Matiyu 24:11 - ALA KA KUMA

¹¹ Mɔgɔ caaman bena wili ka galon tigɛ k'olu ye kiraw ye, u bena mɔgɔ caaman fili.

Jula NT of Côte d’Ivoire

¹¹ Cira faninyafɔbaga caman bɛna wuri, ka mɔgɔ caman lafiri.

LAYIDUKURA

¹¹ Mɔgɔ caaman bɛna wili ka galon tigɛ k'olu ye kiraw ye, u bɛna mɔgɔ caaman lafili.

Matiyu 24:11 Iomraidhean Croise

Matiyu 24:12

Kojugu bena fanga sɔrɔ fɔɔ mɔgɔ caaman tena Ala, n'u tɔɲɔgɔnw kanu tugu.

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Matiyu 24:5

Bari, mɔgɔ caaman bena na ne tɔgɔ la k'a fɔ k'olu ye Ala ka Mɔgɔ wolomanin nin ye ka mɔgɔ caaman fili.

Matiyu 7:15

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo.

Marika 13:22

Mɔgɔ dɔw bena galon tigɛ k'olu ye Ala ka Mɔgɔ wolomanin nin ye. Dɔw fana bena galon tigɛ k'olu ye kiraw ye. U bena kabakow kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Kɛwalew 20:30

Dɔw fana bena wili aw yɛrɛ cɛma ka to ka galon tigɛ, waasa ka kalandenw caaman sama ka tugu u yɛrɛ kɔ.

Tim fɔlɔ 4:1

Nii Senuman b'a fɔ k'a gwɛ ko laban tuma na, mɔgɔ dɔw bena u jigi bɔ Yezu Krista kan. U bena mɛnni kɛ namaramɔgɔw fɛ, ani ka sɔn jinaw ka kalan ma.

Piy 2nan 2:1

Ayiwa, fɔlɔ la, kirajuguw tun be mɔgɔw cɛma. O cogo kelen na, karamɔgɔjuguw bena bɔ aw fana cɛma ka mɔgɔw kalan ni galon dɔrɔn ye min be cɛnni kɛ fɔɔ u be taga ban u Matigi la, min y'u kunmabɔbaga ye. O tuma na sa, u bena bari ka halaki.

Zan fɔlɔ 2:18

Ne deenw, diɲɛ labantuma surunyana. Aw y'a mɛn ko Krista jugu ka kan ka na. K'a sɔrɔ a juguw yɛrɛ ka ca bii nin na. An b'a lɔn o le fɛ ko diɲɛ labantuma surunyana.

Zan fɔlɔ 2:26

Mɔgɔ minw b'a fɛ k'aw lafili, ne be sɛbɛ nin cira aw ma olu ka koo la.

Zan fɔlɔ 4:1

Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.

Zude 1:4

Bari namaramɔgɔ dɔw donna aw cɛma minw ka jalakiko fɔra Ala ka kuma na kabini tumajan. O Alaɲasiranbali nunu be an ka Ala ka nɛɛma koo ta k'o kɛ kokolon kɛli ye, ani u bɛɛ be ban an Matigi Yezu Krista la, ale min kelenpe ye an kuntigi ye.

Yirari 19:20

Nga u ye Sogo nin kɛlɛ k'a minɛ, ka kira galontigɛla minɛ. Ale min tun be to ka kabakow kɛ a ɲana ka mɔgɔw lafili ka di Sogo nin ma, k'a kɛ Sogo nin ka taamasiɲɛ bilara mɔgɔw kan, n'u y'a bato. U ye Sogo nin, ani kira galontigɛla minɛ k'u fili jahanama na. Tasuma ni kiribi le mananin be yen.