Matiyu 2:11 - ALA KA KUMA

¹¹ U donna soo kɔnɔ, ka denɲɛnin n'a bamuso Mariyamu ye. U y'u kunbiri gwan k'a deen boɲa. O kɔ, u y'u ka minanw dayɛlɛ, ka sanu ni wusulan ani tulu kasadiman di deen ma.

Jula NT of Côte d’Ivoire

¹¹ O donna bon kɔnɔ. O ka den ye, ani a bamuso Mariyamu. O ka o kinbiri gban ka den bato. O kɔ, o ka o ta minanw dayɛlɛ ka sanin ni wusunan di den ma, ani turu kasadiman min tɔgɔ ye ko miri.

LAYIDUKURA

¹¹ U donna soo kɔnɔ, ka dennyɛnin n'a bamuso Mariyamu ye. U y'u kunbiri gwan ka deen bonya. O kɔ, u y'u ka minanw dayɛlɛ, ka sanu ni wusulan ani tulu kasa diman di deen ma.

Matiyu 2:11 Iomraidhean Croise

Damina 43:11

O la, u facɛ Yakuba y'a fɔ ko: «O tuma na, aw ye an ka jamana kɔnɔ fɛnɲuman dɔw ta aw bolo ka taga o di cɛɛ nin ma. Yiriji kasadiman sifa dɔw, ni lii dɔɔni, ani pisitasiyiridenw, ni amandiyiridenw fana.

Mas fɔlɔ 10:10

Masamuso nin ye sanu tɔni saba ni tilan ɲɔgɔn, ni wusulan caaman, ani kabakuru sɔngɔgwɛlɛnw d'a ma. Saba masamuso ye wusulan minw di masacɛ Solomani ma, mɔgɔ wɛrɛ ta ma se o ma tugu o kɔfɛ.

Mas fɔlɔ 10:2

A nana se Zeruzalɛmu. Mɔgɔ caaman tun y'a bila sira, u tun nana ni ɲɔgɔmɛw ye, ka wusulan ta, ni sanu caaman, ani kabakuru sɔngɔgwɛlɛnw. A tagara Solomani fɛ, k'a kɔnɔnakow bɛɛ fɔ a ye.

Zaburu 2:12

Aw k'a Dencɛ boɲa janko a kana dimi, aw kana bari ka sa, bari a dimi man gwɛlɛ. Mɔgɔ minw bɛɛ b'u yɛrɛ kalifa a ma, olu dagamunin lo.

Zaburu 45:8

Tilenninya ka d'i ye, juguya man d'i ye. O la, Ala, i ka Ala y'i woloma k'i nisɔn diya ka tɛmɛ i tɔɲɔgɔnw kan.

Zaburu 72:10

Tarisisi masacɛ ni kɔgɔji cɛma jamana taw bena na ni boɲafɛnw ye a fɛ. Saba masacɛ ni Seba ta bena nilifɛnw d'a ma.

Zaburu 72:15

A to masacɛ ka sii sɔrɔ! Sanu ka d'a ma ka bɔ Saba. Daalili ka kɛ a ye tuma bɛɛ. Duba ka kɛ a ye loon bɛɛ.

Zaburu 95:6

Aw ye na an ka don ka ɲɔngiri. An k'an kunbiri gwan Masaba kɔrɔ, ale min y'an dan.

Bɔri 30:23

«I ka fɛɛn kasadiman ɲanaman nunu ta: i ka tulu kasadiman kilo duuru bɔ, ni kanɛlifara kasadiman kilo fila ni tilan. O ye jii nin hakɛ tilancɛ ye, ani lili kasadiman dɔ kilo fila ni tilan,

Bɔri 30:34

Masaba y'a fɔ Musa ye tugu ko: «I ka fɛɛn kasadiman nunu ta: sitorakisi, ni anbere, ani galibanumu, ani wusulan ɲanaman. O fɛɛn nunu hakɛ ka kɛ kelen ye.

Dɔnkiriw 3:6

Ee! Jɔn le be wilila ka bɔ kongo la ten, i ko sisi? Mire kasa ni wusulan kasa, ani kasa diman bɛɛ b'a kan.

Ezayi 60:6

Ɲɔgɔmɛ caaman bena na i ka yɔrɔ fa, u bɔra Madiyan ni Ɛfa le. Sabakaw bɛɛ bena na ni sanu ni wusulan ye. U bena to ka Masaba tanu.

