Matiyu 26:13 - ALA KA KUMA

¹³ Tiɲɛ na, ne b'a fɔ aw ye ko kibaru diman nin mana fɔ diɲɛ yɔrɔ o yɔrɔ, muso nin ye min kɛ ne ye, a tɔgɔ bena fɔ, mɔgɔw hakili be to a la.»

Jula NT of Côte d’Ivoire

¹³ Can ra ne b’a fɔ aw ye ko ni nin Kibaro Diman* waajuri kɛra yɔrɔ o yɔrɔ dunuɲa kɔnɔ, nin muso ka min kɛ, o ko fana bɛna lakari, ka mɔgɔw hakiri jigi a ra.»

LAYIDUKURA

¹³ Ne b'a fɔ aw ye tinyɛ na ko ni kibaru diman nin mana fɔ dinyɛ yɔrɔ o yɔrɔ, muso nin ye min kɛ ne ye, a tɔgɔ bɛna fɔ u hakili bɛ jigi a koo la.”

Matiyu 26:13 Iomraidhean Croise

Zaburu 112:6

Mɔgɔtilennin tena dɛsɛ foyi la. A koo bena to mɔgɔw hakili la kudayi.

Ezayi 52:9

Zeruzalɛmu tomow, aw ka nisɔndiyapɛrɛnkan bɔ ɲɔgɔn fɛ. Bari, Masaba ben'a ka jama dusu saalo, a bena Zeruzalɛmu kunmabɔ.

Matiyu 24:14

Ala ka kibaru diman bena fɔ diɲɛ yɔrɔ bɛɛ la, waasa Alalɔnbaliw bɛɛ k'a koo mɛn. O kɔ, diɲɛ laban be sɔrɔ ka se.

Matiyu 28:19

O la, aw ye taga siyaw bɛɛ kɛ ne ka kalandenw ye k'u batize Faa, ni Dencɛ ni Nii Senuman tɔgɔ la,

Marika 13:10

Sanni laban tuma ka se, wajibi lo kibaru diman ka fɔ siyaw bɛɛ ye fɔlɔ.

Marika 14:9

Tiɲɛ na, ne b'a fɔ aw ye ko kibaru diman mana fɔ diɲɛ yɔrɔ o yɔrɔ, muso nin ye min kɛ, a tɔgɔ bena fɔ mɔgɔw hakili be to a la.»

Marika 16:15

A tilara k'a fɔ u ye ko: «Aw ye taga diɲɛ yɔrɔ bɛɛ ka kibaru diman fɔ mɔgɔ bɛɛ ye.

Luka 24:47

A ka kibaru ka kan ka fɔ siyaw bɛɛ ye waasa u ka nimisa ka faran u ka kojuguw la, u ka hakɛw ka yafa. O ka kan ka daminɛ Zeruzalɛmu.

Kɛwalew 10:4

Siranya fɛ, Kɔrinɛyi y'a ɲaa basa a la, k'a jaabi ko: «Mun kɛra Matigi?» Mɛlɛkɛ y'a jaabi ko: «I be Ala bato minkɛ, an'i be dɛmɛ min kɛ fantanw ye, o diyara Ala ye. A hakili b'i la.

Rɔmukaw 10:18

O la, ne be n yɛrɛ ɲininga ko u m'o mɛn wa? U kɔni y'o mɛn. A fɔra Ala ka kuma na ko: «Waajulikɛlaw kaan do mɛnna yɔrɔ bɛɛ la, u ka kuma sera fɔɔ diɲɛ daan na.»

Rɔmukaw 15:19

ani kabako sifa caaman ye Nii Senuman barika la. A kɛra ten, k'a ta Zeruzalɛmu fɔɔ ka taga se Iliri mara la, ne ye Krista ka kibaru bɛɛ fɔ o yɔrɔw la.

Kor 2nan 10:18

A ma kɛ ko mɔgɔ min b'a yɛrɛ koo fɔ, k'o tigi ta le ye tiɲɛ ye, nga mɔgɔ min koo ka di Matigi ye.

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.

Kɔlɔsikaw 1:6

O le sera diɲɛ yɔrɔ bɛɛ la, n'a be baara kɛra yen kosɔbɛ, i n'a fɔ a b'a kɛra aw fɛ cogo min na. Kabin'a sera aw fɛ, aw sɔnn'a ma, o le y'aw dɛmɛ ka Ala ka nɛɛma lɔn sɔbɛ la.

Tim fɔlɔ 2:6

A y'a yɛrɛ saraka mɔgɔ bɛɛ kunmabɔli kosɔn. Ala y'o yira waati latigɛnin na.

Heburuw 6:10

Aw ye baara min kɛ, ka koɲuman minw kɛ ka tɛmɛ, ani aw be minw kɛra sisan ka Ala ka mɔgɔw dɛmɛ, k'a yira Ala la ko a koo ka di aw ye, Ala ka ɲi, a tena ɲinɛ o si kɔ.

Yirari 14:6

O kɔ, ne ye mɛlɛkɛ dɔ tɛmɛtɔ ye fɔɔ sankolo la. Kibaru diman min ye waati bɛɛ ta ye, o b'a bolo k'a lase diɲɛ mɔgɔw bɛɛ ma, jamanaw kɔnɔ siyaw bɛɛ ma. O kibaru nin tena nagasi abada.

Sam fɔlɔ 2:30

O le y'a to Masaba, Isirayɛli ka Ala y'a fɔ fana ko ale tun ko i ka soo n'i bɛma ka somɔgɔw bena to ka baara kɛ ale ɲakɔrɔ tuma bɛɛ. Nga sisan a y'a fɔ k'o miiriya yɔrɔ ka jan ale la! Bari a ko mɔgɔ min b'ale boɲa, ale fana b'o tigi le boɲa, nga mɔgɔ min b'ale dɔgɔya, ale fana b'o tigi dɔgɔya.