Matiyu 24:7 - ALA KA KUMA

⁷ Siya dɔ bena wili siya wɛrɛ kama. Jamana dɔ bena wili jamana wɛrɛ kama. Kɔngɔ bena don yɔrɔ dɔw la, dugukolo bena yɛrɛyɛrɛ yɔrɔ dɔw la fana.

Jula NT of Côte d’Ivoire

⁷ Siya dɔ bɛna wuri dɔ wɛrɛ kama, jamana dɔ bɛna wuri dɔ wɛrɛ kama. Kɔngɔba ni dugukoloyɛrɛyɛrɛ bɛna kɛ yɔrɔ caman na.

LAYIDUKURA

⁷ Siya dɔ bɛna wili siya wɛrɛ kama. Jamana dɔ bɛna wili jamana wɛrɛ kama. Kɔngɔ bɛna don yɔrɔ dɔw la, dugukolo bɛna yɛrɛyɛrɛ yɔrɔ dɔw la fana.

Matiyu 24:7 Iomraidhean Croise

Lok 2nan 15:6

Siyaw tun be ɲɔgɔn kɛlɛla, duguw fana tun be ɲɔgɔn kɛlɛla, bari Ala le tun y'u sigɛn ni tɔɔrɔ sifa bɛɛ sababu ye.

Ezayi 19:2

A ko: «Ne bena Ezipitikaw sun ka bila ɲɔgɔn na. Balimaw bena ɲɔgɔn kɛlɛ, teriw bena ɲɔgɔn kɛlɛ. Duguw bena ɲɔgɔn kɛlɛ, maraw bena ɲɔgɔn kɛlɛ.

Ezayi 29:6

Masaba, Setigi bena i dɛmɛ, a bena na ni sanpɛrɛn ye, ni dugukolo yɛrɛyɛrɛ ye, ni mankanba ye, ni fununfunun ni fɔɲɔba ye, ani tasumaba ye.

Ezekiyɛli 14:21

Ayiwa, ne Matigi, Masaba be min fɔ, o filɛ nin ye: «Hali ni ne ye tɔɔrɔko naani nunu lase Zeruzalɛmu ma: murujan, ni kɔngɔ, ni warajuguw, ani fɔɲɔbana, k'a kɔnɔ mɔgɔw ni begɛnw faga,

Ezekiyɛli 21:27

Biɲɛ yuguyuguta min be Zeruzalɛmu yira, o don a kinibolo la. A ka kan ka taga Zeruzalɛmu ka kogocifɛnw bila, ka sira di ko u ka fagali kɛ, ka kɛlɛ kulekan wili, ka kogocifɛnw bila dugu dondaw la, ka bɔgɔ tonton k'a kɛ yɛlɛyɔrɔ ye, ka kɛlɛkɛyɔrɔw lɔ, ka dingɛw sogi.

Jakariya 14:13

O loon na, Masaba bena ɲagamini kɛ u cɛma, k'a kɛ u jaa be tigɛ. Bɛɛ ben'a tɔɲɔgɔn minɛ, ka ɲɔgɔn kɛlɛ.

Luka 21:11

Dugukolo bena yɛrɛyɛrɛ kosɔbɛ yɔrɔ dɔw la. Fɔɲɔbanaw ni kɔngɔ bena don yɔrɔ dɔw la fana. Jatigɛkow ni taamasiɲɛbabaw bena ye sankolo la.

Kɛwalew 11:28

U dɔ tɔgɔ tun ko Agabusi, o wilila k'a fɔ Nii Senuman barika la ko kɔngɔ bena don diɲɛ yɔrɔ bɛɛ. Tiɲɛ na, o kɔngɔ nin donna masacɛba Kulodi ka tile la.

Kɛwalew 2:19

N bena kabakow kɛ sankolo la, ka taamasiɲɛw kɛ dugukolo kan, joli, tasuma ani sisi.

Heburuw 12:27

N'a fɔra ko «siɲɛ kelen tugu,» o kɔrɔ ko fɛɛn minw bena yɛrɛyɛrɛ, olu bena tunu. Minw te yɛrɛyɛrɛ, olu be to yen.

Yirari 6:12

Sagaden ye taamasiɲɛ wɔɔrɔnan bɔ tuma min na, dugukolo yɛrɛyɛrɛla kosɔbɛ. Tile finna kirikiri. Kalo wulenna i n'a fɔ joli.

Yirari 6:5

Sagaden ye taamasiɲɛ sabanan bɔ tuma min na, ne ye nimanfɛn sabanan pɛrɛnkan mɛn ko: «Na yan.» Ne ye filɛli kɛ, n y'a ye soo finman bɔra. Mɔgɔ min tun b'a kan, kilo tun b'o bolo.

Yirari 6:6

N ye kumakan dɔ mɛn ka bɔ nimanfɛn naani nunu cɛma ko: «*Bile kilo kelen sɔngɔ ye tile kelen baara wari ye. *Orizi kilo saba sɔngɔ fana ye tile kelen baara wari ye. I kana maga tulu ni duvɛn na.»

Yirari 6:8

N ye filɛli kɛ, n y'a ye soo binkɛnɛman bɔra. Mɔgɔ min tun b'a kan, ale tɔgɔ ko Saya. Lahara tugunin tun b'a kɔ. See dira olu ma waasa ka diɲɛ mɔgɔw tilan naaninan faga ni murujan ye, ni kɔngɔ, ni banajuguw, ani kongosogo farimanw ye.