Matiyu 19:9 - ALA KA KUMA

⁹ Ne b'a fɔ aw ye ko ni mɔgɔ o mɔgɔ y'a ka muso furu sa, ni ɲamɔgɔya sababu tɛ, ka dɔ wɛrɛ ta, o tigi ye kakalaya kɛ.»

Jula NT of Côte d’Ivoire

⁹ Ne kɔni b’a fɔ aw ye ko ni cɛ o cɛ k’a muso bla ka muso wɛrɛ furu, o cɛ bɛ jɛnɛya le kɛra, fɔ ni a kɛra ko o muso tun bɛ cɛ wɛrɛ le fɛ.»

LAYIDUKURA

⁹ Ne b'a fɔ aw ye ko mɔgɔ min b'a ka muso furu sa, ni nyamɔgɔya sababu tɛ, ka tila ka dɔ wɛrɛ furu, o tigi ye kakalaya kɛ.”

Matiyu 19:9 Iomraidhean Croise

Damina 20:3

Nga Ala y'a yɛrɛ yira Abimelɛki la siko la sufɛ k'a fɔ a ye ko: «I bena sa muso nin kosɔn, i ye min ta, bari a furunin lo.»

Lok 2nan 21:11

A tun ye sɔnnikɛyɔrɔw dilan fana Zuda mara kuluw kan. A ye Zeruzalɛmukaw ni Zuda mara mɔgɔ tɔw bila kakalaya la.

Yeremi 3:1

«Ni cɛɛ y'a muso furu sa, n'a fana tagara furu cɛɛ wɛrɛ ma, cɛɛ fɔlɔ nin be se ka segi ka ta'a minɛ tugu wa? Ayi, o bena jamana nɔgɔ. Isirayɛlidenw, aw minw ye kakalaya kɛ ni fɛɛn caaman ye, aw be tila k'a fɔ ko aw bena segi ne fɛ tugu wa? Ne Masaba le ko ten.

Yeremi 3:8

Ne ye Isirayɛli mara mɔgɔ tilenbaliw ka furu sa, u ka kakalaya bɛɛ kosɔn. A balimamuso Zuda mara janfamɔgɔ nin y'a ye, o bɛɛ n'a ta, a ma siran. Ale fana tor'a ka kakalaya la.

Ezekiyɛli 16:15

« ‹Nga e y'i jigi la i ka cɛɲa kan. I ye kakalaya kɛ i tɔgɔba kosɔn. Mɔgɔ o mɔgɔ tɛmɛna, i y'o kanu k'i yɛrɛ d'a ma.

Ezekiyɛli 16:29

I ye kakalaya kɛ siɲɛ caaman Babilɔni jamana kɔnɔ, o min ye jagokɛlaw ka jamana ye. O si ma i wasa.

Ezekiyɛli 16:8

Ayiwa, waati wɛrɛ, ne tɛmɛna i gɛrɛfɛ, ne y'a ye ko i sera furu ma. Ne ye n ka fani biri i kan k'i farilakolon datugu. Ne ye n daa d'i ma ka bɛn n'i ye. O la, i kɛra ne ta ye.› Ne Matigi, Masaba le ko ten.

Matiyu 19:10

Yezu ka kalandenw y'a fɔ a ye ko: «Ni nin le kɛra furu cogo ye, o tuma na, kuun t'a la mɔgɔ ka furu.»

Matiyu 19:8

Yezu y'a fɔ u ye ko: «Aw ka dusugwɛlɛya le y'a to Musa sɔnna ko aw be se k'aw ka muso bila, n'o tɛ, fɔlɔfɔlɔ a tun te ten.

Matiyu 5:32

Nga, ne b'a fɔ aw ye ko ni mɔgɔ o mɔgɔ y'a ka muso furu sa ni ɲamɔgɔya sababu tɛ, o tigi b'a ka muso bila kakalaya la. Ni mɔgɔ min ye muso furu sanin furu, o tigi ye kakalaya kɛ.

Luka 16:18

«Mɔgɔ o mɔgɔ y'a muso furu sa ka dɔ wɛrɛ ta, o tigi be kakalaya kɛ. Ni mɔgɔ o mɔgɔ ye muso furusanin furu, o tigi be kakalaya kɛ fana.

Kor fɔlɔ 5:1

A be fɔra yɔrɔ bɛɛ ko kakalaya dɔ kɛra aw cɛma, o min ɲɔgɔn te sɔrɔ Alalɔnbaliw yɛrɛ fɛ. Mɔgɔ dɔ b'aw cɛma min y'a facɛ ka muso bɔsi.

Kor fɔlɔ 7:39

Ka muso cɛɛ to sii la, muso nin sirinin b'a la. Nga ni cɛɛ nin sara, muso lafoninin be. A be se ka furu cɛɛ wɛrɛ ma nga fɔɔ ale ka kɛ mɔgɔ ye min lara Krista la.

Kor fɔlɔ 7:4

Muso t'a yɛrɛ farisogo kunna fɔɔ a cɛɛ. O cogo la fana, cɛɛ t'a yɛrɛ farisogo kunna fɔɔ a muso.