Sarakalasebagaw 6:15

Arɔn dencɛ min mana kɛ sarakalasebagaw kuntigi ye a nɔɔ na, ale fana k'o ɲɔgɔn kɛ. O ye ne Masaba niyɔrɔ ye tuma bɛɛ, a bɛɛ ka jɛni pewu.

Malaki 1:11

Bari, k'a ta kɔrɔn fɛ, ka ta'a bila tileben fɛ, ne tɔgɔ ka bon siyaw cɛma. Yɔrɔ bɛɛ la, wusulan be jɛni ne ye ani sarakafɛn saniyanin, bari ne tɔgɔ ka bon siyaw cɛma. Ne Masaba, Setigi le ko ten.

Jateri 7:14

ani filen sanulaman kelen, o gwiliya tun ye garamu kɛmɛ ye. A fanin tun be wusulan na.

Jateri 7:86

Filen sanulaman minw tun fanin be wusulan na, olu kelen kelen bɛɛ gwiliya tun ye garamu kɛmɛ kɛmɛ ye ka kɛɲɛ ni Masaba ka yɔrɔ warigwɛ jaticogo ye. U bɛɛ lajɛnnin tun kɛra kilo kelen ni garamu kɛmɛ fila ye.

Matiyu 1:18

Yezu Krista wolola cogo min na, o filɛ. A bamuso tɔgɔ tun ko Mariyamu, a maminɛnin tun be Yusufu ye. Sanni u ka furu, o y'a sɔrɔ Mariyamu ye kɔnɔ ta Nii Senuman barika la.

Matiyu 12:46

Yezu tun be kumana jama fɛ. K'a to o la, a bamuso n'a dɔgɔninw sera. U lɔra kɛnɛma. U tun b'a fɛ ka kuma a fɛ.

Matiyu 14:33

Kalanden tɔɔ minw tun be kurun kɔnɔ, olu y'u kunbiri gwan Yezu kɔrɔ k'a fɔ a ye ko: «Tiɲɛ na, i ye Ala Deen ye.»

Matiyu 2:10

U ye lolo nin ye tuma min na, u nisɔn diyara kosɔbɛ.

Matiyu 2:2

k'a koo ɲininga ko: «Zuwifuw ka masacɛ min wolola sisan, a be min? An nan'a boɲa bari an y'a ka lolo ye k'an to kɔrɔn fɛ.»

Luka 2:16

U teliyara ka taga. U tagara Mariyamu ni Yusufu ani denɲɛnin sɔrɔ yen. Denɲɛnin lanin tun be kolokolo dɔ kɔnɔ.

Luka 2:38

Yezu kalifatuma Ala ma, o waati yɛrɛ la Anɛ fana donna Alabatosoba kɔnɔ. A y'a daminɛ ka barika la Ala ye. Mɔgɔ minw tun be Zeruzalɛmu kunmabɔbaga nali kɔnɔna, a ye Yezu koo fɔ olu bɛɛ ye.

Yuhana 19:39

Nikodɛmu min tun tagara Yezu fɛ loon dɔ sufɛ, ale fana nana ni tulu kasadiman ɲagaminin ye, min tun be se kilo bi saba ma.

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: «Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔɲɔgɔnw, minw ye Yezu ka kuma minɛ ka ɲa. I ka kan ka Ala le bato.» Yezu ye tiɲɛko min fɔ, kiraw tun ye o sɔrɔ Nii Senuman barika la.

Yirari 5:8

A y'a minɛ minkɛ, nimanfɛn naani nunu, ani cɛkɔrɔba mugan ni naani nunu bɛɛ y'u kunbiri gwan a kɔrɔ. Gɔni, ani sanudagaw tun b'u bɛɛ bolo minw fanin tun be wusulan na. O fɛɛn nunu tun ye Ala ka mɔgɔɲumanw ka daaliliw taamasiɲɛ ye.

Sam fɔlɔ 10:27

Mɔgɔkolon dɔw tun be yen minw b'a fɔra ko: «Cɛɛ nin bena kɛ di k'an kisi?» U tun b'a lɔgɔbɔ, u ma sɔn ka boɲafɛn si d'a ma. Nga Sayuli m'a daa don u daa la.