Matiyu 24:5 - ALA KA KUMA

⁵ Bari, mɔgɔ caaman bena na ne tɔgɔ la k'a fɔ k'olu ye Ala ka Mɔgɔ wolomanin nin ye ka mɔgɔ caaman fili.

Jula NT of Côte d’Ivoire

⁵ Sabu mɔgɔ caman bɛna na ni ne tɔgɔ ye, k’a fɔ ko olugu le Kisibaga* ye. O bɛna mɔgɔ caman lafiri.

LAYIDUKURA

⁵ Bari, mɔgɔ caaman bɛna na ne tɔgɔ la u yɛrɛ kan k'a fɔ k'olu ye Ala ka Mɔgɔwolomanin nin ye. O cogo la, u bɛna mɔgɔ caaman lafili.

Matiyu 24:5 Iomraidhean Croise

Yeremi 14:14

O tuma na, Masaba y'a fɔ ne ye ko: «Kira nunu be min fɔra ne tɔgɔ la, o ye galon le ye. Ne m'u ci. Ne ma cii foyi di u ma. Ne ma foyi fɔ u ye. Olu yɛrɛ ka siko galonlamanw, ni lagwɛlikɛkumafu nunu, ani u ka miiriyakolonw, u b'o le kiraya kɛra aw ye.

Yeremi 23:21

Ne ma kira nunu ci dɛ! U do b'a la ka boliboli. Ne ma kuma u fɛ, u do b'a la ka kiraya kɛ.

Yeremi 23:25

«Kira minw be galon tigɛra ne tɔgɔ la, ne b'u ka fɔta mɛnna. U ko: ‹Ne sikora, ne sikora!›

Yeremi 37:9

Ne Masaba ko: ‹Aw kan'aw yɛrɛ nigɛ k'a miiri ko Babilɔnikaw bena taga k'aw to ten, bari u te na taga!

Matiyu 24:11

Mɔgɔ caaman bena wili ka galon tigɛ k'olu ye kiraw ye, u bena mɔgɔ caaman fili.

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Yuhana 5:43

Ne nana n Faa Ala tɔgɔ la, nga aw ma sɔn ne ma. Ni mɔgɔ dɔ nana a yɛrɛ tɔgɔ la sisan, aw be sɔn ale ma.

Yuhana 8:24

O kama lo ne y'a fɔ aw ye ko aw bena sa aw ka hakɛw la. Ne ko ne ye min ye, n'aw ma la o la, aw bena sa aw ka hakɛw la sɔbɛ la.»

Yuhana 8:28

O la, Yezu y'a fɔ u ye ko: «N'aw ye Mɔgɔ Dencɛ kɔrɔta sanfɛ ka ban tuma min na, ne ye min ye, aw bena o lɔn, ko ne te foyi kɛ n yɛrɛ ma. N Faa ye min fɔ n ye, ne b'o le fɔ.

Zan fɔlɔ 2:18

Ne deenw, diɲɛ labantuma surunyana. Aw y'a mɛn ko Krista jugu ka kan ka na. K'a sɔrɔ a juguw yɛrɛ ka ca bii nin na. An b'a lɔn o le fɛ ko diɲɛ labantuma surunyana.

Zan fɔlɔ 2:22

Mɔgɔ min b'a fɔ ko Yezu te Ala ka mɔgɔ wolomanin ye, o tigi le ye galontigɛla ye. Krista jugu le be ban Faa Ala n'a Dencɛ la.

Zan fɔlɔ 4:3

Nga ni min be ban o ma, o tigi te Ala ta ye, Krista jugu lo, aw ye min nako mɛn ka kɔrɔ. Ayiwa, kabini sisan, a be diɲɛ kɔnɔ ka ban.

Yirari 13:8

U tun ye Sagaden min faga kabini diɲɛ dantuma, mɔgɔ minw tɔgɔ te nii banbali sɛbɛ kɔnɔ, olu bɛɛ bena sogo nin bato.