fɔ ko mɔgɔ min man'a denmuso di Bɛnzamɛn kɔmɔgɔw ma, k'o tigi danganin be.»